Skólavarðan - 01.05.1990, Qupperneq 1

FYLGT ÚR HLAÐI
Það blað sem héi er sent til allra skóla, skólanefnda og
fræðslustjóra á landinu er málgagn Skólavörðunnar,
félags um málefni skólasafna. Starfsemi Skólavörðunnar
hefur legið niðri að undanförnu og viljum við því með
þessu hefti af Skólavörðunni kynna félagið og um leið
kanna hvort grundvöllur er fyrir starfsemi félagsins og
hvort menn sjái sér hag í að ganga í það.
AF HVERJU SKÓLASÖFN?
Oft heyrist því fleygt að bókasöfn séu að verða úreltar
stofnanir þar sem börn og unglingar nútímans kunni betur
að meta aðra miðla en þá sem eru á boðstólum í skóla-
söfnmn. Á sama tíma heyrast áhyggjuraddir vegna þess að
lestrarlöngun og lestraráhugi barna fari minnkandi og
kannanir sýna að börn lesa minna en áður hefur mælst.
Spurningin er því fyrst og fremst sú hvers virði bók-
menning sé íslenskri þjóð. Það má einnig telja það undar-
legan tvískinnung að um leið og við teljum okkur hluta af
upplýsingasamfélagi þjóðanna skuli bókasöfnin, þessar
rótgrónu upplýsinga og fræðslustofnanir, eiga undir högg
að sækja. 1 ár hefur Unesco, Menningar og vísindastofnun
Sameinuðu þjóðanna ákveðið að leggja áherslu á LÆSI,
hvers kyns hæfni til að nýta sér heimildir og þekkingu.
Það ætti okkur að vera sérstakt ánægjuefni hversu vel
við virðumst standa að vígi hvað þetta varðar en hins
vegar verðum við sífellt að vera vel á verði svo við
glötum ekki því sern íslensk menning byggir helst á, þ.e.
heimi bókanna og það er í skólasöfnunum sem börnin geta
kjuinst þessutn töfraheimi.
SKÓLAVARÐAN. HVERJIR GETA VERIÐ MEÐ?
Skólavarðan, félag um málefni skólasafna var stofnað
1983 sem eitt af aðildarfélögum Bókavarðafélags íslands.