Fregnir - 01.02.1991, Blaðsíða 5

-5-
Verkefni geta fallið undir eitt eða fleiri svið og er ætlunin að stofna til
sérfróðra hópa til undirbúnings. Um þessar mundir er mikill áhugi á lið 2
og þegar búið að veita fé til þess að gera úttekt á stjóm og skipulagi
stærstu norrænu rannsóknarbókasafnanna í ljósi efnahagslegra,
félagslegra, tæknilegra og fleiri þátta sem áhrif hafa á stöðu safnanna og
þróun um þessar mundir. í kjölfar þessarar skýrslu verður væntanlega
boðað til frekari aðgerða, m.a. hugað að hvort skynsamlegt sé að styrkja
menntun stjómenda á einhvem hátt.
Fyrir utan frumkvæðisverkefnin er lögð áhersla á tvennt,
þróunarverkefni og verkefni sem stöðugt þarf að vaka yfir (stöðlun,
menntun, verkefnaþróun, samskipti við fjölþjóðastofnanir) og
upplýsingastarfsemi (útgáfu, SCANNET).
Stjórnin hefur bent á að ýmis framfaramál í upplýsingageiranum séu
komin undir vissri sífellu eða stöðugri árvekni. Hér er t.d. átt við söfnun
tölulegra upplýsinga, menntunarmál, stöðlun og samræmingu, samstarf á
skyldum efnissviðum, útgáfustarfsemi og tengsl við Evrópubandalagið.
Stjóm NORDINFO
í stjóm NORDINFO hafa hingað til setið 14 manns. 3 frá Danmörku,
Finnlandi, Noregi og Svíþjóð og 2 frá íslandi. Af þessum 14 hafa 5 manns
(einn frá hverju landi) myndað framkvæmdastjórn. Stjórnin hefur komið
saman tvisvar á ári en framkvæmdastjómin fjórum sinnum.
Nú hefur ráðherranefndin ákveðið að frá og með áramótum 1991/92
verði fækkað í stjórninni í 9 manns og ísland fái aðeins einn fulltrúa en
hin löndin tvo.
Fyrirskipað er að "notendur" skuli eiga fulltxúa en fulltrúar bókasafna- og
upplýsingageirans verði þó í meirihluta. íslenski fulltrúinn verður þá
væntanlega úr þeim hópi. Þessi skipan mun hafa þær breytingar i för með
sér að framkvæmdastjómin verður lögð niður en stjómin verður að hittast
fullskipuð fjómm sinnum á ári.
Staifshættir NORDINFO
Stjórn NORDINFO hefur nú samþykkt að breyta í nokkm starfsháttum
sínum til þess að tryggja að utanaðkomandi hugmyndir að
forgangsverkefnum á hverjum tíma komist á framfæri. Æðstu
stjórnsýsluembættum bókasafnamála í hveiju landi var því falið að boða til
fundar þar sem auglýst væri eftir hugmjmdum að verkefnum sem fólki
flnnst að NORDINFO ætti að láta til sína taka.
Þar sem samstarfsnefndin hefur ekki verið endurreist eða yfirstjórn
bókasafnsmála öðm vísi skipað dæmdist það á NORDINFO-fulltrúa að boða
til sliks fundar og var hann haldinn í Kennaraháskóla íslands 23. jan. sl.
Til hans vom boðaðir um 30 manns sem vitað var um að tækju nú þátt í
norrænum samvinnuverkefnum eða sinntu embættum sem gjarnan hafa
samskiptl við önnur sambærileg. 15 manns mættu á fundinn og ræddu
annars vegar um hugmyndir að verkefnum og hins vegar hvernig við
gætum skipulagt virkt samstarf innanlands á þessu sviði. Samþykkt var að
stofna óformlegan stuðningshóp sem stæði á bak við þá sem væru í
fremstu víglínu, s.s. NORDINFO-fulltrúa, þátttakendur í NVBF o.fl. í
hópnum verði á hverjum tíma tenglar í einstökum samstarfshópum eða
verkefnum og aðrir þátttakendur í norrænni samvinnu. Leynist einhverjir
fleiri einlægir áhugamenn um málefnið eru þeir vinsamlegast beðnir að
hafa samband við Kristínu Indriðadóttur í bókasafni Kennaraháskólans
(sími 688700, fax 688837).