Frjáls verslun - 01.01.1981, Blaðsíða 45
flugs og Flugleiða æskileg og teldi
það farsælast fyrir bæði flugfélög-
in að þau hefðu ákveðnu hlutverki
að gegna hvort fyrir sig, en gætu
snúið bökum saman gegn hinni
hörðu samkeppni út í hinum stóra
heimi og reynt að byggja upp og
treysta íslenska markaðinn fyrir
samkeppni bæði erlendra áætl-
unar- og leiguflugfélaga. I raun tel
ég þetta hafa verið stefnu stjórn-
enda Flugleiða og þeirra sem hér
hafa ráðið síðastliðin ár. Aftur á
móti hefur ekki fengist starfsfriður
til þess frekar en annars, vegna
kröfuhörku og óbilgirni hags-
munahóþa hjá Flugleiðum. Eina
lausnin á þessu vandamáli virðist
því vera einhver uppstokkun milli
félaganna og í flugmálastefnu
þjóðarinnar.
Nú hefur orðrómur verið uppi
um að bak við óskir starfsfólks
Arnarflugs um kaup á hlutabréf-
um Flugleiða standi samvinnu-
hreyfingin að einhverju leyti, í
þeim tilgangi að hasla sér frekari
völl í ferðamannaiðnaði. Er þetta
rétt?
„Ég er þeirrar
skoðunnar að félögin
eigi að vinna saman
efkostureráað nýta
hagkvæmni
slíks samstarfs”.
Mér er ekki kunnugt um að það
sé neitt samband milli Starfs-
mannafélagsins og Sambandsins
enda heldur langsótt skýring. Það
er engin launung á því að Sam-
bandið og Olíufélagið h.f. eru
stærstu hluthafar í Arnarflugi utan
Flugleiða. Axel Gíslason, fram-
kvæmdastjóri skipadeildar SÍS,
hefur verið varaformaður stjórnar
Arnarflugs. Hann hefur alla tíö
viljað veg Arnarflugs, sem mestan
og túlkar þar vafalaust sjónarmið
samvinnuhreyfingarinnar. Þær
raddir sem gera þessa hags-
munabaráttu Arnarflugsstarfs-
fólks að einhverju pólitísku valda-
tafli eru úr takt við raunveruleik-
ann og aðeins tilraun til þess að
flækja auðskiljanlegan málstað
starfsmannanna.
Sérð þú fram á einhverja aukn-
ingu á erlendum leigumörkuðum?
Stefnir Arnarfiug á vöxt á því sviði.
Ég hef alltaf litió svo á að
grundvöllur Arnarflugs eigi að
vera hér heima. Sókn okkar í
innanlandsflugið, stofnun við-
haldsaðstöðunnar og flugið milli
íslands og annarra landa eru
dæmi um þessa stefnu. Ég hef
alltaf gert mér grein fyrir þessu og
byggt á þeim grunni verður félagið
aldrei stórt. Það mun vonandi
halda sér gangandi á vinnusemi
starfsfólksins og aðhaldi í rekstri.
Starfsemi okkar erlendis hefur
verið stuðningsstarfssemi, sem
reyndar hefur orðið nokkuð mikil
að vöxtum miðað við heildarvelt-
una. í raun má segja að það sem
vakað hefur fyrir mér er að starfs-
fólkið sé ekki dæmt í lífstíðar út-
legð, eins og raunin varð á þegar
Cargolux var stofnað. Cargolux er
að mestu rekið af íslendingum, en
þeir verða að flytjast búferlum og
setjast aö í Luxemborg. Það var
alltaf von mín að með samstarfi
Flugleiða og Arnarflugs gæti
skapast grundvöllur fyrir sókn ís-
lendinga inn á þennan alþjóðlega
flugmarkað, þar sem starfsfólk og
vélar yrðu nýtt á sem hagkvæm-
astan hátt heima og erlendis.
Þannig skapaðist stærri hópur
fólks sem gæti skipt útlegðinni á
milli sín þ.e. milli starfsmanna
beggja félaganna. Um þetta varð
ekki samkomulag, en í dag fljúga
samt á vegum Flugleiða og Arnar-
flugs menn hjá Cargolux, Air India,
Air Bahama, í Guineu, í Libyu, í
Nigeriu og í Jórdaniu. Ég held að
menn geri sér almennt ekki grein
fyrir hve þessi starfsemi er þó
viðamikil.
Sérð þú kannski íslenskan
flugrekstrariðnað þróast á svip-
aðan hátt og norsk skipaútgerð
gerði á sínum tíma, þannig að
norsk skip sigldu á milli landa um
allan heim, allra annarra en
Noregs?
Ég tel möguleikana marga á
þróun og sölu íslenskrar þekking-
ar, mannafla og flugvélum. Það
tekur sinn tíma að byggja upp en
kemur hægt og sígandi. Aftur á
móti hef ég rekið mig á það að is-
lendingar og sérstaklega stéttar-
félögin í fluginu eru ekkert sér-
staklega sólgin í þessi verkefni,
nema fyrir greiðslur og launakjör
sem eru óraunhæf miðað við ríkj-
andi markaðsaðstæöur. Þetta
gengur ekki, ef framhald á að vera
á þessu, en það er von mín að
stéttarfélögin séu að gera sér
grein fyrir þessu og verði tilbúin að
vinna með félögunum að raun-
hæfri uppbyggingu þessa mark-
aðar. ®
Arnarflug á tvær Twin Otter fiugvélar. Þær eru helst til stórar fyrir flesta áætlun-
arstaæði félagsins innanlands og eru eldsneytisfrekar. Þær henta þó vel á lé-
legum flugvöllum.
45