AvangnâmioK - 01.05.1957, Side 16
112
AVANGNÅMIOK’
nr. 2
tårssuatsiaK nuname avdlame nuliasoKarame uvdlut
ardlarft nuliasune tikerårsimavigissarpå, nåmagilerå-
ngamiuk angerdlartardlune. tåssa Ikersap iluagtinia-
gå, aleKane nagdligigamiuk, issigissoK uverssua aki-
niåsagaluaruniuk. nunarKatine Åtårssuatsåvdlo nulia-
suata nunaKatai pilerssåruminik ilisimatipai, måna
tåssa ÅtårssuatsiaK nuliasungminut tikerårnigssånut
nåpiniartugssångordlugo. akiniarniåsavdlune sut pi-
ssusilersutigssat tamarmik årKigssuneKarérput. Iker-
savdlo tigorKårtugssaugamiuk, ÅtårssuatsiaK tåsså-
nga nuliasoKarfingminit autdlalernigsså alapernåitug-
ssauvåt tamarmik tupermingne aninatik. Ikersap ki-
sime aterfigissugssauvå. tigugpago aitsåt ilaisa åni-
vigissugssauvåt. akiniarumaKangamiko inorersor-
ssuaK tåuna.
tåssa Ikersåkut umiamik nunaKarfingmut tåssu-
nga pisimarérsut årime uvdlut ilåne Kamassåt Åtår-
ssuatsiaK tikeKaoK. nuliasune ingmikut tupinguaKar-
tikamiuk tåssunga majuartarpoK inimassardlunilo.
igdlune tupernilunit avdlanltångilaK. tåssalo autdla-
lernigsså kisiat utamissagssarilerpåt. aulajangerérsi-
mavåt, ÅtårssuatsiaK sinilerpat Kajåta narea nuluisa
nalåtigut amia ermaliså taputdlugo ilångåsagåt. tai-
ma perérsimaleråt ÅtårssuatsiaK iterame tupermit a-
nivoK autdlariartordlunilo Kåiname tungånut atiler-
dlune. IkersaK tuperme saniane anérame kisime ni-
ngåne aterfigå natsiluaminit Kumlngavdlune, sordlo
periåsanane. Åtårssuatsåp Kåine tikikamiuk Kåiname
pårssua Kiviardlugo takuvå atå ilångarsimassoK nulu-
me nalåt angmalortumik ermalisane taputdlugo pér-
sivigisimavdlune. nalunarane inup taimailiorsimagå.
tåssagoK Kajå taimailiorpåt måna misigitiniar-
dlugo: tåssa toKuniarneKalerdlune malugileråine Ka-
noK ånilånganartigissoK.
ÅtårssuatsiaK Ikersap tikikånilo Kåine atorneK
ajornartoK påsivdluinaramiuk avdlamik oKångilaK: å,
akuilisara puiorsimavara. tåssalo majuåsavdlune nu-
liasungme tupiata tungånut Kiviarniariarmat, Ikersap
natsiluaminik årtariardlune åiparssue tunuanit ag-
ssarKue Kiterpiardlugit tiguvå ernerdlugo nunamut
tungatigungnaerdlugo. ÅtårssuatsiaK pikeriarniåsaga-
luardlune taimågdlåtdliuna niorssue silåinarme ajå-
kutuinångoramik. taimailiniariarmata tupernit inuit
aniassorssuångorput arpaliutdlutigdlo ornigutdlutik.
IkersavngoK påssane nunamut iginago arrltsumik
nunamut ilivå tåssalo tigoncingnago, nikerKigsinau-
jungnaermat. tunuanit agssarKue Kiterpiardlugit ti-
gugamiuk eKinerminik najungassue navdlordlugit i-
kusé ilungmut agpakåutisimagamigit.
ÅtårssuatsiaK nikineK aulariarnerdlo sapilermat
akiniarumassut ornigtarpåt anerterinerane, angutåi-
naunatik, arnåtaoK utorKångortut ernerssuatik pi-
nerrarigserugtortut singatdlugit tåussumarssfip toKu-
tagai akiniukumavdlugit. tamauna uviniata nuisassup
ilågut ulumik pilagtiisavåt suaordlugulo: ånernarpå?
ånernarpå? Åtårssuatsåp anernine ilungmut najfltdlu-
go akuerisavai nipilingmik angerneK sapilerame.
taimailiordlugo inorersorssuaK ÅtårssuatsiaK a-
kiniarpåt.
OKalugtuaK tåuna tusartagara erKartulåno'savara
nangmineK ujarKat Ikersap pissagsarame pinguari-
ssagai takusimasorigavkit.
Tugsåme aussåkut angavnut anguartauvdlunga
umiamik EKaluårssuliaravta eKalungniartoK. angaga
niulugtflgame tugtunianut ilaussångitsoK. taimane
nåpipagut K’aersormiut umiat tugtuniat auvartartut
ardlarit tugtutartorssuit, ilåne pissortåt Peter Løv-
strøm avdlamik ilaKardlune auvarnialeramik ilagiu-
mavånga ningeriaKuvdlunga. angangma ilagemung-
magit ila nuånårnaK. taimane KajaKalerdlunga.
unulersoK Kåinanik auvarfigssåta tungånut ilor-
parterpugut auvartartut mardluk tugtukajugtorssuit
ilagigavkit ila isumavdluarneK sunauvfalume tugtu-
tarpata ningerdluatdlåsavdlunga. pingasunik tugtu-
put kulavak, norrålo angissordlo.
taimane autdlarKårdluta Kåinamik autdlaravta tu-
perssussanit mile sivnerunardlugo nigguvigssavtinut
ingerdlavugut. niugavta Kåinagut peroriardlugit nag-
satågut tigoriardlugit autdlarmata maligpåka. Kut-
dlarteravta imaK tarrisimalerdlugo imaKa Kåinavtinit
milip åipå nåmagtitoK sinigtarfik auvartut sinigtarfiat
tikiparput KangåtaK sanavdluagaK. aKago auvarnig-
ssamingnut tåssane sinigkatdlarniarmata unlnarpu-
gut. tåuna sinigtarfik kikutigssiorfingmik ateKartoK
oKautigåt.
tåssane taKuavtinik nerivdluta kavfiliortut nali-
nginardlo erKartuivdlutik, aperilerpånga Åtårssuatså-
mik Ikersamigdlo OKalugtuaK uvavnut tusåmanasu-
galugo. soruname tusåmavdlugo oKarpunga Kulåne
OKalugtuarissara oKalugtuaråt. åipåta K’aersormiup
Peter Løvstrømip sujugdliuvdlune OKarfigånga takor-
nariartitdlunga ilaginiardlunga kavfisorérunik. oKar-
put: tåssa ikanlput, ujarKat taimane Ikersap Åtårssu-
atsiaK pissagsautileramiuk pinguai. kangivtine kflp
timåne KaersoK angnertoK KagtunerulårtumitoK ti-
kuarpåt, tåssa ikaniput.
kavfisorérmata tamangnik ilagåka, tåssånga si-
nigtarfingmit Kanigtunguamingmata.