Frjáls verslun - 01.07.1980, Blaðsíða 22

rétt til þess aö gera athugasemdir
við reikninginn sýnist honum ein-
hverjar tölur óeðlilega háar.
— Greiðslukortið er einungis
ætlað til greiðslu venjulegs ferða-
kostnaðar, s.s. á flugi og uppi-
haldi, en ekki til innkaupa.
— Bankinn gerir einnig kröfu til
þess, að ekki sé eytt meira en sem
nemur 2000 Bandaríkjadölum í
hverri ferð.
Sveinn sagði, að ætlunin væri
sú, að handhafar þessara korta
notuðu þau aðeins í neyóartilfell-
um. Gert er ráð fyrir því að hand-
hafi kortsins sæki engu að síður
um yfirfærslu vegna ferðarinnar,
en þrjóti eyðslufé þá getur hann
gripið til kortsins.
Hér á landi hafa um 150 manns
fengið heimild Seðlabankans til
þess að nota greiðslukort erlendis.
Hér er um embættismenn að
ræóa, starfsmenn einkafyrirtækja
og fleiri, en þó aðallega og nærri
eingöngu um starfsmenn einka-
fyrirtækjaað ræða. Flestfyrirtækin
vinna að útflutningi eða innflutn-
ingi og starfsmennirnir eru því oft
erlendis viö vinnu að markaðsöfl-
un.
Greiðslukortin eru nær undan-
tekningalaust skráð á nafn þess,
sem notar það, en ekki fyrirtækis
hans. Kreditkortafyrirtækið sendir
korthafanum uppgjör oftast mán-
aðarlega og handhafinn útvegar
gjald.eyrisyfirfærslu hér heima til
þess aö greiða reikninginn. Yfir-
leitt þarf þó að senda með
greiðslukortayfirfærslunni ein-
hverja staðfestingu á að maðurinn
hafi farið til útlanda t.d. flugfar-
miða.
Heimild Seðlabankans fyrir veit-
ingu leyfa til notkunar greiðslu-
korta er nú í lögum um gjaldeyris-
mál sem samþykkt voru í fyrravor.
Á þessum lögum grundvallar
reglugerð ákvæði sitt um
greiðslukort, en reglugerð þessi er
númer 519 frá 1979. Hér áður fyrr
voru engin bein ákvæði um
greiðslukortanotkun í lögum, en
spakir menn töldu sig geta lesið
slíkt úr þeim lögum, sem áður
giltu.
„Hvorugur með
greiðslukort.“
Það er Ijóst af áðurnefndu, að
ekki fá allir leyfi til þess að nota
greiðslukort erlendis. Mönnum er
því mismunað í þessu efni. Af
þessum sökum er ekki furða þótt
upp komi sögur varðandi úthlut-
unina. Frjálsri verslun barst það til
eyrna meðan á efnisöflun í þessa
grein stóð að allskyns misbrestur
væri á því, að heiöarlega væri að
úthlutun leyfanna staðið. Sagt var
að topparnir í gjaldeyriseftirlitinu
og Seðlabankanum úthlutuðu
leyfum til sjálfra sín og vina og
kunningja utan sem innan stofn-
unarinnar. Frjáls verslun gekk
beint til verks og spurði hvað hæft
væri í þessum orðrómi. Sveinn
sagði, að þetta væri auðvitað eins
og hvert annað slúður, sem eng-
inn fótur væri fyrir. Sjálfur sagðist
hann ekki hafa slíkt greiðslukort
né heldur Sigurður Jónsson, for-
stöðumaður gjaldeyriseftirlitsins.
Tvö stærstu greiðslukortafyrir-
tæki heims eiga sína umboðsaðila
hérá landi. Ferðaskrifstofan Útsýn
hefur haft umboð fyrir American
Express í langan tíma eða í rúman
áratug eftir því sem örn Steinsen
hjá Útsýn tjáði Frjálsri verslun. Milli
40 og 50 aðilar hér á landi taka við
kortum frá American Express sem
gildri greiðslu í viöskiptum. Meðal
þeirra fyrirtækja má nefna mörg
hótel, bílaleigur, ferðaskrifstofur,
flugfélög og fleiri aðila. Verkefni
Útsýnar, sem umboösaöila er m.a.
að veita þeim erlendum ferða-
mönnum þjónustu, sem týnt hafa
korti sínu og getur Útsýn gefið út
nýtt skírteini þeim til handa.
örn Steinssen kvað greiðslukort
tvímælalaust eiga rétt á sér í við-
skiptum hér á landi. „Þetta er ein-
faldur og fljótlegur viðskiptamáti,
sagði Örn, og afföllin eru sáralítil."
Umboðsaðili
Eurocard
er Kreditkort h.f.
Það hefur varla farið framhjá
neinum að stofnað hefur verið hér
á landi greiðslukortafyrirtæki sem
hefur umboð fyrir Eurocard og
gefur út greiðslukort í þess nafni,
— þó aðeins til notkunar hérlend-
is.
Kreditkort h.f. tók til starfa um
miðjan vetur en það var ekki fyrr
en um miðjan júlí sem greiðslu-
kortaviðskipti hófust.
Gunnar Bæringsson heitir fram-
kvæmdastjóri Kreditkort h.f. og
sagði hann í viðtali við Frjálsa
verslun, að um 400 manns notuðu
nú greiðslukort hér á landi og væri
það færri notendur, en gert hafði
veriö ráö fyrir í upphafi. „Það
kemur þó ekki að sök," sagði
Gunnar, „því starfsemi, sem þessi
tekur sinn tíma í þróun og þess
verður að gæta, að íslendingar eru
svo til alveg ókunnir greiðslu-
kortaviðskiptum."
Gunnar Bæringsson sagði að
stofnun fyrirtækisins væri geysi-
lega dýrt fyrirtæki og óhætt væri
að segja, að mörg 'jón hafi verið á
veginum. Eftir talsverðar eftir-
grennslanir meðal banka reyndist
aðeins Verslunarbankinn tilbúinn
til þess að taka viðskipti Kreditkort
h.f. að sér. Þaö óhagræöi er þó á
viðskiptunum viö þann banka, að
hann hefur ekki leyfi til gjaldeyris-
verslunar. Að öðru leyti væri þó
mjög gott að skipta við Verslunar-
banka íslands.
Frjáls verslun hafði samband við
nokkur fyrirtæki sem hafa langa
reynslu í greiðslukortaviðskiptum
og spurði forráðamenn þeirra álits
á þessum viðskiptum.
„Eins og best
verður á kosið.“
Flugleiðir skipta mikið við
greiðslukortafyrirtæki, og meðal
þeirra þau stærstu í heiminum. Aö
sögn Sveins Sæmundssonar,
blaðafulltrúa fyrirtækisins, þá hef-
ur slík kortanotkun verið viður-
kennd í lengri tíma hjá fyrirtækinu
og væri ekki annað vitað en þessi
viðskipti gengju eins og best væri
á kosið.
Sveinn var spurður að skiptum
Eurocard við Flugleiðir og sagði
hann, að Flugleiðir hefðu gert
samning við Eurocard í Svíþjóð og
teldi sig alls ekki skuldbundið til
þess að skipta við Kreditkort h.f.
hér á landi. „Við sjáum enga
ástæðu til þess", sagði Sveinn
þegar hann var spuröur að því
hverju þaö sætti.
24