Fregnir - 01.09.1991, Blaðsíða 4
Fréttatilkynning
LESRÍM 1992
Lesrím 1992 er dagatal helgað íslenskri bamabókaútgáfu en jafnframt er það
uppsláttarrit um afmælisdaga höfunda og myndskreytingafólks.
Myndimar þrettán sem skreyta dagatalið eru teknar úr íslenskum bamabókum
sem út komu á tímabilinu 1695-1946. Teikning á forsíðu er káputeikning eftir
Halldór Pétursson úr bók Stefáns Jónssonar, Vinir vorsins. Aðrir listamenn sem
eiga myndir í dagatalinu eru Ásgrímur Jónsson, Barbara M. Ámason, Muggur,
Tryggvi Magnússon og þýski teiknarinn Fritz Berger sem myndskreytti fyrstu
útgáfur Nonna-bókanna. Þar er jafnframt síða úr fyrsta stafrófskverinu (1695),
fyrstu eiginlegu bamabókinni (1780), fyrstu myndabók sem gefm var út fyrir ís-
lensk böm (1853) og forsíöa Æskunnar sem er elsta íslenska bamablaðið sem
enn kemur út.
Á sérstakri síðu eru stuttir skýringartextar á íslensku og ensku. Þar er sagt frá
höfundum, myndlistarmönnum og efni bóka.
Tilgangurinn með útgáfu þessa dagatals er að kynna íslenskar bama- og ungl-
ingabækur og hvetja til bóklesturs og málræktar. Auk þess að vera falleg
veggskreyting er dagatalið einnig varanlegt uppsláttarrit því getið er fæðingar-
daga allflestra þeirra höfunda og myndskreytingarmanna sem lagt hafa sitt af
mörkum í þessum málaflokki. Oft er erfitt að finna afmælisdaga, en þær upplýs-
ingar koma að gagni við hvers konar kynningu á bamabókum, auk þess em þær
forvitnilegar fyrir áhugafólk um bamabókmenntir, bókaverði, kennara, fóstrur,
foreldra og ýmsa aðra.
Að baki þessa dagatals er Lindin hf., útgáfa og dreifmg, ungt fyrirtæki í eigu
fimm bókasafnsfræðinga. Næstu verkefni Lindarinnar eru útgáfa tveggja bóka:
Skáldatals, sem geymir æviágrip íslenskra höfunda bama- og unglingabóka,
og Ævintýraleiða, sem í eru söguþræðir um 900 bama- og unglingabóka.
2. sept. 1991
Linditi hf., útgáfa og dreifing
Pósthólf7101
127 Reykjavík