Frjáls verslun - 01.01.1992, Blaðsíða 8

SAMGONGUR
Nú hefur nýlega verið stofnað und-
irbúningsfélag til að ráðast í könnun á
hagkvæmni þess að ráðast sem fyrst í
tvöföldun Reykjanesbrautar frá
Krísuvíkurvegi að Fitjum í Njarðvík.
Að þessu félagi standa fyrst og fremst
Verktakasamband íslands, Atvinnu-
þróunarfélag Suðurnesja og Lands-
bréf hf. Eins og kunnugt er hefur hug-
myndin um þetta mál verið kynnt op-
inberlega en í ljós hefur komið að
stjórnmálamenn eru mishrifnir af
þessu tiltæki. Það, sem vegur
þyngst, eru tiltölulega neikvæð við-
brögð Halldórs Blöndal samgöngu-
ráðherra við hugmyndinni og gerir
hann grein fyrir sinni afstöðu í viðtali í
þessu tölublaði Frjálsrar verslunar.
Ólafur G. Einarsson, menntamála-
ráðherra og fyrsti þingmaður Reykn-
esinga, er á sama máli og samgöngu-
ráðherra en hins vegar hafa bæði
Steingrímur Hermannsson, formaður
Framsóknarflokksins, og Ólafur
Ragnar Grímsson, formaður Alþýðu-
bandalagsins, lýst sig fylgjandi hug-
myndinni. En hvers vegna líta menn
til þessa kosts einmitt nú?
NflESTU ALDAR BEÐIÐ?
Allir þeir, sem koma til og frá land-
inu með flugi, aka um Reykjanes-
brautina. Að auki er hún eina veg-
tengingin milli höfuðborgarsvæðisins
og Suðurnesja. Umsvif varnarliðsins
á Keflavíkurflugvelli skapa talsverða
umferð um brautina og verði af bygg-
ingu álvers á Keilisnesi mun hún auk-
ast verulega.
Skýrslur sýna að Reykjanesbraut
er einn hættulegasti vegur landsins.
Þar hefur orðið fjöldi slysa á liðnum
árum enda umferð gífurleg. Og þótt
„Skýrslur sýna að
Reykjanesbraut er einn
hættulegasti vegur landsins.
Þar hefur orðið fjöldi slysa á
liðnum árum enda umferð
gífurleg. Og þótt álíka margir
bílar fari um Suðurlandsveg, er
slysatíðni á Reykjanesbraut um
80% meiri.“
álíka margir bílar fari um Suðurlands-
veg er slysatíðni á Reykjanesbraut
um 80% meiri. Meiðsl í slysum á
þessari braut eru einnig rnjög tíð,
einkum þegar bílar aka út af. Sér-
fræðingar eru sammála um að tvö-
földun Reykjanesbrautar væri áhrifa-
ríkasta ráðið til að fækka þar slysum.
Spár Vegagerðarinnar um þróun
umferðar á Reykjanesbraut sýna að
hún mun mjög aukast á næstu árum.
Nú aka um 5000 bílar á sólarhring um
brautina á milli Krísuvíkurvegar og
Njarðvíkur. Með auknum ferðalögum
til útlanda, fólksflölgun á Suðurnesj-
um og nýrri stóriðju á svæðinu er talið
að umferðin á þessum kafla muni tvö-
faldast á næstu 20 árum.
Af þessum sökum telur Vegagerð-
in ljóst að innan 10-15 ára verði tvö-
földun að hafa átt sér stað en að þeirri
framkvæmd megi seinka um 5 ár til
viðbótar ef ráðist verði í sértækar
aðgerðir, svo sem að lýsa öll helstu
gatnamót, gera framúrakstursreinar
með reglulegu millibili, setja upp betri
leiðarmerki við öll gatnamót og klæða
axlir með slitlagi í fullri breidd.
VEGGJALD í 25 ÁR
Undirbúningsfélagið sem nú hefur
verið stofnað, telur ekki við það un-
andi að bíða eftir þessum samgöngu-
bótum í svo langan tíma eða allt fram á
næstu öld. Forgöngumenn félagsins
telja sig verða vara við mikinn áhuga
almennings á þessari framkvæmd og
að ekki sé verjandi að skella skolla-
eyrum við kröfum um úrbætur. En
menn gera sér einnig grein fyrir brýn-
um verkefnum í vegamálum annars
staðar á landinu og að fjármagn til
þess málaflokks er af skornum
skammti. Því vilja menn fá heimild til
að kanna áhuga á annars konar fjár-
mögnun en hingað til hefur tíðkast.
Önnur ástæða fyrir áhuga manna á
þessari leið varðandi tvöföldun
Reykjanesbrautar er sú kreppa sem
íslenskur verktakaiðnaður er í. Tæki
liggja vannýtt og atvinnuleysi að
skapast í greininni. Um leið telja fjár-
málamenn að hér á landi sé að fmna
aðila sem vilji fjármagna slíka fram-
kvæmd af þeirri einföldu ástæðu að
hún sé fjárhagslega hagkvæm. Um
leið myndi þessi aðferð tryggja að
meira fé úr ríkissjóði væri til skipt-
anna á öðrum sviðum vegamála.
I fyrsta áfanga er reiknað með að
ýmsar rannsóknir fari fram svo og
tæknilegur undirbúningur, m.a.
hönnun vegarins, kostnaðarútreikn-
42