Frjáls verslun - 01.05.1980, Blaðsíða 90
upp á var ísbjarg eitt mikið í
1580 metra hæð og nokkrum
kílómetrum frá var 1666 metra
tindurinn, Goðasteinn eða
Guðnasteinn eftir því hvað menn
vilja kalla hann.
Þarna er toppurinn á tilverunni.
Tilveran fékk jafnvel enn meiri
tilgang, þegar að niðurleiðinni
kom. Jöklabanar Ferðafélags is-
lands undir stjórn Magnúsar
fararstjóra Guðmundssonar,
héldu til baka niður sömu leið,
en skíðamennirnir tveir, blaða-
maðurinn og heildsalinn, renndu
sér niður á Fimmvörðuháls og
báðir voru á þeirri skoðun eftir
þá „salíbunu", að ekkert í heimi
hér væri eftirsóknarverðara,
skemmtilegra né tilkomumeira en
að renna sér á skíðum niður um
sexhundruð metra eftir
ósprungnum jökli, leið sem ef-
laust er sex kílómetrar að lengd.
í Þórsmörk var komið klukkan
að ganga þrjú aðfaranótt hvíta-
sunnudags eftir samtals 14 tíma
stanslaust labb og rennsli með
hafurtask til útilegu á bakinu auk
skíðanna síðasta hluta leiðar-
innar. Sá hluti var tvímælalaust
erfiðastur enda ekki farið niður
af Fimmvörðuhálsi á beint
heppilegasta staönum. Skíöa-
mennirnir álpuðust niður Heljar-
kamb á snjóskafli og eltu
Hvanngilið þar til inn í Mörkina
var náð. Hvanngilið er mjög erfitt
yfirferðar, grýtt, bratt og eftir því
rennur straumþung á.
Engu að síður var dýrlegt að
komast í Þórsmörkina, þó ekki
væri það fyrir annað en að sjá
upplitið á hinum dauðadrukkna
fjölda sem starði gapandi á tvo
menn vaða Krossá og bera skíði
ásamt fleira hafurtaski á bakinu.
Ýmsir héldu að hér væri um
ofsjónir að ræða og drukku ekki
meira þá nóttina.
FERÐAMENN!
VERIÐ VELKOMIN
BtiRFEll H.E.
Sími: 96-41120
HÓSAVÍK
Matvörur % Sælgæti
Snyrtivörur # Hreinlætisvörur
LÍTIÐ ÍNN
86