Skólavarðan - 01.05.1990, Blaðsíða 18
Fyrri keppnin var í desember, ég innheimti allar bækur
fyrir jól og byrja aftur útlán í janúar. í desember voru
aðeins xom 10 bækur enn útistandandi og komu þær eftir að
útlán byrjuðu í janúar. Seinni keppnin er í maí.
Og hvað fengu börnin svo í verðlaun?
Ég hef útlánin tvískipt, annars vegar fyrir þá sem eru í
skólanum fyrir hádegi og hins vegar þá sem eru eftir
hádegi. Sá bekkur sem var fyrstur til að skila í hvorum
hópi fékk eina gosdós á mann frá skólanum sem þau fengu
að drekka í nestistíma, svo fengu þau blýant,
reglustriku og endurskinsmerki frá Sparisjóðnum. Að
sjálfsögðu voru þau mynduð í bak og fyrir.
Síðan var happadrætti. Við drógum eitt bókasafnsnúmer úr
þrem fyrstu bekkjunum úr hvorum hópi. Þau sex börn sem
áttu þau númer fengu að fara með safnverði í heimsókn í
Sparisjóðinn og var okkur vel tekið.
Boðið var upp á kakó og kökur. Við fengum að skoða húsið
og síðan vorum við öll leyst út raeð góðum gjöfum sem
voru: Leðurpeningaveski, lítil gyllt næla með smára,
merki sparisjóðanna og afmælisrit Sparisjóðs Keflavíkur.
Þar voru börnin síðan mynduð og kom mynd af þeim í
bæjarblaðinu Reykjanesi. Það voru ánægð börn sem kvöddu
húsakynni Sparisjóðsins.
Nú er maí að byrja og farið að styttast í sumar. Ég er
byrjuð að innheimta bækurnar, öll vilja börnin vinna í
keppninni. Þau koma og spyrja: Hvað eru margar bækur
eftir hjá okkar bekk? Hver á eftir að skila? Verðum við
fyrst? Við ætlum sko að vinna. Þau eru svo spennt að þau
fá leyfi til að hlaupa heim í frímínútum til að ná í
bækurnar eða koma með þær eftir að kennslu er lokið.
Þetta virkar mjög hvetjandi á börnin og það er mjög
spennandi að fylgjast með þeim.
Ef einhvern langar til að prófa eitthvað þessu líkt þá
er velkomið að hafa sambandi við mig í Myllubakkaskóla í
Keflavík. Síminn er 92-11450.
Guðrún Eyjólfsdóttir
18