Frjáls verslun - 01.10.1980, Blaðsíða 7
Ragnar H. Hall tók hinn 15. októbervið embætti
skiptaráðanda í Reykjavík, af Sigurði M. Helga-
syni.
Ragnar er fæddur í Reykjavík 8. desember
1948. Hann lauk stúdentsprófi frá Verzlunar-
skóla íslands árið 1970 og lögfræðiprófi frá
Háskóla íslands haustið 1975. Sama haust hóf
hann störf sem fulltrúi sýslumanns og bæjar-
fógeta á Eskifirði, og gegndi því starfi til síð-
ustu áramóta. Frá 1. janúar 1980 starfaði
Ragnar sem fulltrúi yfirborgarfógeta í Reykja-
vík, þar sem hann var fulltrúi í skiptarétti.
„Starfið leggst ágætlega í mig,“ sagði
Ragnar í viðtali við Frjálsa verslun, ,,og ég
þekki þessi störf ágætlega. Þetta er að vísu
umfangsmikið og tímafrekt, en starfið felst
aðallega í skiptingu á dánarbúum, þrotabúum,
félagsbúum. Einnig hef ég eftirlit með dánar-
búum, sem skipt er einkaskiptum."
Þorsteinn Stefánsson var nýlega ráðin fram-
leiðslustjóri hjá Sanitas h. f.
Þorsteinn er fæddur 29. febrúar 1944 í
Söðulholti, Eyjahreppi. Hann stundaði nám í
mjólkurfræði í Danmörku árin 1965 til 1969. Er
hann hafði lokið prófi, sem mjólkurfræðingur,
gerðist Sigurður framleiðslustjóri við Mjólkur-
samlag ísfirðinga fram til ársins 1971. Sama ár
var hann ráðinn framleiðslustjóri hjá Á. T. V. R.
Þeirri stöðu gegndi Sigurður í 9 ár, þar til hann
hóf störf hjá Sanitas h. f.
í stuttu spjalli við F. V. kvaðst Sigurður vera
ákaflega ánægður með nýja starfið, sem væri
þó mjög umfangsmikið.
„Starf mitt er aðallega fólgið í því að fylgjast
með vöruvöndun, gæðaeftirliti og fyrirbyggj-
andi viðhaldi á vélum og tækjum. Hráefna-
pantanir, birgða og framleiðslubókhald er
einnig í mínum verkahring ásamt starfsmanna-
haldi, sem ég sé um í samvinnu við aðra stjórn-
endur fyrirtækisins".
Ekki átti Sigurður von á fleiri nýjungum frá
Sanitas á næstunni, en verksmiðjan hefur ný-
lega sett Sanitas pilsner á markaðinn.
Sigurður er giftur Margréti Kristjánsdóttur.
Þau hjónin eiga tvö börn.