Skólavarðan - 01.11.1990, Blaðsíða 16

ALÞJÓÐLEG VIÐURKENNING TIL SKÓLASAFNA
Á þingi Alþjóðlegu skólasafnasaratakanna 1990 var í fyrsta
sinn úthlutað viðurkenningu til skólasafna fyrir að hafa
skarar fram úr á einhverju sviði, svokallað "IASL
COMMENDATION AWARD". 1 þetta sinn voru veittar tvær
viðurkenningar. Önnur fór til Ástralíu, en hin til
Kanada.
Viðurkenningin til Ástralíu fór til Northern Territory
sem er gríðarlega stórt og strjálbýlt svæði, en þar höfðu
öll skólasöfn verið tengd saman í eitt tölvukerfi,
DOBIS/LIBIS. Er þarna um að ræða samtengingu 39
grunnskóla og 13 framhaldsskóla sem nota kerfið til þess
að fá skráningartexta, fyrir útlán, aðföng, millisafnalán
og ýmsa aðra safnastarfsemi, þar á meðal tengingu við
samskrá yfir bókakost allra annarra safna á þessu svæði,
og aðgang að filmusafni fyrir skólana, sem er nokkurs
konar námsgagnastofnun. 1 gegnum kerfið er hægt að panta
filmur, fá efni frá öðrum söfnum, spara sér skráningu og
veita nemendum og kennurum aðgang að skrám í tölvutæku
formi langt út fyrir það sem hvert safn getur eignast.
Hin viðurkenningin fór til Sakatchewan í Kanada. Þar
hafði Skólasafnvarðafélagið í því fylki unnið kennslu-
áætlun þar sem kennarar og skólasafnverðir unnu í
sameiningu að því að tengja skólasafnið, kennsluna og
námskrána. Þegar ný aðalnámskrá lá fyrir ákvað Skólasafn-
varðafélagið að vinna upp kennslu fyrir kennara og
safnverði hvernig þeir gætu unnið saman að markmiðum
námskrárinnar. Er þarna um að ræða hugmyndir að því
hvernig megi nýta safnið í öllum mögulegum kennslugreinum
og jafnframt er þarna kennsluefni fyrir safnverði og
kennara.
Varaforseti samtakanna, Sigrún Klara, afhenti viður-
kenningarnar, en skjölin voru fagurlega hönnuð af
íslenskum listamanni, Þorvaldi Jónassyni, kennara í
Réttarholtsskóla í Reykjavík.
16