Helgarpósturinn - 22.02.1996, Blaðsíða 12

12
FlMIVmJDAGUR 22. FEBRÚAR1996
Irheyrsla
• I janúar þreyttu 133
stúdentar próf í almennri
lögfræöi á fyrsta ári. Af
þeim féllu 121 eöa 91%
nemenda. Helgarpóstur-
inn setti sig í samband viö
Jónas Þór Guömundsson
hjá kennslusviði lagadeild-
ar Háskóla Islands og
spurði hvernig stæöi á
þessu gífurlega falli.
„Nemendur sem
ráða ekki við
námsefnið geta
leitað til náms-
ráðgjafa“
„Fallið í lagadeild hefur verið
mjög mikið undanfarin ár og
rokkað allt frá sjötíu og fimm
prósentum upp í níutíu pró-
sent. Að þessu sinni fer það
yfir nfutíu prósentin. Ástæð-
urnar fyrir þessu mikla falli
geta verið fjölmargar. Þetta
námskeið er og hefur alltaf
verið erfitt og hátt fail í laga-
deild er í sjálfu sér engin ný-
lunda. Nemendur hafa til-
tölulega stuttan tíma til að
fara yfir mikið námsefni og
eru misjafnlega undirbúnir.
Kennslan getur vissulega
haft einhver áhrif og við get-
um ekki vitað með vissu
hversu vel tekst þar til. Fjöl-
margir aðrir þættir geta líka
spilað þarna inn í. í lagadeiid
þarf háa einkunn til að kom-
ast í gegn. Nemendur þurfa
að fá sjö, en í flestum öðrum
deildum er nóg að fá fimm.“
Nú voru fleiri spumingar á
þessu prófi en oftast áður.
Var prófið ekki bara erfið-
ara en vanalega?
„Ég skal nú ekki segja hvort
fjöldi spurninga kom nem-
endum á óvart. Menn vildu
einfaldlega prófa sem víðast
úr námsefninu.“
Af hveiju eru svona miklu
strangari kröfur gerðar í
lagadeild en öðmm deild-
um Háskóians?
„Ég get í raun ekki svarað því
öðruvísi en að hér eru gerð-
ar ákveðnar kröfur sem
menn telja eðlilegar. Ég get
ekki svarað fyrir kröfur í öðr-
um deildum."
Em kröfuraar í deildinni
ekki orðnar ómennskar þeg-
ar 91 prósent nemenda feli-
ur?
„Nei, við teljum þær ekki
vera orðnar ómennskar og
höfum ekki haft neinar sér-
stakar áhyggjur af nemend-
um. Ef nemendur ráða ekki
við námsefnið geta þeir leit-
að til námsráðgjafa. Við get-
um ekki hjálpað þeim á ann-
an hátt.“
Hvaða aðra möguleika hafa
nemendur en að sitja nám-
skeiðið aftur?
„Nemendur geta náttúrulega
tekið haustpróf. Almenna
lögfræðin var lengi vel heils-
ársnámskeið, en samkvæmt
óskum stúdenta var prófið
fært fram í janúar, þó svo
umfang námskeiðsins hafi
ekki minnkað. Þetta var gert
því stúdentar vildu hafa
tækifæri til að skipta yfir í
aðrar námsgreinar ef þeir
féllu á prófinu." -ebe
í skammdeginu oma sólþyrstir íslendingar sér við lestur sumarbæklinga
ferðaskrifstofanna, sem bjóða upp á sumar og sól í fjarlægum löndum
íslendingum til handa. Til að átta sig betur
á hvað er í boði hafði Eiríkur Bergmann
Einarsson samband við Auði Björnsdóttur,
sölustjóra hjá Samvinnuferðum-Landsýn.
„Heims-
borgarar“
fara enn til
Benidorm
Pölum og sólþyrstum íslendingum
standa nú fleri utanlandsferðir til
boða og á betra verði en nokkru sinni
fyrr. Hörð samkeppni er á ferðamarkað-
inum og sagt að það geti kornið niður á
öryggiskröfum. Aukin útrás íslendinga á
erlenda grund hefur gert þá að meiri
heimsborgurum en áður þekktist en
hvaða ferðir skyldu vera vinsælastar?
„Spánn er tvímælalaust heitasti stað-
urinn í ár. Ferðir þangað slá nú öll met.
Eyjurnar Ibiza og Mallorca eru mjög vin-
sælar og unga fólkið fer til Benidorm,
sem er aðaldjammstaðurinn. Einnig eru
sumarhúsin á meginlandi Evrópu mjög
vinsæl meðal fjölskyldufólks. Þar eru
heilu garðarnir þar sem fólk hefur allt til
alls. Yfirleitt er einhver miðbæjarkjarni í
þessum görðum með verslunarmið-
stöðvum, líkamsræktarstöðvum, veit-
ingahúsum, diskótekum, sundlaugum,
íþróttaaðstöðu og þess háttar. Einnig er
Flórída að sækja mjög í sig veðrið.
Þetta eru nú ekki beint frumlegar
ferðir
„Þetta eru nú samt þær ferðir sem
flestir sækja í, en ýmiskonar ævintýra-
ferðir eru þó í sókn. Til dæmis bjóðum
við upp á siglingar um Karíbahafið. Þá er
yfirleitt dvalið í nokkra daga í Flórída og
síðan farið í vikusiglingu um Karíbahaf-
ið. í siglingunni er allt fæði innifalið og
boðið upp á skemmtun frá morgni til
kvölds. Þessar ferðir hafa lækkað mikið í
verði og kosta í ár 119.800 krónur. í raun
má segja að utanlandsferðir í heild hafi
lækkað gríðarlega á undanförnum árum
og þær halda sennilega áfram að lækka
með aukinni samkeppni. Einnig bjóðum
við upp á ódýrari ferðir sem fólk getur í
raun hannað sjálft. Þá er flogið til Lond-
on og farið með erlendum ferðaskrifstof-
um áfram hvert sem hugurinn girnist. Til
dæmis eru grísku eyjarnar vinsæll
áfangastaður í þessum ferðum."
Hafa ferðalög landans ekki breyst
mikið á undanförnum árum?
„íslendingar eru farnir að ferðast
miklu meira en áður og orðnir sjálfstæð-
ari ferðalangar, — í raun meiri heims-
borgarar. Einnig er tungumálakunnátta
landans orðin betri en áður og íslenskir
ferðamenn því orðnir öruggari með sig
og treysta sér betur til að takast á við
meiri ævintýraferðir. Fyrir rúmum ára-
tug voru miklar hömlur á ferðum. Það
var mikill gjaldeyrisskortur í landinu og
ferðaskrifstofurnar þurftu að sækja um
gjaldeyri fyrir fólkið og var það þröngt
skammtað. Við þurftum því að gefa út
matarmiða til fólks og alls konar flækjur
voru í gangi. Þessi tími heyrir sem betur
fer sögunni til. Fólk vill prófa nýja staði
og sækir sífellt lengra. Sólarlandaferðir
eru í raun orðnar árviss viðburður hjá ís-
lendingum og er jafnvel farið að bæta
við stuttri ferð að hausti. Með aukinni
eftirspurn er einnig hægt að lækka
verð.“
Kemur þessi lœkkun ekki niður á
ferðaöryggi eins og mikið hefur verið
í fréttum undanfarið?
„Nei, það er ekki rétt. Flugfargjöld í
heiminum hafa lækkað, enda er heimur-
inn sífellt að minnka vegna aukinna
tækniframfara. Til dæmis voru ferðir til
Asíu og fjarlægari staða aðeins á færi
sterkefnaðs fólks hér fyrir nokkrum ár-
um en nú getur nánast hver sem er
skroppið í heimsreisu án þess að fara á
hausinn. Ferðamannaiðnaðurinn í heim-
inum hefur aukist mjög mikið og því hef-
ur verðið lækkað með auknu framboði.
Samkeppnin á einnig eftir að aukast þeg-
ar flugsamgöngur verða gefnar frjálsar
um næstu áramót innan Evrópu. Sam-
keppnin í bransanum er orðin mjög hörð
og leiðir bara til betri þjónustu og verðs
fyrir viðskiptavininn. Menn þurfa sífellt
að hafa augun opin fyrir nýjum tilboð-
um.“
Nú beið fólk fyrir utan skrifstofuna
hjá ykkur í einn og hálfan sólarhring til
að fá ódýrar ferðir. Erað þið ekki að
hafa fólk að fíflum með þessu?
„Við lítum nú ekki svo á. Fólki er full-
Mynd: Jim Smart
komlega í sjálfsvald sett hvort það tekur
þátt í þessu og hópurinn sem var hér fyr-
ir utan var vel klæddur og græjaður fyrir
dvölina. Starfsfólk okkar sá líka til þess
að fólkið fengi kaffi og kökur yfir daginn.
Þegar salan hófst voru allir í góðu skapi
og fólki fannst þetta bara skemmtileg
upplifun. Rétt er að taka það fram að all-
ir í röðinni fengu ferðir. Það fór sem bet-
ur fer enginn tómhentur frá okkur.“
Ferðaskrifstofur bjóða oft upp á
fyrirfram ákveðnar skipulagðar ferð-
ir, sem oft á tíðum eru ekki mjög dýr-
ar, en hvað myndi kosta fyrir mig að
skreppa í tvœr vikur til Vung Tau í Ví-
etnam frá 15. ágúst til 29. ágúst og
gista þar á þriggja stjörnu hóteli?
„Ágúst er heitasti árstíminn í Víetnam
og þá er einnig regntímabilið, þannig að
betra er að fara þangað í nóvember eða
desember. Víetnam er nú að opnast fyrir
ferðamönnum og lítið af hótelum í Vung
Tau, þannig að betra væri að fara til Saig-
on eða Ho Chi Minh-borgar, sem er þar
rétt hjá. Vegna þess hve ferðamannaiðn-
aðurinn er nýr í Víetnam er ráðlegast að
gista á fyrsta flokks hóteli. Með sköttum
kostar slík ferð í tvær vikur fyrir mann-
inn í tveggja manna herbergi 173.880
krónur. Einnig þarf að fá vegabréfsáritun
og fólk þarf að fara í bólusetningu áður
en það fer þangað.“
Nirvana í Vesturbænum..

Islendingar eru örugglega ein happ-
drættis- og spilafíknasta þjóð verald-
ar. Væntaniega er það að hluta tilkomið
vegna strangra boða og banna sem
snerta slíkt athæfi. Svona svipað og sú
staðreynd, að fáar þjóðir taka okkur
fram í svaðalegri áfengisneyslu sem
hotthottuð er áfram af ruddalegri for-
sjárhyggju góðtemplara. Öfgakennt og
árstíðabundið sveifluskap landans bæt-
ir svo gráu ofan á svart. Allt hér á klak-
anum er gert með inngjöfina í botni. Ég
hef til dæmis aldrei kynnst öðru eins
brjálæði og viðgengst beint fyrir neðan
íbúð mína á horni Sólvalla og Hofsvalla.
Þar er nefnilega staðsett frægasta lottó-
sjoppa landsins, en hún gat sér þegar
við upphaf lottógeggjunarinnar gott
orð fyrir óvenjuhátt vinningshlutfall. Á
stundum virðist sem hálf þjóðin (fíkin í
eðli sínu og hjátrúarfull í ofanálag) hafi
tekið ástfóstri við þetta tiltekna heimil-
isfang. Ég þori að veðja, að lottun póst-
leiðis og heimasíða á Netinu er ofarlega
á dagskrá.
Eiginkona mín er góðu heilli mann-
fræðimenntuð og því höfum við getað
brugðið yfir okkur gervi faglegra vís-
indamanna á vettvangi þar sem við höf-
um pískrandi svalað innbyggðri þorps-
hnýsni um náungann og kannað í þaula
lottósjoppuna, umgjörð hennar og við-
skiptavini. í því skyni förum við að
minnsta kosti tvisvar á sólarhring niður
og kaupum okkur bland í poka fyrir tvö-
hundruðkall og nýtum tækifærið með-
an slikkeríið silast ofaní pokann — og
rannsökum. Seinna ætlum við að sækja
um styrk til strákanna hjá Stofnun Sig-
urðar Nordal. Eða skrifa eldjárnska
smásögu í TMM.
Það skal tekið fram, að sjoppan er
agnarsmá á íslenskan mælikvarða og
stendur við mikla umferðargötu ánþess
að hafa svokallaða drævinn-lúgu og get-
ur ekki boðið uppá nein bílastæði. Samt
er hún nánast troðfull út úr dyrum frá
morgni til miðnættis, allan ársins hring.
Það stöðvar ekkert fíkla í vígahug. Þétt
við hlið lottósjoppunnar er síðan ljóm-
andi fín myndbandaleiga (ímyndið ykk-
ur freistinguna) og er innangengt fyrir
viðskiptavini. Plássið fyrir sjoppugesti
er þrjú skref á kant og gólfið rúmar á
einhvern undraverðan hátt tuttugu til
þrjátíu manns í einu. (Engu að síður eru
tveir spilakassar og eitt lottó/tipp-stafíf
þarna inni og fer skítsæmilega um.)
Komist kúnnar ekki að í hvelli hinkra
þeir tvístígandi fyrir utan eða bíða á
leigunni. Pottþétt viðskiptavild þar í
gangi.
Afgreiðslufólk sjoppunnar er ótrú-
lega stimamjúkt og ágætt — en þó ör-
snöggt í svifum og líkist á köflum helst
tryllingslegum verðbréfabröskurum á
gólfum kauphalla heimsins; kúnnarnir
hrúgast jú og hrúgast inn. Einhvern
veginn bjargaði það mánuðinum um
daginn þegar afgreiðslukona gaf sér
smástund frá erlinum og smælaði til
mín í nammibiðstöðu. Eg hef, skilst
mér, varla rétt til slíkra vinahóta enn
sem komið er, því ég hef einungis búið
þarna í eitt ár.
Um helgar fylgjumst við með spari-
klæddu fólki í límósínum og leiguvögn-
„Landsþekktur handknatt-
leikskappi, alræmdur fyrir
hörku, járnagað skap og
grimmilega tilburði, kúrði sig ,
makindalega á sjopputröppun-
um með eiginkonu sinni. í
kjöltu þeirra hvíldi bunki með
að minnsta kosti fimmtíu skaf-
miðum og silfurspænir laum-
aðist á braut í golunni. Þetta
var toppurinn á tilverunni...
Augljóslega hárómantísk
um staldra þarna við um stund til að
lotta, tippa og skafa áður en haldið er á
vit Holtsins, Perlunnar eða Sögu. Aug-
ljósar landsbyggðarbifreiðir mæta
gjarnan með moldarkrapið umleikis og
úthverfamýsnar síður en svo óalgeng-
ar. Fólk finnur sér nú slakara tilefni en
von á milljón til Vesturbæjarheimsókn-
ar. Bara fyrir viku upplifðum við hjóna-
kornin furðusýn: Landsþekktur hand-
knattleikskappi, alræmdur fyrir hörku,
járnagað skap og grimmilega tilburði,
kúrði sig makindalega á sjopputröpp-
unum með eiginkonu sinni. í kjöltu
þeirra hvíldi bunki með að minnsta
kosti fimmtíu skafmiðum og silfurspæn-
ir laumaðist á braut í golunni. Þau voru
gjörsamlega óvitandi af því sem gerðist
í kring. Þetta var toppurinn á tilver-
unni. Hápunktur helgarinnar. Augljós-
lega hárómantísk stund. Þau fundu sitt
nirvana í Vesturbænum...
Ég skal síðastur manna lasta lottó-
sjoppuna fínu, því góða og heiðarlega
viðskiptahætti ber þvert á móti að lofa.
Fráleitt er það eigendunum að kenna,
að íslendingar eru breyskastir þjóða og
fíknir í hverskonar fix til að glæta upp
skammdegið.
En þetta er náttúrlega bilun...