Frjáls verslun - 01.11.1999, Síða 29

starfsmaður finni það sjálfur hvort starf eigi við hann. Það er
einu sinni þannig að fólk er ólíkt. Starf eða vinnustaður sem
hentar einum þarf ekki að henta öðrum. Það er bara eðlilegt."
Þú varst formaður Vinnuveitendasambands Islands í
um sjö ár. Telur þú það réttlætanlegt gagnvart hluthöfum
að forstjórar verji miklum tíma í félagsmál fyrir atvinnulíf-
ið? Eru þeir ekki að svíkjast um í eigin fyrirtæki á meðan?
„Ég held að sú vinna sem ég lagði af mörkum sem formað-
ur VSÍ hafi skilað sér aftur til fyrirtækisins. Það er afar mikil-
vægt fyrir atvinnulífið og fyrirtækin í landinu að vinnumarkað-
urinn virki, að hann sé stöðugur. Það er ekki hvað síst mikil-
vægt fyrir byggingariðnaðinn! Ég réð góðan framkvæmda-
stjóra til VSÍ, Þorstein Pálsson, og á honum og hans fólki
hvíldi mesta vinnan, en ekki mér. Ég gat sinnt mínu daglega
starfi hér. En það komu dágóðar lotur í kjarasamningum og
þeirri törn hefði ég ekki getað sinnt nema að hafa hér úrvals
samstarfsmenn. Til að gera samningaviðræður okkar skilvirk-
ari fækkaði ég í samninganefndinni og myndaði sérstakt
samningaráð. í lengstu lög var reynt að forðast langar lotur
nema eitthvað áþreifanlegt væri að gerast í viðræðunum, að
þær skiluðu árangri. Ég sé því ekki eftir þeim tíma sem ég
eyddi í formennsku VSÍ. Samningar, sem skila vinnufriði fram
í tímann, gera fyrirtækjum kleift að skipulegga rekstur sinn.
Það er afgerandi bæði fyrir fyrirtækin og starfsmenn þeirra,
hagsmunir þeirra fara algerlega saman hvað það varðar."
Það hefúr vakið athygli margra að Istak hefur byggt ófá
stórhýsin og mannvirkin fyrir aðra en ekki fyrir sig sjálft!
„Það hefur einhvern veginn æxlast þannig. Við höfum
lengst af verið í leiguhúsnæði með skrifstofur okkar þangað
til nýlega að við keyptum þetta húsnæði hér í Skúlatúni. Enn-
_________________PflLL SIGURJÓNSSON IVlflÐUR ÁRSINS
fremur eigum við verkstæði og vélageymslu. Það er engin
sérstök skýring á því að við leigðum svo lengi, það er allt i lagi
að leigja ef menn telja það hagkvæmast.“
Er eitthvað eitt verkeftii sem þú getur nefnt sem uppá-
haldsverk þitt?
„Mér hefur nú hætt til að nefna fyrsta verkið sem ég tók að
mér í Færeyjum fyrir um fjörutíu árum, fyrstu veggöngin þar,
þótt það hljómi náttúrulega eins og ég sé genginn í barndóm.
En ég hef haft afskaplega gaman af gerð virkjana og stórum
verkefnum. Hins vegar eru öll verkefni okkar jafn mikilvæg.
Þau litlu líka! Þegar stóru verki lýkur á hálendinu verður að
vera að einhverju að hverfa í þéttbýli. Þess vegna er stefna
okkar að vera alhliða verktakafyrirtæki, sem fæst við lítil sem
stór verkefni um allt land; virkjanir sem jarðgangagerð, bygg-
ingar sem viðgerðir á gömlum húsum - og allt þar á milli.“
Við blasa merk tímamót, nýtt árþúsund, árið 2000 er
að renna upp. Hvernig metur þú horfúrnar í íslensku við-
skipta- og atvinnulífi á næstu árum?
„Ég fæ ekki annað séð en að með því dugnaðarfólki sem
býr hér á landi sé bjart framundan - og ég tel að hagvaxtar-
skeiði sé ekki að ljúka. Árið 1968 lenti efnahagslífið í miklum
öldudal. Ýmsir spáðu því að það ástand yrði varanlegt, en það
fór allt í gang aftur. í kringum 1990 lentum við í fremur löngu
samdráttarskeiði, en efnahagskerfið tók aftur hressilega við
sér, það hrökk í hraðvirkari gír. Mikill hagvöxtur síðustu árin
hefur skilað sér til fyrirtækja og starfsfólks í stórauknum
kaupmætti. Það verða alltaf einhverjar sveiflur, þannig hefur
það verið. En sé rétt á málum haldið eru horfurnar góðar.
Þjóðin hefur bæði menntun og metnað til að halda sínu
striki!" S5
Útnefnt í tólfta sinn
Dómnefiid Frjálsrar verslunar setn útnefndi Pál tnann ársins 1999 í atvinnulífinu. Frá vinstri: Gudtnundur Magnússon, prófessor í hagfrœði,
Skúli Þorvaldsson, Síld og fiski, Magnús Hreggviðsson, stjórnarformaður Fróða, Benedikt Jóhannesson, framkvæmdastjóri Talnakönnunar,
útgefanda Frjálsrar verslunar, Jón G. Hauksson, ritstjóri Frjálsrar verslunar og Þorgeir Baldursson, forstjóri Prentsmiðjunnar Odda.
FV-mynd: Geir Olafsson