Frjáls verslun - 01.04.1980, Blaðsíða 66
Arnfinnur, hótelstjóri á Varðborg:
„Ferðaskrifstofa ríkisins undirbýður
verð á gistingu”
Hlutverk Akureyrar sem samgöngumiðstöðvar fyrir Norðurland, og þó
einkum norðaustanvert landið, hefur stöðugt farið vaxandi hin síðustu ár.
Sem fyrr liggja leiðir sérleyfishafanna á landi úr hinum ýmsu byggðar-
lögum landshlutans til höfuðstaðar Norðurlands og flugsamgöngur innan
héraðs hafa fengið aukna þýðingu með umfangsmikilli starfsemi Flugfé-
lags Norðurlands, sem heldur uppi áœtlunarferðum til átta staða á
Norðurlandi auk ísafjarðar og Egilsstaða. Eru ferðir þess félags oftast í
beinum tengslum við ferðir Flugleiða milli Akureyrar og Reykjavíkur.
Slíkt framhaldsflug hefur gjörbreytt þjónustu við farþega á leið til hinna
fjarlœgari áfangastaða í landshlutanum.
Innlendir og erlendir ferðamenn
á leiö um landið í skemmtiferðum
hafa gjarnan viðdvöl á Akureyri.
Tjaldstæði er skammt frá sund-
lauginni og er þar rými fyrir allt að
100 tjöld. Á tjaldstæði Akureyrar
eru salerni, handlaugar, rennandi
vatn og rafmagn fyrir raftæki.
Gæsla er á stæðinu allan daginn
og margar verzlanir í nágrenninu.
Sem sagt: Ferðafólk á að geta látið
fara nokkuö vel um sig í tjaldi í
Akureyrarbæ.
Fjögur hótel rekin í sumar
Mörgum finnst þó notalegra að
verja nóttunum á Akureyri uppi í
þægilegu rúmi á gistihúsum
bæjarins, sem eru reyndar fjögur á
sumrin. Hótel KEA er þeirra virðu-
legast með mestri þjónustu við
gestina. Herbergi eru þar 28 tals-
ins, sum með baði eða sturtu og
sérsvölum. Á hótelinu er bar og
fyrsta flokks veitingasalur með
gómsætum réttum á matseðli.
Súlnaberg er kaffitería á jarðhæð
hótelsins og er þar boðið upp á
margs konar rétti við tiltölulega
lágu verði. Bautinn er grillstaður
gegnt Hótel KEA. Hótel Varðborg
er annað aðalhótel bæjarins, í eigu
góðtemplarahreyfingarinnar. Þar
eru herbergi 26 að tölu, sum með
baðherbergi. Matur er fram borinn
í veitingasal á jarðhæð. Önnur
gistihús, en öllu látlausari, eru
Hótel Akureyri í Hafnarstræti og
62