Frjáls verslun - 01.09.1998, Qupperneq 62

Sigfus Sigfusson í Heklu lítur framtíðina björtum augum hvað varðar viðskiþti við Þjóðverja.
Fyrirtœkið hefur átt viðskipti við þá í áratugi og Sigfus telur að Þjóðverjar verði leiðandi í bíla-
iðnaðinum í framtíðinni. FV-mynd: Geir Olafsson.
VIÐSKIPTIN ERU
BYGGÐ Á TRAUSTI
Sigfús Sigjusson, forstjóri Heklu, segir að Þjóðverjar séu
afar traustir í viðskiptum. Hekla er það íslenska
fyrirtœki sem flytur inn mest afþýskum vörum!
ekla hf. er það íslenska fyrirtæki
sem flytur langmest inn af þýsk-
um vörum og þá eingöngu bílum
og varahlutum. Aðeins sjávarútvegsfyrir-
tækin í heild sinni eiga meiri viðskipti við
Þýskaland.
Hekla hf. hefur verið í miklum viðskipt-
um við Þýskaland frá upphafi þegar stoíh-
andi fyrirtækisins, Sigfús Bjarnason, ferð-
aðist um Bandaríkin, Suður-Ameríku og
Evrópu og kom á viðskiptasamböndum.
Sigfús hafði auga fyrir fyrirtækjum sem
voru leiðandi hvert á sínu sviði og var dug-
legur að byggja upp viðskipti við þau. Þeg-
ar hann kom til Þýskalands eftir seinni
heimsstyrjöld sá hann Volkswagen bjöllur
út um allt. Hann setti sig í samband við
verksmiðjurnar og fékk einkaumboð.
BJÖLLURNAR ÞÓnU LJÓTAR EN...
,Á þeim tíma þóttu bjöllurnar frekar
ljótar en þær urðu metsölubílar hér til
margra ára og reyndust vel. Það var hátt
undir þá, þeir voru á stórum dekkjum og
þurftu lítið viðhald. Það var litið um breyt-
ingar á útliti þeirra og því var auðvelt að
þjóna bílnum. Volkswagen er ein af megin-
undirstöðum þessa fyrirtækis í dag,” segir
Sigfús Sigfússon, forstjóri Heklu og sonur
stofnandans.
Hekla flytur inn nokkrar bílategundir
frá Þýskalandi og allar eru þær gríðarvel
þekktar á götum landsins. Þó að bjallan sé
úrelt og nánast hætt að sjást hefur Golfinn
verið leiðandi frá því hann kom fyrst á göt-
una. Sigfús segir hann „fyrirmynd allra
bílaframleiðenda” og að verksmiðjan hafi
ekki undan. Hekla fær úthlutað kvóta,
1.200 bílum í ár, en gæti auðveldlega selt
2.000 stykki.
BENTLEY EÐA BUGATTITIL ÍSLANDS
„Okkar viðskipti hafa alltaf verið ein-
staklega góð og byggð á miklu trausti.
Samskiptin milli fyrirtækjanna hafa verið
traust og þægileg,” segir Sigfús.
Þegar talið berst að nýjungum hjá
Volkswagen segir Sigfús að nýi forstjórinn
hjá Volkswagen í Þýskalandi, Piech, sé afar
framsækinn maður sem hafi gjörbylt fyrir-
tækinu. Hann hafi stefnt að því að stækka
fyrirtækið og auka ffamleiðsluna á bæði
mjög ódýrum og dýrum bílum tíl að ná til
sem flestra kaupenda. Volkswagen hafi
keypt bæði Bentley og Bugattí.
Má búast við að Bentley eða Bugattí
skili sér hingað?
„Eg býst ekki við því,” segir hann og
bendir á að Piech komi úr Porsche ljöl-
skyldunni en það var einmitt Ferdinand
Porsche sem hannaði fyrstu bjölluna á sín-
um tíma.
LÍTUM FRAMTÍÐINA BJÖRTUM AUGUM
„Það virðist ekkert standa í vegi fyrir
þessum manni. Fyrirtækið er orðið miklu
arðbærra. Hann hefur gert það svo með
því að einfalda framleiðsluferilinn. Sami
undirvagninn passar til dæmis fyrir bæði
Volkswagen, Skoda, Seat og Audi og því
fæst mikil hagkvæmni í framleiðslunni.
Núna eru aðrir bílaframleiðendur í heimin-
um að taka Volkswagen sér til fyrirmynd-
ar,” segir Sigfús.
„Við lítum mjög björtum augum á
framtíðarviðskiptin við Þýskaland. Þjóð-
veijarnir verða leiðandi afl í bílaiðnaðinum
í heiminum í framtíðinni.
Það er engin spurning um það. Við
höldum áfram að hlúa að þessum viðskipt-
um,” segir Sigfús Sigfússon að lokum. BQ
62