Frjáls verslun - 01.12.1980, Side 81

Öllum er Ijóst mikilvægi þess að
nám komi að tilætluðum notum,
þegar út í atvinnulífið er komið. í
raun eru tengsl við atvinnulífið
einn veigamesti þáttur náms,
hverju nafni sem það nefnist. Einn
helsti kostur íslenska mennta-
kerfisins er sá, að það veitir
námsmönnum tóm til þess að
vinna önnur störf hluta úr ári og
gefur þeim þannig tækifæri til
þess að kynnast af eigin raun ís-
lensku athafnalífi, áður en þeir
koma endanlega út á vinnumark-
aðinn. Þetta fyrirkomulag hefur
reynst bæði námsmönnum og
fyrirtækjum mjög gagnlegt, því sú
þekking og reynsla, sem þannig
fæst, leggur grunninn að góðu
starfsfólki.
Islenskir atvinnuvegir eiga í sí-
fellt meiri samkeppni við erlenda
aðila á innlendum og erlendum
mörkuöum. Því er okkur mikilvægt
að fylgjast vel með þekkingu og
reynslu erlendra þjóða á sviði við-
skipta. Á þessum tímum umbrota
og tækniframfara, verður í auknu
mæli að taka tillit til þess sem ger-
ist í umheiminum. Það er einmitt á
þessu sviði, sem A.I.E.S.E.C.
starfar að því að víkka sjóndeild-
arhring þátttakanda með flutningi
þekkingarog reynslu milli landa.
L'Association Internationale
des Etudiants en Sciences
Economiques et Commerciales.
(A.I.E.S.E.C.), er eins og nafniö
bendir til alþjóðasamtök við-
skipta og hagfræöinema. Þau voru
stofnuð 1948 og báru strax í
upphafi merki þess alþjóðlega
hugsunarháttar, sem var af-
sprengi nýrra viðhorfa viö lok síð-
ari heimsstyrjaldarinnar. Við
stofnun settu samtökin sér það
háleita markmið ,,að stuðla að
bættum skilningi þjóða á milli".
Skyldi þeim árangri náð með
stúdentaskiptum, ráöstefnum,
fræðslu- og upplýsingamiðlun.
Strax í upphafi var lögð mest
áhersla á hið fyrst nefnda, þ.e.
stúdentaskiptin.
Segja má að skiptin fari fram á
tvennan hátt, annars vegar er um
að ræöa ,,Short term trainess-
ship", sem felst í því að viðkom-
andi stúdent starfar í u.þ.b. 6—12
vikur hjá fyrirtæki og hins vegar
,,Long Term Traineeship", sem
felst í því að viðkomandi stúdent
starfar um lengri tíma (1 ár) hjá
fyrirtæki.
Sérstök áhersla er lögð á aö
vanda bæði gæði starfa og skipta,
með þvi að gera strangari kröfur,
um menntun stúdentanna, og
einnig er reynt að útiloka öll ,,rút-
ínu störf". Nú er hverju starfi lýst á
þar til gerðum eyðublöðum, þar
sem tekið er fram í hverju það er
fólgið, hvaða kröfur fyrirtækið
gerir til stúdentsins, um þjóðerni,
menntun, starfsreynslu o.s.frv. Á
sama hátt er öllum upplýsingum
um stúdentinn komið fyrir á um-
sóknareyðublaði, t.d. menntun, til
hvaða lands hann óskar að fara,
tegund fyrirtækis, tungumála-
kunnáttu o.s.frv. Valið fer síðar>
fram með tölvu, á ársþingi
AIESEC, sem gerir kleift að taka
tillit til smá atriða og tryggja há-
marks gæði við að velja saman
störf og stúdent. Árlega skipta
u.þ.b. 4 þúsund störf með þessum
hætti.
AIESEC á íslandi hefur starfað í
20 ár. Lætur nærri að u.þ.b. 2000
stúdentar hafi farió til starfa er-
lendis, á vegum samtanna, um
lengri eða skemmri tíma. Þá hafa
samtökin veitt móttöku svipuðum
fjölda til starfa hér á landi. Á hverju
ári bætast ný fyrirtæki í hóp þeirra,
sem notfæra sér þessa einstöku
þjónustu, yfirleitt er þá um að
ræða stúdenta sem langt er.u
komnir í námi eða hafa lokið því og
hafa auk þess sérþekkingu og
starfsreynslu. Þannig eru augu at-
vinnurekanda sífellt að opnast fyrir
þeim möguleika að afla sér ódýrar
sérfræðiþjónustu, sem annars
þyrfti að kaupa dýrum dómum.
Með öðrum orðum. AIESEC er
möguleiki sem fyrirtæki hafa ekki
efni á að leiða hugan hjá. fv
81