Frjáls verslun - 01.11.1981, Blaðsíða 68
leicfari
Verktakastarfsemi til útflutnings
Ýmsar fróðlegar upplýsingar koma fram í viðtali
við Ármann Örn Ármannsson, formann Verktaka-
sambands íslands, í þessu blaði. Það er ástæða til að
taka undir þau orð Ármanns, að uppbygging fyrir-
tækja í verktakaiðnaði hér á landi hafi verið ótrú-
lega hröð og hafi tekizt mjög vel, þegar á heildina er
iitið og tillit tekið til þess að þessi grein er rétt um
áratugar gömul. Ef vel er á málum haldið og þá
sérstaklega af hálfu opinberra aðila, sem skapa eiga
skilyrði fyrir viðunandi aðstæðum í þessum rekstri,
geta íslenzk verktakafyrirtæki átt bjarta framtíð
fyrir höndum og fengið tækifæri til að takast á við
ný og stærri verkefni en hingað til. Útflutningur á
tækniþekkingu og vinnu á þessu sviði er þegar orð-
inn staðreynd þó að í litlum mæli sé ennþá. Ármann
Örn skýrir svo frá, að víða erlendis starfi viðkom-
andi opinberir aðilar markvisst með einkafyrir-
tækjum í því augnamiði að þau geti haslað sér völl á
erlendum mörkuðum í samkeppni við verktaka frá
öðrurn löndum. Hér sé tónninn nokkuð annar og
jákvæðustu viðbrögð sem vænta megi sé algjört
skeytingarleysi.
í greinargerð um þróun byggingariðnaðar, sem
Rannsóknarráð ríkisins birti nýlega er sérstaklega
fjallað um innlendar orkuframkvæmdir, þar sem
íslenzkir verktakar hafa kornið meir og meir við
sögu og búa nú yfir yfirgripsmikilli reynslu og
þekkingu á því sérsviði. í greinargerðinni segirsvo:
„í orkuframkvæmdum er hins vegar um mjög
stór og fjárfrek verkefni að ræða, oft mjög flókin í
framkvæmd sem krefjast fullkominnar, tæknilegrar
og faglegrar yfirstjórnunar mikils mannafla og
verklegrar aðstöðu fyrir hvert einstakt verkefni.
Byggingariðnaður í tengslum við orkuframkvæmd-
ir hefur því tekið á sig töluvert annað snið heldur en
hinn hefðbundni húsbyggingariðnaður þótt hand-
brögðin verði einatt hin sömu þegar öllu er á botn-
inn hvolft.
Stór verktakafyrirtæki hafa risið upp á seinni ár-
um í sambandi við orkufrantkvæmdir. Þau hafa á
að skipa þjálfuðu starfsliði bæði faglegu og stjórn-
unarlega og eru þess megnug að kljást við hin
stærstu viðfangsefni. Hér hefur því orðið sú
ánægjulega þróun á aðeins um 10—15 árum að frá
því að stór erlend verktakafyrirtæki voru allsráð-
andi í íslenskum orkuframkvæmdum er nú svo
komið að íslensk verktakafyrirtæki hafa tekið við
framkvæmdum. Bygging Kröfluvirkjunar olli hér
þáttaskilum. í fyrsta sinn í virkjanasögu landsins
sáu sjálfstæð íslensk verktakafyrirtæki um alla þætti
virkjunarframkvæmdanna að undanskildum jarð-
borunum sem Jarðboranir ríkisins sáu um. Þrátt
fyrir að hér var um mjög tæknilega flókið og erfitt
verkefni að ræða, luku íslensku verktakafyrirtækin
verkefnum sínum af mikilli prýði og á ótrúlega
stuttum tíma. Það er athyglisvert að ekki kom til
neinna málaferla né harðvítugra deilna sem svo
mjög hafa einkennt viðskipti okkar við erlenda
byggingaverktaka. Kemur þetta illa saman við þá
vantrú á getu og hæfni innlendra verktaka sem al-
geng var fyrr á árum.“
Orkuframkvæmdirnar á undanförnum árum eru
skýr vitnisburður um getu hinna innlendu verk-
takafyrirtækja, sem starfa af miklum myndarskap.
Jafnframt hlýtur athyglin að beinast sérstaklega að
verkkunnáttu á þessu sviði, þegar íslenzka verk-
takastarfsemi á erlendum vettvangi ber á góma.
68