Frjáls verslun - 01.01.1981, Blaðsíða 68

skiptir því miklu máli að vita hversu löng ferðin er, en því mióur eru þær upp-
lýsingar oft óljósar í ferðabæklingum.
Dvöl í mismunandi löndum er með mismunandi hætti. Yfirleitt er búið í pen-
sjónötum í Austurríki eða litlum hótelum og oftast borðað utan þeirra, nema á
morgnana. í Frakklandi er algengast að búa í íbúðum meö eldhúsi. Ferðir
þangað kosta aðjafnaði áaögiska 200 krónum meira á viku en til Austurríkis, en
þeir sem nenna aö nota eldhúsin geta sparaó sér þann mismun. Á Ítalíu er
algengt að búa á pensjónötum, en einnig er þar að finna íbúðir. Verðlag er
mismunandi, en víóa svipað og í Austurríki. Á flestum nýrri skíðasvæðum, svo
sem í Júgóslavíu og á Spáni er búió á hótelum. Yfirleitt má margfalda verð með
fjölda í hverri fjölskyldu, en þó kemur fyrir að afsláttur er veittur fyrir börn.
Aukakostnaður er oft talsveróur í skíðaferðum. Til dæmis er þaö algengt í
Miöevrópu aö greiöa þurfi sérstakt gjald fyrir að fara í sturtu, en þaö sést yfirleitt
ekki í feróabæklingum. Lyftukort eru dýr og kosta gjarnan 250 til 500 krónur á
viku en algengt er aö þau kosti um 400 krónur. Algengt er að það kosti 200 til
250 krónur á viku að leigja skíði og skó. Þá eru sum flugfélög, sem taka auka-
gjald fyrir aö flytja skíði.
Að lesa ferðabæklinga er sérstök vísindagrein. Höfundarnir reyna aö sýna
sinn staö í sem björtustu Ijósi, venjulega án beinna lyga. Sem dæmi má nefna
lýsingar í norrænum bæklingum. Þar segir að í Val Gardena raski ítalirnir oft
ekki lausasnjónum snemma á morgnana, sem þýöir aö þeir nenna ekki að vakna
snemma til að troða. í Sierra Nevada er sagt að rekstur á lyftum fari fram með
spánskri ró, sem þýðir að þeir sem eru vanir stundvísi í Norður-Evrópu verða
argir af endalausum töfum. Þeir sem lýsa Avoriaz í Frakklandi sem jólakorta-
þorpi, sem eigi heima í Walt Disney kvikmynd, tala um nýju frönsku skíðaþorpin,
sem steinsteypubæi og bletti á fegurö Alpanna. Hinsvegar er sagt um La
Plagne, sem er einn þeirra bæja, að þar sé djörf byggingarlist og nýtískulegar
íbúóir, með öllum nútíma þægindum.
Þeir sem eru erlendis annarra erinda en vilja bregða sér á skíói í leiðinni geta
oft fundiö hagstæðar ferðir frá einhverjum af áfangastöóum sínum. Sem dæmi
má nefna að Blue Sky Holidays, London Road, East Grinstead, Sussex, RH19-
1HU, bjóóa viku í Champery nálægt Genfarvatni í Sviss eða í Cervinia í ítölsku
Ölpunum fyrir um það bil 2.200 krónur. Fyrir þá sem þora að hugsa lengra má
nefna nýjungar í Bandaríkjunum. Þar hefur Club Mediterranée tekió upp á þvíað
hafa alla hluti innifalda í veröi, sem losar fólk algerlega við aukakostnað.
Klúbburinn var að opna nýjan stað í Copper Mountain í Colorado. Þar er inni-
falin gisting, allur matur, vín með matnum, skemmtikraftar, diskótek, skíóa-
kennsla, lyftur og nánast allt annað en drykkir á barnum og leiga á skíðum. Með
flugfari frá New York kostar vikudvöl um 5.900 krónur en um 3.900 krónur frá
Chicago. Svipuð kjör er aö finna í Smugglers Notch, skammt frá Stowe í Ver-
mont. Þar er innifalin skemmtiferð til Montreal í Kanada, sem er skammt frá,
aógangur að sundlaug og heilsuklúbbi, fyrsta flokks hótel og margvíslegar
skemmtanir á kvöldin. Vikuferö kostar um 3.800 krónur. Auk þessara er víöa um
Bandaríkin og Kanada að finna fyrsta flokks skíðalönd og athugandi er að
verðlag er öllu lægra í Kanada en í Bandaríkjunum.
68