Frjáls verslun - 01.12.1980, Qupperneq 59

um hérna heima. Hér er hægt að
finna bæöi sérkennara og mál-
skóla. Þar sem Mímir er líklega
þekktasta kennslustofnun hér á
landi þegar tungumál eru annars-
vegar verður hann tekinn sem
dæmi.
Þar geta menn sótt nám í ensku,
dönsku, sænsku, norsku,
spönsku, ítölsku, frönsku og
þýsku. Að sögn Einars Pálssonar,
forstöðumanns, er raunar hægt að
læra nánast öll þau tungumál sem
menn vilja, í Mími, en reynslan
hefur sýnt að; ,,önnur tungumál
kemur fólk ekki til að læra, nema
útlendingar sem eru að læra ís-
lensku".
Námskeiðin hjá Mími taka tólf
vikur og eru fjórir tímar í hverri
viku. Svona, fjörutiu og átta tima
námskeið, kostar í vetur kr.
100.000. Nemendurnir ráða því svo
hvort þeir hætta eða halda rakleitt
áfram á öðru tólf vikna námskeiði.
Þessi námskeið eru fyrir allt oní
byrjendur.
Fyrir þá sem lengra eru komnir
býður Mímir uþp á Pittmans próf.
Það tekur þrjá tíma á dag (fyrir
hádegi) allan veturinn og kostar
kr. 630.000. Þar er meðal annars
kennd verslunarenska og bréfrit-
un. Prófið sjálft er fengið frá Bret-
landi og nýtur alþjóðlegrar viður-
kenningar. Hér er það tekið undir
eftirliti fulltrúa frá Verslunar-
mannafélaginu og Verslunarráði.
Mímir býður svo einnig upp á
samtalstíma, hjá englendingum, í
verslunarensku.
Nú er hætt við því að sumir
stjórnunaraðilar í fyrirtækjum séu
svo önnum kafnir að þeir treysti
sér ekki til að vera bundnir við
stundaskrá og þurfa kannske aö
keyra bæinn á enda til að komast í
skólann. í þeim tilfellum gæti
Linguaphone námskeið komið að
gagni.
Hljóðfærahús Reykjvíkur býður
upp á Linguaphone námskeið í
þrjátíu og fimm tungumálum, þar á
meðal serbó-króatisku og swahili.
Tæplega eru þeir margir á íslandi
sem hafa gagn af þessum tveimur
tungum, en auk þess eru auðvitað
enska og önnur helstu evrópu-
málin á boðstólnum.
Tungumálasérfræðingar hafa
verið að þróa Linguaphone nám-
skeiðin í sextíu ár og nemendurnir
eru nú orðnir yfir fjórar milljónir.
Námskeiðin eru fáanleg hvort sem
menn vilja, á snældum eða hljóm-
plötum. Þeim fylgir myndskreytt
bók með öllum texta sem lesinn er
í upptökunum og bæklingur um
leiðsögn með árangursríkustu
notkun námskeiðsins. Það er ann-
ars nokkuð misjafnt, eftir tungu-
máli, hvað fylgir meó.
Árni Ragnarsson, verslunar-
stjóri Hljóðfærahússins, sagði að
það væri nokkuð mátulegt að taka
sextíu tíma, eða þar um bil, til að
fara yfir námskeiðin. Klukkutími á
dag i tvo mánuði ætti ekki að of-
keyra neinn, þegar hann getur
setið heima í stofu hjá sér, við
námið.
Árni sagði að margir þeir sem
tækjuþessinámskeiðhringduaftur.
furðu lostnir yfir hve vel þeim
gengi að ná tökum á því máli sem
þeir veldu sér. Hann vildi gefa
mönnum það ráð að klára nám-
skeiðið í einni lotu. Ekki taka
nokkra tíma, hvíla sig svo í viku og
taka þá aftur nokkra tíma. Lang-
bestur árangur næðist með því að
fara þetta í einn striklotu, enda er
klukkutimi á dag engin ósköp.
Linguaphone námskeiðin eru fyrir
byrjendur og þau kosta rúmar
85.000 krónur.
Auóvitað er best að læra hvert
tungumál í því landi sem það er
talað og það stendur líka öllum
opið að sækja tungumálanám í
öðrum löndum. Sá kosturinn er að
sjálfsögðu miklu dýrastur.
Menn geta auðvitað farið til
Danmerkur, Frakklands eöa Kína
ef þeir vilja. En þar sem enskan er
helsta verslunarmálið og hitt yrði
að auki of löng upptalning verður
hér aðeins minnst á England.
Þar úir og grúir af skólum sem
kenna ensku. Þar eru skólar sem
taka að sér nemendur sem kunna
nákvæmlega ekkert og aðrir sem
taka að sér að leiðbeina tilvonandi
fréttaþulum hjá BBC.
Menn geta fengið kennslu í sinni
..fagensku", hvort sem þeir eru
knattspyrnuþjálfarar eða kjarn-
eðlisfræðingar. Málaskólinn Mimir
hefur umboð fyrir eina fimmtíu
skóla í Bretlandi og hefur að sjálf-
sögðu ekki tekið að sér umboð
nema fyrir fyrstaflokks stofnanir.
Þar geta menn dvalist við
enskunám allt frá einum degi og
upp i eins lengi og þeir vilja.
eru opnar, til aö bæta úr gömlum syndum, eða rifja upp gleymdan lærdóm?
59