Frjáls verslun - 01.12.1980, Page 39
um og fjallar um málefni einstakra
kaupfélaga, sem snúa sér með
málefni sín til Sambandsins.
Stjórnarformaður Sambandsins er
megin tengiliður milli stjórnarinnar
og framkvæmdastjórnarinnar.
Hann undirbýr stjórnarfundi í
„Þróun samvinnu-
h reyfi nga ri nnar
verður i átt til
frekari sérhœf-
ingar“
samvinnu við forstjóra og stýrir
þeim. Þar fyrir utan vinnur hann
mikið í sérstökum nefndum, sem
Sambandsstjórn kýs til þess að
fjalla um einstaka málaflokka.
Hans verksmið er auk þess að
nokkru leyti að taka þátt í tengslum
samvinnuhreyfingarinnar við aðra
aðila í þjóðfélaginu t.d. opinbera
aðila, með forstjóra og hann
semur skýrslu Sambandsstjórnar,
sem lögð er fyrir aðalfund ár hvert.
Stjórnarformaður er ekki starfs-
maður Sambandsins og sinnir því
hlutverkinu aðeins sem leikmaður
og sú staðreynd takmarkað að
sjálfsögðu mjög þann tíma, sem
notaður er til starfans.
Talsverðar breytingar hafa ný-
lega verið gerðar á stjórnkerfi
tveggja stórfyrirtækja, Flugleiða
og Eimskipafélagsins. Hvað með
SÍS. Er þörf á breytingum á
stjórnskipan fyrirtækisins og þá
rekstrarskipulagi?
Sambandsstjórn kaus fyrir
nokkru sérstaka nefnd til þess að
fjalla um skipulagsmál Sam-
bandsins, en sú nefnd er enn að
störfum og hefur ekki skilað áliti.
Það er vel hugsanlegt, að ein-
hverjar breytingar verði gerðar, og
ég vil reyndar geta þess, að meiri-
háttar breytingar hafa nýlega verið
gerðar í stjórnunarfyrirkomulagi
Iðnaðardeildar Sambandsins.
Ennfremur vil ég geta þess, aö í
samræmi við ályktun frá Alþingi
hefur Viðskiptaráðuneytið skipað
sérstaka nefnd til þess að fjalla um
endurskoðun á samvinnulögunum
og það er að sjálfsögðu hugsan-
legt, að sú endurskoðun leiði til
einhverra breytinga í skipulagi
Sambandsins.
Hvernig verður starfsemi Sam-
bandsins háttað árið 2000?
Um það getur að sjálfsögðu
enginn fullyrt og ég er enginn
spámaður. Eins og ég sagði áðan
erum við að athuga skipulagsmál
Sambandsins og samvinnulögin
eru í endurskoðun. Þetta útaf fyrir
sig gæti leitt til þess aó samvinnu-
hreyfingin árið 2000 yrði að ein-
hverju leyti öðru vísi en hún er nú
við lok ársins 1980. í þessu sam-
bandi langar mig til að benda á
það sérkenni hinnar íslensku
samvinnuhreyfingar, að hún er
blönduð hreyfing framleiðenda og
neytenda, en slíkt fyrirkomulag er
nánast fátítt erlendis. I þessari
staðreynd, þ.e. blandaðri hreyf-
ingu framleiðenda og neytenda, er
fólgin einn megin styrkur hinnar
íslensku samvinnuhreyfingar og
þetta fyrirkomulag hefur gert fé-
lagsfólkinu og þjóðinni allri mjög
mikið gagn að mínu mati. Við
munum tvímælalaust leggja mjög
mikla áherslu á það, að sam-
vinnuhreyfingin verði áfram
blönduð hreyfing framleiðenda og
neytenda en hins vegar er alveg
viðbúið, að þróunin fram til ársins
2000 muni leiða okkur til aukinnar
sérhæfingar og þá m.a. í því skyni
að það félagsfólk, sem hefur sér-
stakra hagsmuna að gæta í sam-
bandi við einstaka rekstrarþætti,
fái aukin tækifæri til beinna áhrifa
á fyrirkomulag og stjórnun við-
komandi rekstrarþátta. Það er
reyndar þegar farið að bera mjög á
þessari sérhæfingu og má í því
sambandi nefna fyrirkomulag á
rekstri sjávarafurðadeildar, bú-
vörudeildar, Osta- og smjörsöl-
unnarog margtfleira mætti nefna í
þessu efni.
Er líklegt að vaxandi notkun
sjálfvirkniaukandi tölva leiði til
þess að starfsfólki verði fækkað
eða þá að ótti starfsfólks hefti
eðlilegar framfarir á þessu sviði?
Ég tel, að samvinnuhreyfingin
eins og aðrir aðilar í landinu, sem
afskipti hafa af atvinnustarfsem-
inni, verði að móta sér stefnu í
sambandi við þá byltingu, sem
kann að vera framundan, en sú
bylting er gjarnan kölluð örtölvu-
byltingin. Við höfum ekki enn mót-
að stefnu í þessu efni en framtíð-
arstefnan hlýtur að verða að taka
eðlilegt mið af þörfum þjóðfélags-
„ Vaxtarmögu-
leikar eru mestir á
iðnaðarsviðinu“
ins fyrir aukna framleiðni og
auknar þjóðartekjur annars vegar
en hins vegar af þörfum fólksins f
landinu fyrir það að hafa störf að
vinna og eðlilegt vinnuálag. Um
þetta fjölyrði ég ekki frekar, en
þessi stefnumótun verður örugg-
lega mjög til umræðu á næstu ár-
um.
39