Skólavarðan - 01.11.1990, Blaðsíða 3

KÖNNUN Á BÓKFRÆÐIVERKUM ISLENSKRA BÓKASAFNA. HELSTU
NIÐURSTÖÐUR ER VARÐA GRUNNSKÓLA- OG FRAMHALDSSKÓLASÖFN
Úrtak og spurningar
1 vor var gerð könnun á bókfræðiverkum íslenskra bóka-
safna í tengslum við ráðstefnu um íslenska bókfræði sem
haldin var á Akureyri í september s.l. Megintilgangur
könnunarinnar var að gera úttekt á þeim bókfræðiritum sem
gerð hafa verið í bókasöfnum hér á landi og athuga meðal
bókavarða á hvaða fræðasviðum skortur væri á slíkum
ritum.
Að könnuninni vann sex manna hópur sem í voru fulltrúar
frá öllum safnategundum og lagði Vísindasjóður fram fé í
þessa könnun.
Spurt var um eftirfarandi atriði:
efnisskrár/heimildalista sem gerðar höfðu verið á
viðkomandi bókasafni og í hvaða formi skrárnar væru
útgefnar skrár sem unnar hefðu verið á vegum safns-
ins
óútgefnar skrár sem hægt væri að dreifa eða gefa
út
efnisskrár/heimildalista sem notendur skortir
helst
hvaða efnisskrár væru mest notaðar á safninu
Vegna mikils fjölda bókasafna var valið úrtak sem í voru
231 bókasafn. Við val á sérfræðisöfnum og bókasöfnum í
sérskólum og framhaldsskólum var tekið mið af því að
viðkomandi safn hefði ákveðinn umsjónarmann. Öllum
miðsöfnum var sendur spurningalisti, svo og öllum grunn-
skólum í Reykjavík og í fræðsluumdæmi Reykjaness en við
val á grunnskólum í öðrum landshlutum var stuðst við
niðurstöður úr könnun Rannsóknastöðvar í bókasafna- og
upplýsingamálum frá 1989 um stöðu skólasafna í grunn-
skóltim þar sem fram kom hvar skólasöfn var að finna.
Þannig lentu 53 grunnskólar utan Reykjavíkur og Reykja-
ness í úrtakinu.