Frjáls verslun - 01.11.1981, Blaðsíða 51

fjarsta húsi að versluninni. Þess er
einnig gætt aö fjarlægð til næstu
verslunar sé ekki meiri en svo að
viðskiptavinir, sem ekki eru að
fullu sáttir við kaupmanninn í sínu
hverfi, geti með góðu móti náð til
næsta kaupmanns.
Nú er veriö að byggja upp svo-
kallað Ástúnshverfi og er þar fyrir-
hugaður verslunarstaður og einn-
ig er búið að skipuleggja svæði í
Furugrund, þar sem verslun á að
koma. Hvorugu þessu verslunar-
svæði hefur verið úthlutað ennþá.
Á næstu árum er fyrirhugað að
hefja byggingu Suðurhlíða. Þær
eru við innsta hluta Hlíðavegar og
sunnan Digranesvegar. Á þessum
þrem stöðum er enn óúthlutað
verslunarplássum.
' 'i
Gluggað í rekstur Kópavogsbæjar:
Félags- og fræðslumál
stærstu gjaldaliðirnir
Bæjarstjórn Kópavogs er skip-
uð ellefu fulltrúum, sem nú eru
kjörnir af sex listum. Bjarni Þór
Jónsson er bæjarstjóri, bæjarrit-
ari og jafnframt starfsmannastjóri
er Björn Þorsteinsson. Karl M.
Kristjánsson er fjármála- og hag-
sýslustjóri, bæjarlögmaður Þór-
ólfur Kristján Beck, bæjarverk-
fræðingur Sigurður Björnsson
og félagsmálastjóri Kristján
Guðmundsson. Tekjur bæjar-
sjóðs á síðasta ári urðu alls 58,4
milljónir. Þar af voru útsvör 57,2%,
fasteignagjöld 15,4%, framlög
ríkissjóðs 14,8%, aðstöðugjöld
6,8% og vextir og fleira 5,5%.
Af þessum tekjum fór 46,1 mill-
jón í rekstur bæjarins og stofnana
hans, en 12,3 milljónum var varið
til framkvæmda. Ríkisframlög og
gatnagerðargjöld að upþhæð um
11 milljónir bættust svo við fram-
kvæmdaféð, þannig að samtals
varð það 23,3 milljónir. Stærstu
útgjaldaliðirnir í rekstrinum voru
félagsmál með 13,1 milljón,
fræðslumál 9,8 milljónir, viðhald
og rekstur gatna 7 milljónir, vextir
6,6 milljónir og stjórn kaupstaðar-
ins 3,1 milljón.
Framkvæmdir bæjarfélagsins
voru þessar hefðbundnu, við
gatnagerð, viðhald gatna og ann-
að því tilheyrandi, skólalóðir og
leikvellir fengu sitt svo og fegrun
bæjarins. Ný vatnsæð var lögð í
Furugrund og unnið var við hús-
byggingarog viðhald fasteigna.
Félagsmálastofnun Kópavogs
er framkvæmdastofnun félags-
málaráðs og tómstundaráðs. Fé-
lagsmálaráð fjallar um barna- og
unglingavernd, dagvistarmál,
húsnæðismál, aðstoð við aldraða,
fjárhagsaðstoð og skyld mál.
Tómstundaráð fer með stjórn
æskulýðs-, íþrótta- og annarra
tómstundamála. Það er tengiliður
milli almennrar félagsstarfsemi í
þænum og bæjarstjórnar.
Á vegum félagsmálaráðs nutu
153 heimilishjálpar og eru 109
þeirra elli- og örorkulífeyrisþegar.
Kaupstaðurinn á 15 íbúðir og leigir
nokkrar í viðbót, sem leigðar eru
skjólstæðingum Félagsmálastofn-
unar. í daggæslu voru 164 börn á
84 einkaheimilum. Sjö leikvellir
eru reknir í bænum og að auki
2—4 smíðavellir á sumrin. Bærinn
rekur sex dagvistarheimili og var
heildarkostnaður við rekstur
þeirra rúmlega 4,4 milljónir, en
endurgreiðslur urðu tæplega 1,17
milljónir.
Vinnuskólinn er eitt umsvifa-
mesta tómstundamálið. Þar voru á
síðasta ári 466 unglingar, en held-
ur færri í ár. Verulegur kostnaður
er af skólanum, en hann fæst að
hluta endurgreiddur frá ýmsum
deildum bæjarins, þar sem skólinn
tekur að sér verk við ýmsar fram-
kvæmdir, svo sem gerð göngu-
stíga, umsjón almenningsgarða
og hirðingu grænu svæðanna í
bænum. Önnur helstu viðfangs-
efni tómstundaráðs voru skóla-
garðar, siglingaklúbbur og hesta-
mennska.
Strætisvagnar Kópavogs eru
meðal elstu stofnana bæjarins.
Rekstur þeirra hófst 1. mars 1957
og hafa bæjarbúar ávallt notað þá
mjög mikið. Strætisvagnarnir
heyra undir Vélamiðstöð bæjarins,
51