Frjáls verslun - 01.05.1980, Blaðsíða 84
Klukkutinda, en þangað er all-
langur aðdragandi. Er því betra að
fara upp með gili sem er nokkru
norðan við miðja vesturhlíð fjalls-
ins. Best er að fara upp gilbarminn
að norðan, er það bratt en tor-
færulaust. Af brún er svo þæf-
ingsbrekka upp á gígbarm en í
gígskálinni er hjarn og vatn fram
eftir sumri.
Vinsæl og skemmtileg göngu-
leið er upp með Brúará um svo-
nefnd Brúarárskörð milli Högn-
höfða og Rauðafells. Má fara
hvorum megin árinnar sem er, en
hún kemur upp spölkorn ofan við
skörðin. Er mjög sérkennilegt að
sjá hvernig hún sprettur þar upp úr
svörtum Rótasandinum. Högn-
höfði er auðveldur uppgöngu, en
Kálfstindur og Skriðutindar sýnast
torsóttari.
Þarna getur að líta margar
gerðir fjalla á tiltölulega litlu svæði.
Þarna eru dyngjur eins og Skjald-
breiður, Lambahraun og Sandfell,
stapar eins og Hlöðufell og Skrið-
an og móbergshryggir eins og
Kálfstindur og Skriðutindar.
Eitt er einkenni á landssvæði
þessu, sem ferðamenn verða að
hafa í huga, en þar er víða erfitt að
ná í vatn. Vatnsból er illt á Hlöðu-
völlum og þrýtur í þurrkum en það
er nokkurn spöl frá skálanum í
stefnu á Skriðuna. Vatn má lengi
finna í hraunbollum suður af skál-
anum undir Kerlingu handan veg-
arslóðans en tryggast er að hafa
með sér vatn ef þurrkar hafa staðið
lengi á svæðinu.
Þó að flestir kjósi að nota sum-
arið til öræfaferða, er engan veg-
inn frágangssök fyrir skíðamenn,
sem kunna til vetrarferða, að fara
þarna um á gönguskíðum þegar
lengja tekur dag á útmánuðum.
Auðvitað verður þá að vera viðbú-
inn aftakaveðrum og kunna þá list
að búast um án þess að saki, en
kostur er að skammt er til byggða
röskum skíðamanni.
Þessi perla íslenskra öræfa er
aðeins í seilingarfjarlægð frá þétt-
býlinu við Faxaflóa. Vonandi er
óhætt að hvetja menn til þess aö
notfæra sér það, án þess að eiga á
hættu að þeir spilli viðkvæmri
náttúru fjallanna með utanslóða-
akstri eða ruslaralegri umgengni.
Þeir sem nenna að ganga um
svæðið geta ekki fundið betri að-
feró til að slaka á borgarstreitunni,
finna þægilega göngulúa í hlýjum
poka og sofna sáttir við lífið og
landið og jafnvel viö samferða-
mennina.
\
SÆVARHOFÐA 4
SÍMI:
SKRIFSTOFA 33600
AFGREIÐSLA 36470
SteypustQðin hf
IFÐA 4
25 steypubifreiðar
ávallt til reiðu
80