Skólavarðan - 01.11.1990, Blaðsíða 8
SAMSTARFSHÓPUR BÓKAVARÐA 1 FRAMHALDSSKÓLUM
Líkur eru á því að a.m.k. 10 framhaldsskólasöfn kaupi
sama bókasafnsforrit. Nýja tölvuforritið sem er stxindum í
gamni kallað KLeppjárnsreykjakerfið en höfundur nefnir
Metrabók: bókasafnsforrit fyrir smærri bókasöfn er hannað
af Ásmundi Eiríkssyni rafmagnsverkfræðingi í samvinnu við
Jónínu Eiríksdóttur bókasafnsfræðing. Forritið hefur m.a.
þá kosti að hægt er að skrá útlán og upplýsingar í
sambandi við ársskýrslugerð. Einnig getur innheimta bóka
og tímarita farið fram í tölvu. Færslur þær sem þegar eru
véltækar má setja inn í hið nýja kerfi með smávægilegum
breytingum. En nokkur framhaldsskólasöfn hafa notað
bókasafnsforritið Hugleit frá Hugbúnaði h.f. í Kópavogi
um nokkurt skeið. Tölvuvæðing safnanna mun auðvelda
notendum heimildaleit og önnur not af safnkostinum, auk
þeirrar augljósu hagræðingar sem fylgir markvissri notkun
tölvu. Hafa bókaverðir í framhaldsskólunum í hyggju að
hafa nána samvinnu sín á milli um tölvuvæðinguna.
Enn hefur það brýna hagsmunamál framhaldsskólasafnanna að
fá sambærilega þjónustu og skólasafnamiðstöð Reykjavíkur
lætur skólasöfnunum við grunnskóla Reykjavíkur í té engan
árangur borið. Tvö framhaldsskólasöfn sem áður voru
skólasöfn á grunnskólastigi njóta þessarar þjónustu. En
mikilvægt er að öll skólasöfn hafi jafna aðstöðu hvað
varðar aðföng, frágang, flokkun og skráningu gagna. En
eins og málum er nú háttað í framhaldsskólasöfnunum er
veríð að margvinna sömu störfin en þennan tíma og
sérfræðiþekkinguna væri hægt að nota til mikilvægari
starfa sem kæmi nemendum og kennurum skólanna mun betur
og myndi stuðla að öflugra skólastarfi.
8