Frjáls verslun - 01.04.1994, Blaðsíða 5
RITSTJORNARGREIN
HREYFANLEIKI
VINNUAFLS
íslendingar eiga það sameiginlegt með öðrum
Evrópuþjóðum að hreyfanleiki vinnuafls er minni en í
Bandaríkjunum og Japan, helstu samkeppnislöndunum.
Þetta er ein af ástæðum þess að samkeppnishæfni og
framleiðni íslendinga og Evrópubúa er lakari. En minna
má á að framleiðni er forsenda hagvaxtar og aukinnar
atvinnu.
Þegar rætt er um hreyfanleika vinnuafls er ekki átt
við hversu handfljótir menn eru heldur hversu reiðu-
búnir þeir eru til að skipta um vinnu með því að flytjast
búferlum eða sækja vinnu fjarri heimabyggð. í hagfræð-
inni er kastljósinu beint nokkuð að þessu máli þótt lítið
fari fyrir því almennt í daglegum umræðum.
Hreyfanleiki vinnuafls hefur engu að síður verið í
sviðsljósinu að undanförnu. Á toppfundi helstu leiðtoga
iðnríkjanna í vetur var það nefnt sem ein helsta ástæða
þess að atvinnuleysi væri meira í Evrópu en í Banda-
ríkjunum. Þá gerði Carlos Ferrer, formaður samtaka
atvinnu- og iðnrekenda í Evrópu, þetta mál að umtals-
efni á iðnþingi fyrir nokkrum mánuðum.
Hann sagði orðrétt: „Framleiðni í Evrópu er lakari en
í hagkerfum helstu samkeppnislandanna þrátt fyrir að
framleiðniaukning hafi verið svipuð á síðasta áratug.
Helsta ástæðan er að sveigjanleiki vinnuaflsins í
Evrópu er minni en í Bandaríkjunum og Japan.“
í Bandaríkjunum þykir það lítið tiltökumál að rífa sig
upp með fjölskyldu sína og flytja stranda á milli sé góða
vinnu að hafa. f Evrópu færa menn sig síður á milli borga
og landa til að fá vinnu. Á íslandi er hreyfanleiki vinnu-
afls lítill.
Höfuðborgarbúum þykir flestum stórmál að fara út
fyrir bæjarmörkin, til staða eins og Suðurnesja, Akra-
ness eða Selfoss, bjóðist þeim vinna þar. Sama tregða
ríkir einnig, þó í minna mæli, í þessum bæjum gagnvart
vinnu í höfuðborginni. Enn síður eru höfuðborgarbúar
spenntir fyrir því að flytjast lengra út á land til að sækja
vinnu.
Þótt Reykjavík sé ekki stórborg má merkja viðhorf
lítils hreyfanleika vinnuafls innan borgarinnar. Þeir,
sem búa í úthverfunum, og sækja vinnu í miðborginni,
eru oftar en ekki spurðir hvort þeim finnist ekki óþægi-
lega Iangt að sækja vinnu niður í miðbæ, tíu til fimmtán
mínútna leið. Þá eru þess dæmi að fólk kaupi sé húsnæði
miðsvæðis í borginni eingöngu vegna þess að það vinnur
miðsvæðis.
íslendingar hafa gengið í gegnum sjö mögur ár sam-
fleytt. Atvinnuleysi hefur aukist og óttast margir að
atvinnuleysi sé að verða viðvarandi hér á landi. Þess
vegna er ærin ástæða til að gefa umræðum um lítinn
hreyfanleika vinnuafls góðan gaum.
Aukum hreyfanleika vinnuafls og uppskerum aukna
framleiðni og samkeppnishæfni en síðast en ekki síst
minnkandi atvinnuleysi.
ISSN 1017-3544
Stofnuð 1939
Sérrit um viðskipta-, efnahags- og atvinnumál
RITSTJÓRI OG ÁBYRGÐARMAÐUR: Jón G. Hauksson — AUGLÝSINGASTJÓRAR: Sjöfn Sigurgeirsdóttir og Kristín
Eggertsdóttir — LJÓSMYNDARAR: Grímur Bjamason, Gunnar Gunnarsson, og Kristján Einarsson — ÚTGEFANDI: Fróði hf. — Tímaritið
er gefið út í samvinnu við samtök í verslun og viðskiptum — SKRIFSTOFA OG AFGREIÐSLA: Ármúli 18, sími 812300, Auglýsingasími 685380
— RITSTJÓRN: Bfldshöfði 18, sími 685380 — STJÓRNARFORMAÐUR: Magnús Hreggviðsson — AÐALRITSTJÓRI: Steinar J. Lúðvíksson
- FRAMKVÆMDASTJÓRI: HaUdóra Viktorsdóttir - ÁSKRIFTARVERÐ: 2.495 kr. fyrir 1.-5. tbl. eða 499 kr. á blað - 10% lægra
áskriftarverð ef greitt er með greiðslukorti. LAUSASÖLUVERÐ: 599 kr. —
SETNING, GRAFÍK, TÖLVUUMBROT, PRENTUN OG BÓKBAND: G. Ben. prentstofa hf. - LITGREININGAR: Prentmyndastofan hf.
GRAFÍK: G. Ben. prentstofa hf. — Öll réttindi áskilin varðandi efni og myndir
5