Frjáls verslun - 01.05.1980, Blaðsíða 77

á hringveginum
fyrirvaralaust, Hítarvatn er þó
undantekning, þar þarf að panta
sér daga með fyrirvara. En Langa-
vatn, Hlíðarvatn, Baulárvallavatn,
Hraunsfjarðarvatn og Selvallavatn
bjóða upp á öræfakyrrð og góða
veiði. í Baulárvatni er auk þess
möguleiki að setja í vatnaskrímsli.
Snæfellsnesið geymir einnig
nokkrar ágætar laxveiðiár, Haf-
fjarðará, Straumfjarðará og
Fróðá dettur manni í fljótu bragði
í hug. í Dölunum er lax í hverri
sprænu. Þar eru kunnastar Laxá,
þar sem útlendingarnir einir veiða,
og Haukadalsá.
Vestfirðirnir eru dálítið sér á
báti. Þar eru margar ár, flestar
stuttar og kaldar og nýtast því
ekki venjulegu ferðafólki. Er lax
ísumum. j öðrum er göngusil-
ungur og er ekki hægt að mæla
með öðru en að fólk spyrjist fyrir.
Þess má geta, að gistihúsin á
Barðaströndinni hafa oft verið
með nokkur góð silungsvötn í tak-
inu og getað boðið ferðafólki upp
á góða og ódýra silungsveiði.
Á Norðurlandi eru margar af
bestu laxveiöiám landsins, meira
að segja ár sem eiga sér enga líka í
heiminum. Nægir þar að benda á
Laxá á Ásum, sem gefur árlega
hátt í 2000 laxa yfir sumarið. Á að-
eins tvær stangir! Laxá er einnig
að sögn dýrasta áin, dagurinn þar
mun kosta hátt á þriðja hundrað
þúsund. Þrátt fyrir verðið, komast
færri að en vilja. Frábærar lax-
veiðiár eru einnig Miðfjarðará,
Vatnsdalsá, Víðidalsá, Blanda og
Laxá í Aðaldal. Þistilfjarðarárnar
þykja einnig frambærilegar. Eins
og nærri má geta, er víða hægt að
komast í góða silungsveiði fyrir
norðan. Má þar fyrst og fremst
nefna urriðaveiðisvæðið í ofan-
verðri Laxá í Þingeyjarsýslu, en
erlendir auðkýfingar sem þar hafa
rennt, hafa ekki hikað við að leggja
það svæði jafnfætis bestu sil-
ungsveiðistöðum heims. Framtíð-
in ber í skauti sér laxgengd á
þessum kafla árinnar og þó aö það
sé gott og gilt, læðist að manni
hvort það sé verjandi að spilla
slíkri silungsveiði sem þarna er.
Efri hluti Laxár, er kunnasti sil-
ungsveiðistaður landsins, en víðar
á Norðurlandi er hægt að renna
fyrir silung. T.d. í næstum hverju
vatni á Melrakkasléttu. Þar ættu
ferðamenn að biðja bændur góð-
fúslega að vísa sér á veiðilegustu
staðina. Af öðrum góðum vötnum
má auðvitað nefna sjálft Mývatnið,
en ekki síður vötn í nágrenni þess,
t.d. Másvatn og Vestmannsvatn.
Þarna er fiskur nánast í hverjum
polli og þyrfti heila símaskrá til að
nefna öll.
Austfjörðum svipar nokkuð til
Vestfjarða að þessu leyti, nema
hvað bestu laxveiðiárnar eru miklu
betri, eða a.m.k. gjöfulli. Vopna-
fjarðarárnar Selá, Hofsá og
Vesturdalsá eru í sérflokki,
Breiðdalsá gefur lítið eftir, auk
þess sem hún býður upp á stór-
kostlega sjósilungsveiði. Silungs-
veiðimöguleikar eru óþrjótandi á
Fljótsdalshéraði, á vatnasvæði
Lagarfljótsins. Fjöldi fallegra
bergvatna rennur saman við
Lagarfljótið, silungur er um a(lt,
einnig veiöileyfi. Þarna er nóg
pláss. Niður Austfirðina eru vötn
hér og þar og ættu menn að vera
ófeimnir að leita sér upplýsinga,
t.d. á gistihúsunum.
Suðurlandið er ríki sjóbirtings-
ins, hann er þar í flestum straum-
vötnum, hvort sem um bergvötn
eða jökulvötn er að ræða. Laxinn
73