Frjáls verslun - 01.08.1980, Blaðsíða 9

Margrét Thorlacíus hefur verið ráðin ritstjóri
hins nýja barnablaðs ABC hjá Frjálsu framtaki.
Margrét er fædd 28. maí 1940 í Reykjavík.
Hún varð stúdent frá Menntaskólanum í
Reykjavík árið 1960 og stundaði síðan nám í
Kennaraskóla íslands árið eftir. Margrét kenndi
í Hlíðaskóla til ársins 1968 er hún tók ársleyfi
frá því starfi og stofnaði tímakennslu og fönd-
urskóla í heimahúsum. Margrét flutti til Garða-
bæjar 1969 og byrjaði barnakennslu við Flata-
skóla þar sem hún starfar enn.
Eiginmaður Margrétar heitir Jóhannes Sæ-
mundsson, íþróttakennari og eiga þau þrjá
drengi.
- Hvernig er blaðið byggt upp?
,,Það er tómstundablað fyrir nokkuð stóran
aldursflokk, eða fjögurra til þrettán - fjórtán
ára unglinga. Efnið er mjög fjölbreytt og má m.
a. nefna íþróttaþátt, föndur, viðtöl og síðan
hefur Guðrún Helgadóttir skrifað fyrir blaðið
áframhald að hinni vinsælu sögu Jóni Oddi og
Jóni Bjarna. Ritstjórar verða tveir, því blaðið er
málgagn skáta og verður annar ritstjórinn
þaðan."
,,Mér líkar þetta mjög vel, það er gaman að
glíma við þetta og mér hefur gengið alveg
ágætlega. Ákvörðun um útgáfu blaðsins var
tekin fyrir hálfum mánuði og ég hefði aldrei
getað tekið þetta saman á svo stuttum tíma ef
ég væri ekki vön alls konar starfi í sambandi við
börn. Strákarnir mínir eru dómarar. Ef þeir
hlæja að efninu, veit ég að það er gott, en ef
ekki, þá er ég ekki ánægð heldur “
Ólafur Ingi Ólafsson hefur verið ráðinn í starf
auglýsingafulltrúa hjá Ólafi Stephensen, Aug-
lýsingar - almannatengsl.
Ólafur Ingi er fæddur 2. september 1956.
Hann lauk stúdentsprófi frá Menntaskólanum i
Hamrahlíð árið 1975 og stundaði nám í is-
lensku og bókmenntafræðum við Háskóla ís-
lands frá 1976-1979. Jafnframt háskólanámi
kenndi Ólafur Ingi við Kvennaskólann í Reykja-
vík þar til hann réðst til starfa hjá Ólafi
Stephensen í maímánuði síðastliðnum.
Störf Ólafs hjá Ólafi Stephensen eru aðal-
lega fólgin í umsjón með auglýsingadreifingu,
gerð auglýsingaáætlana, ráðgjöf á sviði aug-
lýsingamála og AT þjónustu. í framtíðinni
kemur Ólafur Ingi til með að sjá um AT fyrir
viðskiptavini ASA.
AT er skammstöfun á orðinu almennatengsl
(Public Relations) sem er kynning á starfsemi
og stefnu fyrirtækja í fjölmiðlun.
Ólafur Ingi tekur við starfinu af Valgerði Sig-
urðardóttur, sem hefur fengið ársleyfi frá
störfum.
„Starfið hjá ÓSA er margþætt. Það snertir
beint og óbeint hina ólíku þætti viðskipta-
lífsins, sem ég hef sérstakan áhuga á,“ sagði
Ólafur Ingi. ,,AT er ný hlið á sölutækni, sem ég
hef ekki kynnst áður. Það verður bæði
skemmtilegt og lærdómsríkt að takast á við
þessi verkefni.“
9