Frjáls verslun - 01.09.1980, Blaðsíða 5
Sigurður Helgason var ráðinn framkvæmda-
stjóri fjármálasviðs Flugleiða hf. 1. september
síðastliðinn.
Sigurður er fæddur í Reykjavík 1. maí árið
1946. Foreldrar hans eru Helgi J. Sveinsson
fulltrúi og Sigríður Sigurðardóttir. Sigurður
lauk stúdentsprófi frá Verzlunarskóla íslands
1967 og prófi í viðskiptafræði frá Háskóla ís-
lands 1971. Þá stundaði hann nám í tvö ár í
rekstrarhagfræði við háskólann í Norður-Karó-
línufylki í Bandaríkjunum. Að framhaldsnámi
loknu vann Sigurður í eitt ár sem rekstrarráð-
gjafi hjá Hagvangi hf., en var ráðinn til Flug-
leiða sumarið 1974. Hjá Flugleiðum gegndi
Sigurður fyrst starfi forstöðumanns fjárreiðu-
deildar, síðan var hann forstöðumaður hag- og
innkaupadeildar þar til hann var ráðinn fram-
kvæmdastjóri fjármálasviðs.
í stuttu viðtali við Frjálsa verzlun sagði Sig-
urður:
„Ég kann vel við nýja starfið, sem tengist
báðum mínum fyrri störfum hjá Flugleiðum. Ég
hef með höndum fjármálastjórn fyrirtækisins
sem er vægst sagt viðamikið starf."
Ólafur Davíðsson mun 1. nóvember næstkom-
andi leysa Jón Sigurðsson, forstjóra Þjóðhags-
stofnunar frá störfum þar eð hann tekur við
starfi hjá Alþjóðagjaldeyrissjóðnum.
Ólafur er fæddur í Reykjavík þann 14. ágúst
1942. Hann lauk stúdentsprófi frá Menntaskól-
anum í Reykjavík 1962. Þaðan lá leiðin til
Þýzkalands, þar sem Ólafur stundaði nám í
hagfræði og útskrifaðist árið 1968. Ári eftir að
hann lauk námi sneri hann til íslands og hóf
störf sem hagfræðingur hjá Efnahagsstofnun.
Síðan vann Ólafur hálft ár bæði hjá Fast-
eignamati ríkisins og hagfræðideild Seðla-
bankans þartil hann hóf störf að nýju hjá Efna-
hagsstofnun. Ólafur hefur síðan óslitið starfað
hjá þeirri sömu stofnun meðan hún hefur tví-
vegis skipt um nafn. Efnahagsstofnun var
nefnd Hagrannsóknadeild Framkvæmda-
stofnunar ríkisins 1972, en árið 1974 var því
nafni breytt í Þjóðhagsstofnun.
Ólafur var spurður að því hvernig honum
litist á að gegna starfi forstjóra Þjóð-
hagsstofnunar í tvö ár:
,,Ég hef fylgst með flestu innan stofnunar-
innar undanfarin ár og kemst því nærri um
hvaða verkefni bíða mín. Mér líst vel á að taka
við þessari nýju stöðu þótt ég sé þess fullviss
að hér sé um vandasamt verk að ræða.“
7