Frjáls verslun - 01.09.1988, Blaðsíða 23

FLEIRI FYRIRTÆKIOG
MEIRI UPPLÝSINGAR
Segja má að fyrir tveimur árum
hafi orðið gjörbylting á listum
Frjálsrar verslunar yfir stærstu
fyrirtæki landsins. Þá komst fjöldi
fyrirtækja, sem upplýsingar voru
gefnar um yfir 1000 í fyrsta skipti. í
byrjun, árið 1978, voru fyrirtækin
aðeins eitt hundrað, en fjölgaði síðar
og voru um 400 árið 1985. í fyrra
voru fyrirtækin orðin 1400 talsins.
í ár birtast í blaðinu tölulegar upp-
lýsingar um 1545 íslensk fyrirtæki,
mismiklar eftir umfangi fyrirtækj-
anna. Haldið er áfram á sömu braut
og fyrr, - að birta sem ítarlegastar
tölulegar upplýsingar um rekstur ís-
lenskra fyrirtækja. Upplýsingar um
starfsmannafjölda og launagreiðslur
fyrirtækja fylgja í langflestum tilfell-
um, en getið er veltu stærstu fyrir-
tækjanna á aðallista, en ennfremur
veltu ýmissa annarra fyrirtækja á
sérlistum. Fer þeim fyrirtækjum sí-
fellt fjölgandi sem við fáum víðtækar
upplýsingar frá.
í fyrra voru upplýsingadálkar að-
allistans 23 en aðeins 10 íhittiðfyrra.
í ár eru þeir 28 talsins. Upplýsing-
arnar aukast því ár frá ári. Auk þess
má lesa ýmsar upplýsingar á sérlist-
um, sem ekki koma fram á aðallista
blaðsins um 100 stærstu fyrirtækin.
Eflaust mætti hugsa sér ýmsar
upplýsingar til viðbótar, en þó er
talið rétt að halda efni aðallista innan
vissra takmarka, þannig að hann
verði auðskilinn og auðlesinn.
Á aðallista blaðsins í ár eru 200
fyrirtæki. Ákveðið var að setja
mörkin við 244 milljóna króna veltu
árið 1987. Það er nokkurn veginn
sama viðmiðun í krónum talið og ár-
ið á undan, 1986. Þá var miðað við
250 milljónir kr. ársveltu. Fjölmörg
önnur fyrirtæki sem gefa upp veltu
er að finna á sérlistum í blaðinu, auk
þess sem aðrar upplýsingar um fjár-
mál þeirra er þar að finna.
Öll fyrirtæki og stofnanir sem eru
á aðallista eru einnig á sérlistunum
um atvinnuvegina.
Á sérlistunum er haldið þeirri
meginreglu að raða eftir starfs-
mannafjölda (ársverkum). Þegar
Frjáls verslun birti listann í fyrsta
skipti árið 1978, var einmitt notuð
sú aðferð að raða eftir slysatryggð-
um vinnuvikum en ekki veltu, og
margir líta reyndar að mannahaldið
sem mikilvægan þátt ekki síður en
veltuna. Þó eru undantekningar á
þessu í sumum listanna, þar er rað-
að eftir veltu auk þess sem ýmsar
aðrar tölulegar upplýsingar koma
fram.
Þá má geta þess að sérstakir list-
ar yfir stærstu fyrirtæki hvers kjör-
dæmis eru viðamiklir í ár eins og í
fyrra. Sama gildir lfka um þá lista þar
sem fyrirtækjum er raðað eftir ýms-
um hlutföllum og kennitölum úr
rekstri, sem við köllum vísbendingu
til aðgreiningar frá kennitölum Hag-
stofunnar.
SKIPTING LISTANNfl ER ÞÁ ÞESSI:
*** Aðallisti.
*** Hlutföll úr rekstri, vísbend-
ingar.
*** Atvinnugreinalistar.
*** Kjördæmalistar.
Að lokum er rétt að nota tækifær-
ið og þakka þær góðu viðtökur og
þann mikla áhuga sem forráðamenn
fyrirtækja landsins hafa sýnt við
samningu listanna. Viðtökurnar hafa
undantekningarlaust verið góðar
þegar til fyrirtækjanna hefur verið
leitað.
UnU ELDINN
MNINÍMN!
LORIA dufttækið fæst
6 og 12 kg. GLORIA er
alhliða slökkvitæki. Jafnt
gegneldi í fitu, olíu, timbri,
húsgögnum eða af völdum
rafmagns. GLORIA
duftslökkvitækið hentar því
alls staðar. Sérþjálfaðir
starfsmenn frá verksmiðju
sjá um allt eftirlit og
þjónustu á öllum gerðum
handslökkvitækja.
VIÐURKENND ÞJÓNUSTA
KOLSÝRUHLEÐSLAN
VAGNHÖFÐA6 SÍMI 671540