Frjáls verslun - 01.03.1997, Blaðsíða 61

Sala í mars í 10-11
Sala í desember í 10-11
Svona lítur salan í marsmánuði út á hverju ári frá 1992.
Gííúrleg aukning. Takið eftír að salan í mars sl. í 10-11
var orðin svipuð og í desember á síðasta ári.
Þetta eru hlutfallstölur. Desembersalan í 10-11
matvörukeðjunni hefur rúmlega nífaldast á aðeins sex
árum.
TVÆR NÝJAR í SUMAR
Móttökur voru góðar frá fyrsta degi
og umsvifin fóru að aukast. I apríl
1992 tók Eiríkur á leigu húsnæði í
Glæsibæ og breytti í 10-11 verslun. í
febrúar 1993 opnaði hann búð við
Laugalæk og svo í Borgarkringlunni
vorið 1994 en henni var lokað aftur við
sameiningu Kringlunnar og Borgar-
kringlunnar 1996. í nóvember 1994
opnaði hann 10-11 í miðbæ Hafnar-
fjarðar og svo aðra búð á gamla
staðnum í Austurstræti. Sjöunda versl-
unin var opnuð við Sporhamra í
Grafarvogi í ágúst 1996. Nýjustu versl-
anirnar eru við Langarima í Grafar-
vogi og í Setbergslandi í Hafnarfirði.
Og enn er Eiríkur að. Hann hefur í
bígerð að opna búðir í Lágmúla 7 og
gamla Fjósinu á horni Hverfisgötu og
Barónsstígs í sumar.
„Hugsunin ábakvið stórmarkaðina
hefur verið sú að fólkið komi langt að
í stórmarkaðina en við förum til
fólksins og bjóðum lágt vöruverð,
hreinar, snyrtilegar og fallegar versl-
anir og langan opnunartíma. Hugs-
unin sem 10-11 byggir á er dálítið
sérstök í heiminum því að við höfum
lágt vöruverð, langan opnunartíma og
fallegar verslanir,” segir hann.
-Það hljómar mótsagnakennt að hafa
fallegar og snyrtilegar verslanir og lang-
an opnunartíma um leið og vöruverðið
er lágt. Hvernig skyldi það takast?
VERÐKANNANIR Á HVERJUM DEGI
Eiríkur telur miklu skipta að vera
ábyrgur í rekstrinum og passa upp á
smáatriðin. Hann bendir á að frá byrj-
un hafi 10-11 nýtt sér nútímatækni í
tölvum og vélbúnaði og lagt mikinn
kostnað í að hafa þetta í góðu standi.
Fyrirtækið viti alltaf hvað sé að gerast
í rekstrinum. Verðkannanir séu gerð-
ar á hveijum einasta degi og þess sé
vandlega gætt að 10-11 sé á milli
Hagkaups og Bónus í verðlagi og fái
þannig viðskiptavini frá báðum.
Yfirbygging sé lítil hjá 10-11, enda sé
henni haldið í lágmarki.
„Þetta byggist á því að allir starfs-
menn séu ábyrgir. Það er sameigin-
legt átak allra að láta hlutina ganga vel
og allir vita um hvað þetta snýst. Við
höfum verið mjög heppin með starfs-
fólk,” segir Eiríkur.
61