Frjáls verslun - 01.11.1981, Blaðsíða 41

Gallað kerfi eða einstak-
lega erfiður sjúkdómur?
Þrátt fyrir ásakanir nefndarinnar
á hendur Dr. De Vita fyrir lélega
stjórnun National Cancer Institute
eru starfsmenn stofnunarinnar
honum hliðhollir. Þeir segja að Dr.
De Vita sé einn besti stjórnandi
sem stofnunin hafi haft í rúman
áratug. Starfsandinn hafi verið
mjög langt niðri hjá stofnuninni á
áttunda áratugnum en eftir að Dr.
De Vita tók við í janúar 1980 hafi
þessu verið snúið við.
Á ýmsum stöðum hefur verið
gefið í skyn að vandamálið sé ekki
NCI stofnunin í sjálfri sér heldur
sjúkdómurinn sem hún fæst við að
rannsaka. Það sem rennir stoðum
undir þessa skoðun, m.a. er setn-
ing sem höfð er eftir einum
nefndarmanna í viðtali við
Washington Post en þar segir öld-
ungadeildarþingmaðurinn Paula
Hawkins: Við höfum eytt mjög
miklum peningum í kraPbameins-
rannsóknir . . . hvers vegna er
lækningin ekki þegar þekkt eins
og tilfellið er með lömunarveikina?
Liklegt er talið að Hawkins öld-
ungardeildarþingmaður sé ekki
ein um þessa skoðun. Bandaríkja-
þing hefur samþykkt verulegar
fjárveitingar til NCI á undanförnum
árum í því skyni að Jækna
krabbamein" og, eins og blaða-
maður The Washington Post
kemst að orði: óútfyllt ávísun býð-
ur alltaf heim eyðslusemi. Og hann
bætir við: Ábyrgðin hvílir óneitan-
lega á vísindamönnum. Þegar
lögin um varnir gegn krabbameini
voru til umræðu mátti heita að það
væri undantekning ef vísinda-
menn reyndu að upplýsa almenn-
ing um eðli krabPameins sem
sjúkdóms. Þeir hvöttu þingið til
þess að samþykkja lögin og tóku
við óútfylltri ávísun úr hendi þess
vitandi um þá staðreynd að lækn-
ingin væri alls ekki sjálfsögð af-
leiðing þótt þeir létu ekkert uppi
um það við almenning. Því virðist
nú vera svo komið að spilin verði
stokkuð upp og þetta 10 ára tíma-
Pil ómældra fjárveitinga sé á enda.
41