Frjáls verslun - 01.07.1980, Blaðsíða 52
er bæjarstæði fegurra og óvíða er
að finna jafn mikinn fjölda gamalla
húsa eins og í Stykkishólmi. Menn
sem gera sér grein fyrir þessu og
muna staðinn eins og hann var
áður en hann fór að þenjast út,
tekur þaö ákaflega sárt að sjá
hann eins og hann er núna. Nú
ægir saman hinum ólíku bygg-
ingagerðum og mest ber á þessum
ópersónulegu einbýlishúsum sem
gætu verið á hverju einasta
krummaskuði á landinu. Víst þurfa
forráðamenn bæjarins að vanda
vel til nýrra byggingasvæða og
helst að reyna að halda því gamla
svipmóti sem Hólmurinn er þekkt-
astur fyrir.
Hólmakjör
Verslunin í Stykkishólmi skiptist
á milli Kaupfélagsins og verslun-
arinnar Hólmakjörs sem er í
einkaeigu. Eigendurnir eru þeir
Benedikt Lárusson og bræðurnir
Svanlaugur og Bjarni Lárussynir.
Þeir voru áður allir starfsmenn
verslunar Sigurðar Ágústssonar
h.f., en keyptu verslunina 1967 og
ráku hana í hans nafni í tíu ár. Árið
1974 hófust þeir handa með
byggingu eigin verslunarhúsnæö-
is og 1977 fluttu þeir inn í nýja
húsið með verslunina og breyttu
um leið nafni hennar.
Hólmakjör er matvöruverslun
aðallega, en að auki er verslað
með skófatnað, búsáhöld o.fl.
Fyrir aðkomumann er einna
merkast að verslunin er sjálfri sér
nóg með hitaveitu. Hitinn er feng-
inn meö því að nýta hita þann sem
myndast, þegar kæliborð verslun-
arinnar eru kæld. Lögur sá sem
notaður er til kælingarinnar og
nefnist ,,Freon‘‘ hitnar mjög mikið
og er hitinn notaður til þess að hita
upp loftið í versluninni en einnig er
hægt að nýta hann til þess að hita
vatn.
Þótt samvinnuhreyfingin og
einkaframtakið bítist um verslun-
ina í Stykkishólmi kunna þessir
aðilar að vinna saman. Verslunin
Hólmakjör og Kaupfélag Stykkis-
hólms reka sláturhús, Sláturfélag
Snæfellsness, í sameiningu ásamt
Kaupfélagi Grundarfjarðar. Slát-
urhús þetta sér um slátrun alls fjár
á noröanverðu Snæfellsnesi og
rúmlega það.
Gagnfræðaskólinn í anddyrinu á
veturna
Guðrún Þorsteinsdóttir heitir
hótelstjóri Hótels Stykkishólms.
Aðspurð kvað hún rekstur hótels-
ins hafa gengið nokkuð vel það
sem af er sumrinu en sagöi þó, aö
hann mætti eflaust ganga betur.
I Hótel Stykkishólmi eru 25
tveggja manna herbergi með út-
varpi, sturtu og salerni. Innrétting-
ar allar í hótelinu eru framleiddar
af heimamönnum og bera þær
fagmönnum í Stykkishólmi gott
vitni.
Félagsheimili Stykkishólms er í
sama húsi og hótelið en rekið sér.
Þar er stór salur sem sagður er
hafa þann besta hljómburð sem til
þekkist hér á landi. Fjölmargir
tónlistarmenn hafa staðið þar á
sviðinu og Ijúka þeir allir lofsoröi á
hinn frábæra hljómburð.
Ekkert gagnfræðaskólahús er í
Stykkishólmi en skólinn notast við
anddyrið í hótelinu undir kennslu
á veturna.
EYRARSVEIT
Grundarfirði
Velkomin til Grundarfjarðar
Vetur, sumar, vor og haust.
54