Frjáls verslun - 01.07.1980, Blaðsíða 27
Verður „páskaeggjafjall” næsta
fjall við smjörfjallið?
Það á langt í land að öll kurl séu komin til grafar í átökum innflytj-
enda og innlendra framleiðenda á sælgætismarkaðnum og er
páskaeggjasalan næstu páska meðal atriða, sem menn velta nú fyrir
sér.
Hingað til hefur páskaeggjamarkaðurinn nær einungis verið í
höndum innlendra framleiðenda og þeirra besta vertíð. Erlendir
viðskiptavinir innflytjendanna framleiða einnig flestir páskaegg og
má fastlega reikna með að reynt verði að koma þeim á markað hér í
stórum stíl.
En skv. upplýsingum FV ætla innlendu framleiðendurnir að halda
sínu striki óbreyttu, sem sagt að framleiða nægilegt magn til að
fullnægja markaðnum svo eftir næstu páska kann að verða hér til
„páskaeggjafjall," hlaðið úr óseldum páskaeggjum.
Innflytjendur telja að neytendur kunni að taka mjög vel í nýjungar á
þessum markaði. Erlendu eggin eru frábrugðin þeim íslensku og
gjarnan innpökkuð í skreyttar pappaöskjur.
Innlendu eggin eru hinsvegar hefðbundin, stór hol súkkulaðiskel,
fyllt sælgæti og íslenskum málshætti, skreytt að utan, með fugli efst
og pökkuð í gagnsæjar umbúðir. Telja innlendir framleiðendur að
fólk muni fremur kjósa þessa hefðbundnu framieiðslu en erlendar
nýjungar, það náist ekki rétt stemmning með „öðruvísi" páskaeggj-
um. —
Engir
„tollar” en
há gjöld
„Þetta verður ekki
stöðvað á meðan
ríkið græðir á því“
Svo heitir á opnberu máli að
engir tollar séu af innfluttu sæl-
gæti frá EBE og EFTA löndum, en
þegar nánar er skoðað kemur í
Ijós að undir öðrum heitum nælir
ríkið sér í 30 til 42% af innflutn-
ingsverðmæti, að ógleymdum
söluskattinum áður en neytand-
inn fær svo vöruna.
Gjöld þessi eru hið svonefnda
vörugjald, sem er 45,60 krónur af
hverju kílói nettó. Það gjald og
raunverulegt tollverð vörunnar er
svo lagt saman og á summuna
lagt hið skrautnefnda: „Sérstaka
tímabundna vörugjald", sem nú er
24%. Svo er 6% jöfnunargjald lagt
á tollverðið og er algeng útkoma t
sælgætisinnflutningnum að ríkið
fái þannig rúm fyrir 30% af cif
verði eða 40 til 42% af fob verði.
Kex frá áðurnefndum löndum
sleppur við vörugjaldið.
Sé sælgæti hinsvegar flutt
hingað frá Bandaríkjunum, byrjar
sami gjaldahalinn, eftir að 22%
tollur hefur fyrst verið lagður á
tollverðið, 18% á kexið.
Innlendir framleiðendur verða
einnig að greiða vörugjaldið og
sérstaka tímabundna vörugjaldið,
en sleppa við 6% jöfnunargjaldið
frá EBE og EFTA löndunum og
22% tollinn frá Bandaríkjunum.
Ýmsir hafa óttast að vegna hins
mikla fjörkipps í innflytjendum
kynni ríkið að grípa til hafta á ný,
en innflytjendur eru alls óhræddir
vegna þessara tekna ríkisins. Þá
hefur legið í loftinu að skattleggja
þennan innflutning á einn eða
annan hátt, en eins og einn inn-
flytjandinn orðaði það: „Það
kemur þá jafnt á okkur alla svo
samkeppnin helst óbreytt."
29