Frjáls verslun - 01.05.1980, Blaðsíða 32
Magnús L. Sveinsson ræðir stöðuna í samningamálunum við Guðmund Vigni Jósefsson sáttasemjara.
Samvinna við vinnuveitendur
— Verslunarmannafélag Reykjavíkur er í
þeirri einstæðu aðstöðu, að geta unnið með
sínum viðsemjendum, sbr. Hús verslunarinnar
og samtökin Viðskipti og verslun.
,,Það er nú ekkert einsdæmi að launþegar
eigi samstarf við atvinnurekendur. Við stöndum
í byggingaframkvæmdum með aðilum verslun-
arinhar. Ég vil minna á, að slíkt gerðu iðnrek-
endur og iðnaðarmannafélögin þegar Iðnaðar-
mannahúsið var reist. Þessir sömu aðilar ásamt
samtökum iðnverkafólks stóðu saman að
áróðrinum um íslenskan iönað á sama hátt og
við gerum í samtökunum Viðskipti og verslun."
Fyrirtækjasamningar
— Eru fyrirtækjasamningar, samningar fyrir-
tækja við alla starfsmenn fyrirtækis eins og í
Álverinu og Áburðarverksmiðjunni það sem
koma skal?
,,Ég tel að skoða eigi þessa leið gaumgæfi-
lega og hún geti verið af hinu góða, enda hljóta
hagsmunir beggja aðila að fara hér saman, eins
og svo víða annars staðar.
Það er staðreynd að verkalýðsfélögin hafa
náö betri samningum í þessum tilfellum, heldur
en þeim heföi annars tekist. Sjálf hafa fyrirtækin
séð sér hag í þessu og aukið rekstraröryggi.
Þessir samningar eru mjög þekktir erlendis
og verslunarmenn á Norðurlöndunum hafa gert
mikið af slíkum samningum, og nú vill svo til að
ég og fyrrverandi formaður VR, Guðmundur H.
Garðarsson, erum á leiðinni til Norðurlanda til
þess að kynna okkur þessi mál."
— Verður þetta ekki til þess að minnka vald
verkalýðsfélaganna?
,,Nei, ég held að þetta yrði frekar til þess að
færa valdið aftur til þeirra, en samningagerðin
hefur færst mjög mikið til samninganefndar ASÍ
á síöustu árum.“
Magnús meö flugfreyjurnar á sínum
örmum
— Þið tókuð flugfreyjurnar upp á ykkar
arma.
,,Ja . . . , ef það væri svo vel. Það hefðu ef-
laust margir áhuga á því. Þannig var, að á
sínum tíma komu forystumenn flugfreyja og
leituðu eftir aðstoð frá VR. Það hafði veriö mikil
hreyfing í forystuliði þeirra og þar sem þær
ílengdust ekki í starfi og starfsemina vantaði, að
þeirra mati, einhverja festu, þá óskuðu þær eftir
aðstoð og aðstöðu á skrifstofu VR. Starfið hefur
aðallega verið fólgið í aðstoð við gerð kjara-
samninga, sem ég hef lengst af unnið að með
þeim. Auk þess hafa þær skrifstofu og fundar-
aðstöðu í húsnæði VR. Nú hafa þær fest kaup
á eigin húsnæði og munu þær því fljótlega flytja
starfsemina í það. Ég verð þó að segja, að ég
mun sakna þeirra úr húsinu."
32