Fregnir - 01.07.1994, Blaðsíða 8

FREGNIR
viss millisafnalán væri nú háværari en nokkru sinni. Hann kom inn á
kostnað við millisafnalán og var á þeirri skoðun að ríkið ætti ekki lengur
að borga fyrir millisafnalán að fullu. Nú væri komið að neytandanum.
BIBSAM, sem stóð fyrir þinginu, sendi fulltrúa sinn Jakob Hamesk sem
varði tíma sínum í að tala um gjaldtöku. Þar sem BIBSAM virkar sem
ráðgefandi aðili fyrir sænsk rannsóknarbókasöfn var erindi Jakobs víð-
femt og náði yfir allan rannsóknarbókasafnageirann. Þar em nú allir
sammála um að gjaldtaka sé nauðsynleg og langflest söfn í Svíþjóð hafa
þegar samræmt gjaldskrá sína. Nú hafa sumir skólar á háskólastigi hafið
markaðssemingu og reyna með ýmsu móti að lokka nemendur til sín.
Hann lagði áherslu á það að nú stæðu háskólabókasöfn frammi fyrir því
að þurfa að markaðssetja sig með sínum háskóla. Það geti beinlínis ráðið
úrslitum fyrir framgang háskóla að hafa mjög frambærilegt bókasafn
sem veitir skjóta, markvissa og ódýra þjónustu. Söfnin verða að búa sig
undir samkeppni. Þetta er nýr hugsunarháttur sem við á Norðurlöndum
höfum ekki staðið frammi fyrir áður.
Fjallað var um hæfni starfsfólks sem vinnur við millisafnalán og gæði
þjónustunnar. Það er kostnaðarsamt að hafa vanhæft fólk í millisafnalán-
um - mistök eru dýr. Á þessu sviði er endurmenntun því nauðsynleg. í
Svíþjóð stendur BIBSAM fyrir námskeiðum og í Noregi er það Riks-
bibliotekstjenesten sem hefur slíkt á sínum snærum. Umhugsunarvert er
að fram kom að í sumum landanna er ákveðinn tími ætlaður til lestrar
fagtímarita samkvæmt kjarasamningum og á mjög mörgum söfnum var
fastur liður að halda fræðslufundi fyrir starfsfólkið einu sinni í viku. Allt
þetta stuðlar auðvitað að aukinni þekkingu og hæfni starfsfólks.
Síðan kom röðin að fulltrúum Norðurlandanna að segja frá þróunarverk-
efnum heima hjá sér eða samstarfsverkefnum innan Norðurlandanna.
Þar var meðal annars rætt um eftirfarandi:
1) Tækni og möguleika geisladiska. Kynnt var lokaskýrsla vinnuhóps
8