Frjáls verslun - 01.09.2000, Blaðsíða 58

Steinunn fyrir utan kauphöllina í Frankjurt.
við það. „Og það var sannarlega ekki af því það var orkufyrir-
tæki í Houston," segir hún hlæjandi og bætir við að auðvitað
hafi hún stefnt á New York eða San Francisco eins og allir.
Enron veltir árlega fjörtíu milljörðum Bandaríkjadala,
eignir þess eru metnar á rúmlega þrjátlu milljarða dala,
starfsmenn þess eru um tuttugu þúsund og það hefur hvað
eftir annað verið kosið vænsta fyrirtækið á sviði nýjunga.
Steinunn segir einnig að komið sé mjög vel fram við starfs-
fólkið.
„Það felst meðal annars í góðum launum," áréttar hún.
Launin eru árangurstengd og kaupréttur á hlutabréfum fyrir-
tækisins („options") er í boði. Þar við bætist að flest banda-
rísk fyrirtæki bjóða upp á tveggja vikna frí á ári, sem ekki þyk-
ir mikið á evrópskan mælikvarða, en Enron býður þrjár vikur.
„Sem Evrópubúa fínnst mér tveggja vikna frí nánast eins og
refsing," segir hún með glettnisbros á vör. „Það eru einnig
ótrúlegir atvinnumöguleikar innan Enron á sviði fjármála og
stjórnunar," bætir hún við „og andstætt því sem halda mætti
um stórfyrirtæki þá er þetta frumkvöðlaumhverfi, þar sem
stöðugt er verið að stofna ný fyrirtæki innan Enron.“
MÖgulBÍkar á frama Það er greinilega ánægður starfsmað-
ur sem talar þegar Steinunn er annars vegar. Hún er lýsandi
dæmi um að ánægður starfsmaður sé besta auglýsingin og
það skilar sér væntanlega nú þegar hún stendur sjálf í því að
ráða starfsfólk. „Auðvitað segja allir í ráðningarviðtölum að
þeir tali fyrir hönd besta fýrirtækins, en það er einfaldlega
ekki alltaf trúverðugt. Annað, sem skipti mig máli þegar ég
valdi Enron, var að ég var sannfærð um að í þessu umhverfi
ætti ég eftir að ná framgangi."
Hlutirnir hafa líka gerst hratt í lífi Steinunnar undanfarin
ár. Hún hefur gegnt tveimur stöðum í tveimur heimsálfum á
vegum Enron og er nú á leiðinni yfir hafið í þriðja sinn. Fyrst
starfaði hún við nýstofnað vatnsveitufyrirtæki Enron, Azurix
í Houston, sem gerði tilboð í alþjóða vatnsveituverkefni og á
vegum þess starfaði hún að verkefnum í Berlín, Marokkó og
í Argentínu. En Azurix gekk ekki nógu vel að hasla sér völl á
alþjóðamarkaði og í lok liðins árs kaus Steinunn að starfa hjá
Enron í Evrópu.
Það varð úr að hún tók tilboði Enron Energy Services, EES,
dótturfýrirtækis Enron, í Frankfurt. Enron Energy Services
hefur gengið mjög vel í Bandaríkjunum og er nú að hefja um-
svif í Evrópu, en Steinunn vann ásamt fjórum samstarfsmönn-
um við uppbyggingu EES í þýskumælandi löndum. EES sér-
hæfir sig í fjárfestingum og rekstri orkutengdra eigna stórra
fyrirtækja og verksmiðja. Fyrirtæki, sem árlega eyðir milljón-
um í orkukostnað, getur séð sér hag í að fá sérhæfða aðila eins
og EES til að sjá um þá hlið rekstursins.
„Eg var verkefnastjóri hjá Enron Energy Services og vann
með fólki frá mismunandi deildum Enron. Starfið var mjög fjöl-
breytt og fólst meðal annars í finna markhóp fyrirtækja og
kynna þjónustu EES fyrir honum, þetta krafðist auðvitað mikilla
ferðalaga. Einnig greindi ég upplýsingar tengdar vænlanlegum
fjárfestingum og bjó til fjármálamódel sem sýndu fram á hvort
verkefnin væru hagkvæm fýrir Enron eða ekki,“ segir Steinunn.
Nú liggur leiðin hins vegar aftur til Houston, þar sem
Steinunn hefur tekið tilboði um starf innan Enron Cor-
poration, sem er móðurfyrirtæki Enron. Þar mun hún starfa
í deild sem metur allar stærri fjárfestingar fyrirtækisins.
„Starfið felst meðal annars í greiningu og áhættustýringu og
verður örugglega ómetanleg reynsla," segir Steinunn. „Deild-
in metur yfir tvö þúsund verkefni á ári og þetta er síðasti hjall-
inn áður en stjórnin samþykkir eða hafnar væntanlegum fjár-
festingum."
Svigrúm fyrír frumkvöðla Steinunn hefur gert samning um
að vera ekki lengi í þessu starfi og álítur það fullkomlega eðli-
legan hlut. „Það er kannski einhver undrandi að heyra um
þessi öru skipti, en það má líta á þetta sem virkt ráðningar-
ferli. Fyrirtækið leggur áherslu á víðtæka reynslu þannig að
það getur borgað sig fyrir bæði mig og fyrirtækið að ég sé
ekki of lengi við sömu störf. í þessu umhverfi er nauðsynlegt
að vilja breyta til og vera tilbúinn til þess með stuttum fyrir-
vara,“ útskýrir hún og bætir við að hún hafi augun á ákveðn-
um sviðum í framtíðinni.
„Eftir reynsluna á sviði áhættustýringar vil ég aftur í eldlín-
una,“ segir Steinunn og stefnir að starfi við breiðbands- og
netviðskipti sem eru ný svið innan Enron. „Enron er með
stærstu netviðskiptasíðu í heimi og rétt eins og fyrirtækið
miðlar nú olíu og gasi er það á hraðri leið í uppbyggingu
breiðbandsmiðlunar."
I hugum margra er stórfyrirtæki óhjákvæmilega þungt í vöf-
um og frumkvöðlahugsunarhátturinn víðs fjarri, en Steinunn
segir að þetta gildi ekki um Enron. „Enron skiptist niður í mörg
dótturfyrirtæki, sem hvert um sig verður að sýna fram á góða
aíkomu. Það starfsfólk innan Enron, sem er snöggt að grípa ný
tækifæri og sanna arðsemi þeirra fyrir stjórninni, fær fullan
stuðning til að stofna nýja deild sem oft þróast yfir í nýtt dóttur-
fyrirtæki. Það er því hægt að vera írumkvöðull innan Enron.“
MBA-laun á Við íslensk forstjóralaun Þegar nýbakaðir MBA-
stúdentar koma frá prófborðinu bíður þeirra ekki aðeins að
58