Skólavarðan - 01.05.1990, Blaðsíða 11
LYKILL. RIT UM BÓKFRÆÐI
Eitt af því sem skólasafnverði- og reyndar alla sem
vinna við einhverskonar upplýsingaöflun- vantar sí og æ
eru bókaskrár og heimildalistar sem sýni hvað hefur
verið skrifað um einstaka viðfangsefni til þess að hægt
sé að hjálpa kennurum og nemendum að afla sér upplýs-
inga. Er oft erfitt um vik því ekki eru gerðar neinar
almennar skrár yfir efni tímarita og dagblaða hér á
landi.
Um þessar mundir er verið að hleypa af stokkunum ritröð
sem ber nafnið "Lykill. Rit um bókfræði." Þessi rit
verða gefin út á vegum Rannsóknastöðvar í bókasafna- og
upplýsingamálum og er fyrsta heftið að koma út innan
skamms. í því hefti er ein stór skrá með á annað þúsund
heimildum og heitir: "íslensk frímerkjasöfnun og
póstsaga. Heimildaskrá" Önnur skrá er rétt ókomin út og
heitir sú "Öldrunarmál á íslandi. Heimildaskrá". 1
þessum skrám er að finna allt það helsta sem skrifað
hefur verið \im þessi mál á Islandi. Eru margar aðrar
skrár í vinnslu en mislangt komnar. Má þar nefna Almanak
íslenskra skálda þar sem tiltekinn er fæðingardagur og
fæðingarstaður íslenskra skálda; Skrá um barnabóka-
rithöfunda með æviágripi, ritaskrá og skrá um alla
ritdóma um verk þeirra; Skrá um íslenskar skáldkonur;
Skrár um einstaka byggðarlög; Leikritaskrá og fleiri.
Hægt er að gerast áskrifandi að Lykli eða kaupa hvert
rit fyrir sig.
Dreifingu og sölu á þessu riti annast:
Þjónustumiðstöð bókasafna,
Austurströnd 12, 170 Seltjarnarnesi.
Sími: (91) 612130.
(SKH)
11