Frjáls verslun - 01.12.1989, Blaðsíða 5
RITSTJÓRNARGREIN
MENN ÁRSINS ÚR SJÁVARÚTVEGI
Frjáls verslun og Stöð 2 gangast nú öðru sinni fyrir
vali á mönnum ársins í atvinnulífinu á Islandi.
Að þessu sinni hafa ungir athafnamenn úr sjávar-
útvegi orðið fyrir valinu. Hér er um að ræða eigendur
Samherja hf. á Akureyri, sem hófu glæsilegan feril
sinn fyrir sex árum með tvær hendur tómar og hafa á
þeim tíma byggt upp öflugt og glæsilegt útgerðarfyrir-
tæki sem rekur 5 togara sem flestir geta unnið aflann
um borð. Fyrirtækið hafa þeir rekið með hagnaði allan
tímann. Arið 1989 er metár í umsvifum þeirra, en
heildartekjur á árinu nema um 1100 milljónum króna.
Mörg fyrirtæki eru öflug og vel rekin í íslenskum
sjávarútvegi, en því miður er sjaldnar á þau minnst en
hin sem stöðugt lepja dauðann úr skel og eru sífelld
viðfangsefni stjórnmálamanna og forsjársjóða sem
virðast ekki mega til þess hugsa að vonlaus og illa
rekin fyrirtæki verði gjaldþrota.
Við skulum ekki gleyma því að hið kröfuharða ís-
lenska velferðarþjóðfélag hvílir að miklu leyti á sjáv-
arútvegi og þeirri verðmætasköpun sem hann leggur
okkur til. Það er okkur því ánægjuefni að beina þessari
viðurkenningu til dugmikilla ungra manna í útgerð
sem hafa sýnt hvað er hægt að gera í íslenskum sjávar-
útvegi þegar vel er að verki staðið.
VERÐA ÁRAMÓTASKAUPIN ÓPÖRF?
Flestir Islendingar líta á áramótaskaup sjónvarps-
ins á gamlárskvöld sem óhjákvæmilegan hluta hinna
hátíðlegu áramóta þar sem þjóðin hefur horft á líðandi
stund í spéspegli ársins. Athyglinni hefur jafnan verið
beint talsvert að stjórnmálamönnum.
Nú er svo komið að velta má því fyrir sér, hvort
áramótaskaupið sé ekki að verða óþarft í ljósi þess að
stjórnmál á Islandi hafa í seinni tíð leiðst út í að vera
eitt samfellt áramótaskaup allt árið.
Lítum á örstutta blaðagrein eftir Magnús Óskarsson
borgarlögmann:
„Nú gengur það glatt. Við höfúm ráðherra án ráðu-
neytis, aðstoðarmann án ráðherra og Borgaraflokkinn
eins og líkfylgd án líks. Svo höfum við Stefán Valgeirs-
son sem gert hefur skrítluna um Flokk mannsins að
alvöru. Við bætist handhafi forsetavalds, sem fyrir ári
í nýjum 200 þúsund króna samkvæmiskjólum, fyrir
lánsfé frá sjálfri sér, brá fæti fyrir annan handhafa
sama valds — af siðferðisástæðum. Þriðji handhafi
forsetavaldsins, sjálfur forsætisráðherrann, dylgjar
um útgjöld fyrirrennara síns og slapp aldrei þessu vant
ekki með dylgjurnar, og stundar nú lúsaleit í gömlum
nótum og kvittunum embættisins. Við skulum vona að
hann rekist ekki á reikning fyrir grænar baunir.“
Tökum höndum saman um að lyfta íslenskum
stjórnmáium á örlítið hærra plan á nýju ári — þannig
að aftur verði þörf fyrir áramótaskaupið á sínum gamla
stað!
Frjáls verslun óskar lesendum sínum, viðskiptavin-
um og landsmönnum öllum farsældar á árinu 1990.
Stofnuð 1939
Sérrit um viðskipta-, efnahags- og atvinnumál
RITSTJÓRI OG ÁBYRGÐARMAÐUR: Helgi Magnússon — RITSTJÓRNARFULLTRÚI: Valþór Hlöðversson —
AUGLÝSINGASTJÓRAR: Sjöfn Sigurgeirsdóttir og Kristrín Eggertsdóttir — LJÓSMYNDARAR: Grímur Bjamason, Gunnar
Gunnarsson, og Kristján Einarsson — ÚTGEFANDI: Frjálst framtak M. — Tímaritið er gefið út í samvinnu við samtök í verslun og viðskiptum —
SKRIFSTOFA OG AFGREIÐSLA: Ármúli 18, sími 82300, Auglýsingasúni 31661 - RITSTJÓRN: Bfldshöfði 18, sími 685380 -
STJÓRNARFORMAÐUR: Magnús Hreggviðsson — AÐALRITSTJÓRI: Steinar J. Lúðvíksson — FRAMKVÆMDASTJÓRI: Halldóra
Viktorsdóttir - ÁSKRIFTARVERÐ: 2.280 kr. (380 kr. á eintak) - LAUSASÖLUVERÐ: 469 kr. - SETNING, TÖLVUUMBROT,
PRENTUN OG BÓKBAND: Prentstofa G. Benediktssonar — LITGREININGAR: Prentmyndastofan M.
Öll réttindi áskilin varðandi efni og myndir
5