Frjáls verslun - 01.11.1980, Blaðsíða 17
Gengi, gæði
og sparneytni
Þeir Jón Þór og Ingimundur voru sam-
mála um aö hagstæö gengisþróun fyrir
Japani ásamt miklum gæðum og sparneytni
japönsku bifreiöanna hefðu valdið þessari
öru þróun. Saman fari því lágt verö og
vönduö framleiðsla. En þeir sögöu einnig að
svona stökkbreytingar á markaðnum gætu
haft í för meö sér hættur, bæöi fyrir inn-
flutningsfyrirtækin og einstaka bifreiða-
kaupendur. Tima tæki fyrir innflytjendur aö
byggja upp traust sölukerfi og vandaöa
varahluta- og viðhaldsþjónustu og miklar
sveiflur væru því varasamar fyrir alla aöilja.
Hvað varðaði „útsölubílana" sem svo
voru nefndir, taldi Ingimundur þá þó vera
alveg sér á blaði. Um væri að ræða bíla, sem
hefðu legið erlendis í hrönnum og ekki selst
þar. Þeir hefðu gengið út hér heima vegna
þess að hér væru óeðlilega há gjöld á inn-
fluttum bílum. Þaðleiddi af sér aðafslátturtil
innflytjenda hefði margföldunaráhrif í út-
söluverði bílanna. En fyrir einstaklingana
sem keypt hefðu þessa bíla hefði gróðinn
verið hæpinn. Þetta hefði haft þau áhrif á
markaðinn hér að söluverð notaðra bíla
lækkaði að sama skapi.
Um reynslu sína af viðskiptum við Japani,
sagði Ingimundur að gott væri að versla við
þá. Þeir væru traustir viðsemjendur og allur
frágangur á vörunum frá þeim til fyrirmynd-
ar, helst væri hægt að líkja þeim við Þjóð-
verja að þessu leyti. Ennfremur sagði Ingi-
mundur að Hekla keypti bíla og varahluti
beint frá Japan, en að afgreiðslutími væri að
sjálfsögðu nokkuð langur vegna þess að um
langan veg væri að fara.
Japanir
til bjargar
Sú mikla sveifla, sem orðið hefur í eftir-
spurn frá bandarískum, en sér í lagi
evrópskum bílum í japanska hefur endur-
speglast í vexti og viðgangi bílaumboðanna.
Þannig hefur undantekningarlaust verið
vöxtur hjá þeim fyrirtækjum, sem selja jap-
anska bíla enda eru þau öll orðin meðal
stærstu bílainnflutningsfyrirtækja landsins.
Þar má nefna Ingvar Helgason með Datsun
og Subaru, Bílaborg með Mazda, Toyota-
umboðiö, Heklu með Mitshubishi og ekki
síst Daihatsuumboðið, sem á fáum árum óx
úr engu í það að verða meðal þriggja stærtu
umboðanna.
Á sama hátt hefur flestum öðrum umboð-
um vegnað verr og gætt hefur stöðnunar ef
ekki samdráttar, sérstaklega hjá þeim, sem
einungis bjóða upp á evrópska bíla Því hafa
nokkur fyrirtæki leitað sér bjargar í Japan.
Þannig var skýrt frá því í siðustu Frjálsri
verzlun að Ford-umboðið Sveinn Egilsson
hafi fengið umboð fyrir japanska smábílinn
Suzuki og ekki er langt síðan Hekla fékk
Mitsubishi umboðiö, reyndar frá Agli Vil-
hjálmssyni.
„Japönsku bílarnir björguðu okkur",
sagði Ingimundur Sigfússon. „Volkswagen
seldist ekki, var ekki samkeppnisfær lengur.
Því fórum við að flytja inn japanska bíla.
Árangurinn varð framar öllum vonum. Nú
erum við búnir að selja meir en 750 Mitsu-
bishi bíla það sem af er árinu og önnum þó
ekki eftirspurn".
Það sama vonast Sambandsmenn að
verði upp á teningnum hjá þeim. „Banda-
rísku bílarnir standa auðvitað vel fyrir sínu
hvað varðar verð og gæði i sínum stærðar-
flokki", sagði Jón Þór Jóhannsson. „En viö
verðum að fylgja þróuninni eftir. Við ætlum
okkur að fara að flytja inn japanska bila og
erum að þreifa fyrir okkur í þeim efnum".
Japanir
einráöir innan
fárra ára?
En er liklegt aö innflutningur japanskra
bifreiða haldi áfram að aukast? Ef fram
heldur á sömu braut þá munu japönsku bif-
reiðarnar verða einráðar hér á markaðnum
innan fárra ára. Erfitt er um þetta að spá.
Þróun gengismálanna mun þó hafa mikið að
segja, til dæmis hafa japanskir bílar hækkað
talsvert það sem af er þessu ári vegna þess
hve yenið hefur hækkað mikið. Þá má telja
líklegt að hér á íslandi muni áfram verða til
hópur fólks, sem kýs dýrari og eftir atvikum
stærri bíla en Japanir hafa framleitt, t.d.
sænska eða bandaríska. Eins má reikna
með því aö bílaframleiðendur muni almennt
í auknum mæli leggja kapp á að gera fram-
leiðslu sina samkeppnisfærari við japönsku
bifreiðarnar, en verið hefur.
Jón Þór skýrði frá því að bandaríska risa-
fyrirtækið General Motors hefði kynnt 5 ára
áætlun sína um endurskipulagningu fyrir-
tækisins, hvað varðaði framleiðslu og sölu.
Ætlunin væri að framleiða smábíla sem
keppt gætu við hina japönsku og fyrirhugað
að eyða óhemju fé til þessa.
17