Helgarpósturinn - 06.10.1994, Blaðsíða 7

FIMMTUDAGUR 6. OKTÓBER 1994
MORGUNPÓSTURINN FRÉTTIR
7
Heimildir innan lögreglunnar herma að þeir þrír sem helst liggja undir grun um
að vera valdir að hvarfi Valgeirs Víðissonar séu stórhættulegir. Kenningin sem
helst er unnið út frá snýst um deilur vegna fýrirætlana um umfangsmikið
smygl af amfetamíni frá Hollandi. Síðustu daga hefur líksins verið leitað í
Krýsuvík. Opinberlega segist Rannsóknarlögreglan ennþá standa ráðþrota
og ekkert nýtt hafi gerst í málinu.
einum manm
Sá, sem helst er grunaður um að hafa verið valdur að hvarfi Valgeirs Víðissonar, er talinn hafa fjármagnað
að einhverju leyti kaup á miklu magni af amfetamíni sem smygla átti frá Hollandi. Það átti að vera hlutverk
Valgeirs, en sá grunaði sakaði hann um svik eftir að fyrirætlanirnar fóru að mestu leyti út um þúfur og hót-
aði honum lífláti. Deilurnar vegna þessa máls eru taldar líklegasti lykillinn að lausninni á hvarfi Valgeirs.
Mennirnir þrír, sem helst eru
grunaðir um að hafa verið valdir að
avarfi Valgeirs Víðissonar, hafa
allir komið ítrekað við sögu fíkni-
efnalögreglunnar. Allir eru þeir
álitnir stórhættulegir og visir til alls.
í fíkniefnaheimi Reykjavíkur ganga
margar sögur um hvarfið og í sam-
tölum við þá, sem þekkja þar vel til,
bera nöfn þessara þriggja oft á
góma, sérstaklega eins þeirra. Rétt
er að taka fram að enginn þeirra
hefur réttarstöðu grunaðs manns
og því liggur enginn formlega und-
ir grun.
„Ég hef lengi haft ákveðinn
mann grunaðan og það er sami
maður og liggur undir grun Rann-
sóknarlögreglunnar," sagði Víðir
Valgeirsson faðir Valgeirs, í sam-
tali við MORGUNPÓSTINN í gær. Sá,
sem um ræðir, hefur í talsverðan
tíma verið undir smásjá lögregl-
unnar. Heimildarmenn blaðsins
innan lögreglunnar staðfesta þetta.
Samkvæmt sömu heimildum hefur
líksins verið leitað í Krýsuvík und-
anfarna daga.
Hvarfið talið
tengjast misheppnuðu
smygli á amfetamíni
Frá upphafi hefur skýringa á
hvarfinu einkum verið leitað í fyrir-
ætlunum um stórfelldan innflutn-
ing á amfetamíni mánuðina áður
en Valgeir hvarf og hann átti aðild
að. Hefur lögreglunni orðið talsvert
ágengt við að upplýsa það mál og
miklar líkur taldar á að deilur, sem
spruttu upp vegna þess að Valgeir
var sakaður um að hafa klúðrað
smyglinu, sé lykillinn að því hvað
varð um Valgeir.
Vitað er að Valgeir fór til Hol-
lands í lok nóvember á síðasta ári í
því skyni að kaupa talsvert magn af
fíkniefnum, aðallega amfetamín.
Talað er um eitt til eitt og hálft kíló
í því sambandi. Lögreglan telur að
grunaði hafi fjármagnað kaupin að
einhverju leyti. Valgeir kom hins
vegar tómhentur heim og eftir það
hafði grunaði í hótunum við hann.
Sagt er að Valgeir hafi haldið því
fram að hann hefði verið rændur.
En lögreglan hefur vitneskju um að
hann skuldaði fíkniefnasölum í
Hollandi háar fjárhæðir og ekki er
talið útilokað að þeir hafi einfald-
lega látið hann hafa mun minna af
fíkniefnum en til stóð og tekið
megnið af peningunum upp í
skuld.
Síðar í desember fór Valgeir aðra
ferð og fékk þá konu til að vera svo-
kallað burðardýr til að flytja inn 267
jrömm af amfetamíni en hún náð-
ist við komuna til landsins. Hluti
bess efnis var keypt í fyrstu ferðinni
og falið í Hollandi. Konan var
dæmd fýrir sinn þátt í málinu en af
skiljanlegum ástæðum hefur ekki
verið hægt að birta Valgeiri ákær-
una.
Þar sem Valgeir var kominn í
skuld við erlendu fíkniefnasalana
og skilaði ekki öllu því magni af
amfetamíni sem talað var um til
þeirra sem höfðu fjármagnað ferðir
hans var hann kominn í veruleg
vandræði. Á þessu ári fór hann svo
tvær ferðir enn til Hollands til að
bjarga málunum en ekki fengust
upplýsingar um hvort hann hafi
smyglað einhverjum fíkniefnum
með sér þá. Þegar ekki rættist úr
málunum er grunaði sagður hafa
hótað Valgeiri lífláti. Böndin hafa
því borist að honum við rannsókn
hvarfsins.
Hótaði Valgeiri lífláti
Grunaði reyndist hafa undir
höndum minnisbók Valgeirs, svo-
nefnt Filofax, og þegar hann skilaði
henni til föður hans vantaði nokkr-
ar blaðsíður í hana. Grunaði hefur
enga trúverðuga skýringu getað
gefið á því hvers vegna hann hafði
bókina undir höndum né heldur á
því hvers vegna blaðsíðurnar vant-
aði, eftir því sem næst verður kom-
ist. Þá er lögreglunni kunnugt um
að hann hafi hótað kunningjum
Valgeirs eftir hvarfið.
Fleiri atriði gera þennan mann
grunsamlegan. Þegar kunningjar
Valgeirs fóru að grennslast fyrir um
hann höfðu þeir meðal annars sam-
band við grunaða. Einn þeirra mun
hafa fengið það svar að „Valli
myndi aldrei finnast fremur en
Geirfinnur".
Lögreglumaður, sem rætt var
við, segir að grunaði hafi verið
mjög voldugur í fíkninefnaheimin-
um. Hann hafi haft mjög góð sam-
bönd í Hollandi og stjórnað inn-
flutningi á amfetamíni til landsins
um tíma. En hann hafi smám sam-
an misst tökin vegna þess hve
margar ferðir sem hann fjármagn-
aði og stjórnaði hafa farið út urn
þúfúr. Þessar misheppnuðu fýrir-
ætlanir um að flytja inn að minnsta
kosti eitt kíló af amfetamíni hafi átti
sinn þátt í því. Sú atburðarás var
flókin en það sem á undan er sagt er
það sem rannsóknin snýst fýrst og
fremst um, eftir því sem heimildir
innan lögreglunnar herma. Haft
var í hótunum við Valgeir og hann
sakaður um að hafa klúðrað málinu
og svikið þá sem lögðu fram fjár-
magn. Margir töpuðu peningum og
ásakanir nm svik voru gagnkvæm-
ar. í þeim deilum var ofbeldi beitt
oftar en einu sinni, samkvæmt
ábyggilegum heimildum. Góðvinur
þess grunaða flæktist inn í þær deil-
ur og er hann jafnframt einn af
þeim þremur sem helst hafa verið
undir smásjá lögreglunnar. Sagt er
að hann hafi verið barinn illa og
viljað hefna sin.
Það eru því ýmsar vísbendingar
sem gefa lögreglunni ástæðu til að
fýlgjast vel með grunaða. Enn sem
komið er hefur lögreglan þó ekki
getað sýnt fram á nógu sterkar líkur
til að geta farið fram á að hann
verði úrskurðaður í gæsluvarðhald.
Heimildarmenn í fíkniefnaheimin-
um segja að hann hafi að minnsta
kosti verið yfirheyrður fjórum
sinnum, nokkra klukkutíma í hvert
sinn.
Grunaði var á leiðinni til Austur-
landa til langdvalar í ágúst en frest-
aði ferðinni sem standa mun fýrir
dyrum innan skamms. Eftir því
sem næst verður komist hefur lög-
reglan þó ekkert í höndunum til að
koma í veg fyrir utanferðina með
farbanni.
Úr Valgeirs
fannst hjá þekktum
fíkniefnasala
Sá þriðji, sem er sérstaklega inni í
myndinni hjá RLR sem grunaður,
hefur í fórurn sínum armbandsúr
Valgeirs, uppstoppaðan rostungs-
haus og fleiri hluti. Hann hefur gef-
ið þær skýringar við yfirheyrslur að
honum hafi áskotnast þeir gegn
greiða við Valgeir. Lögreglunni hef-
ur ekki tekist að hrekja þann vitnis-
burð, eftir því sem næst verður
komist. Einn lögreglumaður segir
að hann hafi státað sig af því að
hafa fundið Valgeir látinn í Elliða-
árdalnum og látið líkið hverfa. Þá
er hann sagður hafa dreift þeirri
sögu að Björn Halldórsson, fyrr-
verandi yfirmaður fíkniefnadeild-
arinnar, hafi drepið Valgeir eftir að
hann hafi hótað konu Björns og
fjölskyldu. Hann hefur verið um-
svifamikill fíkniefnasali og lögregl-
an telur hann stefna að því að
stjórna sölu á amfetamíni í Reykja-
vík. Hann er sagður stórhættulegur
og svífast einskis til að ná mark-
miðum sínum. Þá sé hann óút-
reiknanlegur og fíkniefnlögregl-
unni hafi reynst erfitt að sanna um-
svif hans við fíkniefnasöluna.
Ástæðan er meðal annars sögð vera
sú að hann sé mjög séður og noti
öruggt sölukerfi sem sé síbreytilegt
nánast frá degi til dags.
Þótt þessi fíkniefnasali sé ekki sá
sem helst er grunaður er ekki búið
að útiloka aðild hans að hvarfi Val-
geirs.
Fleiri óvildar-
menn Valgeirs
ekki útilokaðir
Ekki er vitað hvort Valgeir og
fíkniefnasalinn áttu í útistöðum en
hann átti sér fleiri óvildarmenn.
Þekktur maður í fíkninefna-
heiminum, sem dæmdur hefúr ver-
ið fýrir manndráp, afhenti Valgeiri
töluvert magn af amfetamíni í því
skyni að fá hann til að selja það. Við
yfirheyrslur mun hafa komið fram
að Valgeir hafi drýgt það til helm-
inga og skilað því aftur; með öðrum
orðum stolið helmingnum. Þetta
komst upp og vakti Valgeir bæði
reiði þess sem hann á að hafa svikið
og eins kaupendur hans og sinna
eigin, því hann blandaði efnið
meira en fíkniefnaneytendur sætta
sig við. Framan af var þessi maður í
hópi þeirra grunuðu en hann hefur
að sögn, fjarvistarsönnun kvöldið
sem Valgeir hvarf.
Enn einn sem lögreglan hefur
fýlgst náið með tengist ekki beint
þeim mönnum sem helst eru grun-
aðir. En ferill hans er slíkur að
ástæða hefur þótt til að fylgjast með
honum. Lengi hafa gengið sögur
um að hann hafi drepið ákveðinn
mann fýrir nokkrum árum. Hann á
að hafa barið þann sem lést til
óbóta en ekki hafi tekist að sanna
að áverkarnir hafi leitt til dauða
mannsins. Þá ganga sögur um að
hann hafi fleiri mannslíf á samvisk-
unni, meðal annars gefið sprautu-
fíkli dauðaskammt af eiturlýfjum af
ásettu ráði og komist upp með það.
Sambýlingar Valgeirs, karl og
kona, lágu framan af undir grun
vegna þess að þau voru staðin að
því að segja lögreglunni ekki satt
frá. Nú mun hins vegar vera búið
að útiloka aðild þeirra.
Ein kenningin er á þá leið að er-
lendu fíkniefnasalarnir, sem Val-
geir skuldaði peninga, hafi gert
mann út af örkinni en heimildar-
maður innan lögreglunnar segir að
það hafi verið kannað og ekkert
hafi komið út úr því. Til dæmis hafi
ekki orðið vart grunsamlegra ferða
manna hingað til lands. Enn hefur
þessi möguleiki ekki alveg verð úti-
íokaður en þykir langsóttur.
Líksins leitað
í Krýsuvík
Frétt MORGUNPÓSTSINS á
mánudaginn um að RLR hafi leitað
líks Valgeirs á Esjubergssvæðinu er
rétt. Heimildir þar um eru mjög
traustar og ástæðulaust að rengja.
Nú hefur leitin hins vegar færst yfir
í Krýsuvík, samkvæmt sömu heim-
ildarmönnum. Um síðustu helgi á
að hafa farið fram umfangsmikil
leit þar, auk þess sem leitað hafi
verið í og við Kleifarvatn og fleiri
vötn í nágrenninu.
Lögreglunni hefur verð greint frá
því að sá, sem helst er grunaður,
hafi talað um að besta leiðin til að
losa sig við lík væri að sökkva því í
Kleifarvatn með því að festa steina
við fæturna og stinga gat á magann
til að koma í veg fyrir gasmyndun
þannig að það fljóti ekki upp á yfir-
borðið. Þetta hefúr MORGUNPÓST-
URINN meðal annars eftir heimild-
um í fíkniefnaheiminum.
Þá hefur blaðið staðfestar heim-
ildir fyrir því að hafnir á Reykjavík-
urvíkursvæðinu hafi verið slæddar
en sporhundar röktu slóð Valgeirs
að hafnarbakkanum í Sundahöfn.
Það var hins vegar ekki fýrr en
þremur vikum eftir hvarfið og talið
hæpið að hægt sé að rekja svo
gamla slóð.
Rannsóknarlögreglan
segist ekki
vera neinu nær
Allt það sem sagt hefur verið hér
á undan fékkst staðfest hjá heimild-
armönnum innan lögreglunnar
nema annars sé sérstaklega getið.
Blaðið hefur enga ástæðu til að
rengja orð þeirra. Heimildirnar
koma úr ýmsum áttum en í öllum
tilvikum frá fleiri en einum aðila
sem þekkja vel til gangs mála.
Hörður Jóhannesson, yfirlög-
regluþjónn hjá Rannsóknarlög-
reglu ríkisins, kallaði hins vegar
frétt MORGUNPÓSTSINS á
mánudaginn „makalausa" í samtali
við blaðið í gær. Og samkvæmt
venju RLR neitaði hann að stað-
festa það sem borið var undir hann.
Hann sagði RLR ekki hafa kallað
neinn til yfirheyrslu vegna málsins,
einungis hafi verið talað óformlega
við marga og engin leit hafi farið
fram, hvorki á Esjubergssvæðinu né
í Krýsuvík. Þá fullyrti hann að eng-
inn væri grunaður um að hafa myrt
Valgeir og ekki væri sérstaklega
fylgst með neinum. Rannsóknar-
lögreglan stæði ráðþrota og engin
lausn væri annarri líklegri.
í ljósi þessa er rétt að ítreka að
MORGUNPÓSTURINN hefur enga
ástæðu til að rengja heimildarmenn
sína við vinnslu fréttarinnar. ■