Helgarpósturinn - 15.12.1994, Blaðsíða 33
FIMMTUDAGUR 15. DESEMBER 1994
MORGUNPÓSTURINN FÓLK
33
Hljómsveitin
Slowblow
sendir frá sér
geisladisk
Hljómsveitin Slowblow, sem
samanstendur af Orra Jónssyni og
Degi Kára Péturssyni, hefur verið
starfandi í tvö ár og er núna að
senda frá sér geisladisk sem þeir gefa
út sjálfir. Dagur leit við á ritstjórn
MORGUNPÓSTSINS með afurð-
ina, Quicksilver Tuna, og svaraði
nokkrum spurningum.
Hvers konar tónlist erþetta?
„Mér hefur alltaf reynst erfitt að
útskýra tónmál í talmáli, enda óbrú-
anlegt bil þar á milli. Eftir á að
hyggja held ég þó að þessi plata sé
nokkurs konar spítali, öll lögin eru
einhvern veginn lasin. Mismunandi
mikið þó: sum bara með smáskeinu,
önnur þurfa kannski hækju og einn-
ig eru þarna lög sem þyrfti að keyra
beinustu leið á gjörgæslu. Til að
forðast misskilning verður samt að
koma fram að þessi veikindi laganna
eru engan veginn óvænt uppákoma,
heldur algerlega fyrirfram hönnuð
útkoma."
Slowblow? Hvers konar nafn er
þetta eiginlega?
„Það er ekki komið til af góðu.
Við vorum búnir að fullgera plöt-
una okkar og ekkert vantaði upp á
nema nafhið. í einhverri panik snéri
ég við bassamagnara og á bakhlið-
inni stóð þetta orð: Slowblow. Þetta
er eitthvert rafeindafræðilegt hug-
tak, en við hrifumst að andstæðun-
um og simmitríunni í því: Slow þýð-
ir jú „hægt“ og blow getur þýtt
„sprenging“: Hæg-sprenging.“
Af hverju er þetta orðið svona al-
gengt að íslenskar hljómsveitir beri er-
lend heiti?
„1 okkar tilfelli er um alþjóðlega
starfsemi að ræða, við leitumst við
að koma undir okkur fótunum
beggja vegna hafsins. Nú, íslending-
ar skilja ensku en sjaldgæfara að
Ameríkanar skilji Islensku.”
Þegar talið berst að hljóðfæra-
slætti segir Dagur að þeir notist ekki
við neinar tölvur heldur hefðbundin
hljóðfæri og spili á þau sjálfir. Varð-
andi kostnað við plötuna segist Dag-
ur vona að heilbrigðiskerfið standi
straum af honum.
En á að fylgja plötunni eftir með
tónleikahaldi?
„Það háir talsvert daglegum
rekstri dúettsins að Atiantshafið
skilur meðlimina að, og okkur hefur
ekki enn tekist að ráða fram úr því í
sambandi við tónleikahald. Það er
vissulega óheppilegt.“ JBG
MYND: ALDA LÓA
Dagur Kári — atinar helmingur dúettsins Slowblow. Hinn helm-
ingurinn, Orri Jónsson, er búsettur í New York.
Gott úr er góð gjöf
Eitt besta úrval landsins af vönduðum úrum frá Sviss, Frakklandi og Japan. Bjóð-
um upp á mekanisk úr, bæði sjálftrekkt og handtrekkt, svo og Quartz rafhlöðuúr.
Meðal margra tegunda eru; frá Sviss: Rolex, Movado, Oris, Olma, Silvana, Gro-
vana, Continental, Pierpont, Tissot, Edox, Pierre Balmain; frá Frakklandi: Jaz,
Yema; frá Japan: Seiko, Citizen, Orient, Pulsar, Casio, Adec, QQ.
Hringið og leitið upplýsinga
Póstsendum
FRANCH MICHELSEN
ÚRSMlÐAMEISTARI
LAUCAVECUR 15 ■ SÍMI: 91-28555 ■ REYIOAVÍK
Skartgripir í úrvali
Silfurhringar frá kr. 1.000,
Silfurmen frá kr. 1.300,-
Silfurlokkar frá kr. 400,-
Silfurarmbönd frá kr. 400,
Silfurkeðjur frá kr. 600,-
Gullhringar frá kr. 3.500,-
Gullmen frá kr. 3.500,-
Gulllokkar frá kr. 550,-
Gullarmbönd frá kr. 500,-
Gullkeöjur frá kr. 1.100,-
Perlufestar frá kr. 5.200,-
Perluarmbönd frá kr. 3.600,-
Perlulokkar frá kr. 1.850,-
Perlumen frá kr. 3.500,-
Flora Danica skartgripir, Classic Collection í úrvali, nælur, prjónar,
men, stór og lítil, lokkar, armbönd og hringar.
Hringið og leitið upplýsinga
Póstsendum
FRANCH MICHELSEN
ÚRSMÍÐAMEISTARI
LAUCAVECUR 15 ■ SÍMh 91-28555 ■ REYKIAVlK
Gjalddögum fjölgar
úr 4 f 12
Leið til að jafna greiðslubyrðina
Húsnæðismálastjórn hefur samþykkt neðangreindar
breytingar á gjalddögum húsnæðislána og húsbréfalána
frá Húsnæðisstofnun ríkisins:
B Gjalddagar á nýjum fasteignaveðbréfum húsbréfadeildar
verða 15. dag hvers mánaðar frá ogmeð 1. janúar 1995.
B Frá og með gjalddaganum 1. febrúar 1995 verður
greiðendum lána, sem útborguð hafa verið úr
Byggingarsjóði ríkisins frá ogmeð 1. september 1986,
gefinn kostur á mánaðarlegum afborgunum.
Fyrsti gjalddagi eftir breytingu verður 1. mars 1995.
B Hið sama gildir um verðtryggð lán, sem útborguð
hafa verið úr Byggingarsjóði verkamanna frá og með
1. júlí 1980.
B Frá ogmeð gjalddaganum 15. mars 1995 verður öllum
greiðendum afborgana af fasteignaveðbréfum í eigu
Byggingarsjóðs ríkisins, húsbréfadeildar, gefinn kostur á
mánaðarlegum afborgunum. Fyrsti gjalddagi eftir
breytingu verður 15. apríl 1995.
Greiðendur eru um þessar mundir að fá tilkynningu
um fjölgun gjalddaga ásamt eyðublaði þar sem þeir geta farið
fram á fjölgun gjalddaga úr 4 á ári í 12.
HUSNÆÐISSTOFNUN RÍKISINS
HÚSBRÉFADEILD • SUÐURLANDSBRAUT 24 • 108 REYKJAVÍK • SlMI 69 69 00
OPIÐ K'L. 8-16 VIRKA DAGA