Vísir - 27.09.1969, Blaðsíða 9
¥ ISIR . Laugardagur 27. september 1969.
mmm
□ Ánægjulegur
rigningardagur
Ég var á gangi hérna um mið-
bæinn einn rigningardaginn,
blautur og kaldur. Ég var ekkert
sérstaklega sáttur við veður-
guðina né lífið í heild, þegar
ég skyndilega heyrði þessa in-
dælu fiöluhljómlist. Að vísu
stóð ég í þeirri trú, að ég væri
að ganga fram hjá rakarastofu,
ekki hljómleikasal. En það var
ekki um að villast, þarna stóö
rakarameistarinn sjálfur, hvítur
eins og engill í sloppnum sín-
um og lék á fiölu. Ég fann sárt
til framkvæmdasemi minnar
daginn áður, þá hafði ég nefni-
!ega látið burstaklippa mig. —
Er ekki annars skemmtilegt til
þess aö vita, að á íslandi eru til
menn, sem jafnt hugsa um aö
fegra innra sem ytra útlit
manna?
Burstaklipptur.
□ Hárlagning gerir
mig þyrsta
Ég er ein af mörgum, sem oft
fer á hárlagningastofu. Þegarjj
setið er í þurrkunni vill gjarnan í
sækja á mann þorsti, þar sem
hitinn er mikill, til að hárið
þorni fljótar. Mér hefur því oft
dottið í hug, hversu huggulegt
það væri aö geta keypt sér
svaladrykk á staðnum. Að vísu
hef ég aldrei kynnzt öðru en
lipurð af hárgreiðslunemum í
þessu sambandi og eru þær ó-
latar að hlaupa í næstu búð eft-
ir hressingu handa þyrstum við-
skiptavinum. En ef hressingin
væri til sölu á staðnum mundi
það spara þeim mikil hlaup.
Ung kona.
□ Eru almannavarnir
sofandi?
Nú er loks verið að steypa
grunninn að nýja stúdentagarð-
inum. Þannig háttar til, að und-
ir húsiö verður að steypa djúpan
sökkul. Þennan sökkul ætla
þeir síðan að fylla upp, þannig
að enginn „kjallari“ veröi undir
húsinu. Mér fannst nú tilvalið
að hafa þennan sökkul „holan“,
þ. e. aö segja fylla hann ekki
upp og væri þá komið þarna
fyrirtaks skýli gegn geisla-
virkni. Ég er reyndar alveg
hissa á, að Almannavarnir
skyldu ekki athuga þennan
möguleika, sem virðist liggja I
augum uppi.
Ógeislavirkur.
HRINGIÐ 1
SÍMA1-16-60
KL13-15
Tveir skákmeistarar
heimsmeistarakeppni
— Viðtol við Friðrik Ólafsson og Guðmund Sigurjónsson
Friðrik Ólafsson.
JC'g fer utan á sunnudaginn,
segir Friðrik Ólafsson, stór
meistari. Mótið verður I Aþenu
og byrjar 1. október og stendur
í mánuð. Keppendur eru tutt-
ugu og einn.
— Hvaöa kempur eru þar
fremstar í flokki?
— Ég veit um stórmeistarana
Hort frá Tékkóslavakíu og Matu
Ioric frá Júgóslavíu. Ef til vill
verða fleiri. Kerfið er þannig,
að frá sumum löndum fara lands
meistararnir á mitt svæðamót
og stórmeistarar, sem ekki hafa
verið landsmeistarar í ár, fara
á mótið, sem Guðmundur tek-
ur þátt I. I öörum löndum er
þessu öfugt farið.
Til dæmis verður í Aþenu Búl
garinn. Spiridov og Forintos frá
Ungverjalandi. Þessir menn eru
ekki stórmeistarar, en hins veg-
ar meistarar landa sinna -1 ár.
Hafa þeir þá verið fyrir ofan
stórmeistara í keppni um lands
meistaratitilinn.
Þama verður líka Norður-
landameistarinn, Daninn Jakob-
sen. Ekki veit ég enn, hverjir
verða þátttakendur frá sumum
Norðurlandanna á svæðamótinu.
— Frá hvaða löndum eru
keppendurnir?
— Þeir skiptast þannig: 1 Al-
bani, 1 Búlgari, 1 Austurríkis-
maöur, 2 Tékkar, 1 frá Austur-
Þýzkalandi, 1 frá Vestur-Þýzka-
landi, 1 frá Danmörku, 1 Eng-
lendingur, 2 Ungverjar, 2 Grikk
ir, 1 Pólverji, 1 Hollendingur, 1
íslendingur, 1 Rúmeni, 2 Júgó-
slavar, 1 Tyrki og 1 Svisslend
ingur. — Svo aö umferðimar
veröa tuttugu.
— Hvað fara margir upp í
millisvæðamótið?
— Þrlr efstu fara úr þessu
móti. Yfirleitt eru 22—23 kepp-
endur I millisvæðamótunum, og
þaðan fara sex upp og tefla um,
hver heyja skuli einvígiö við
heimsmeistarann, Spassky.
Larsen fer beint I millisvæöa
mótið og þarf ekki að keppa á
svæöamótunum, vegna góðrar
frammistöðu hans síðast.
— Og hvernig eru horfumar,
Friðrik?
— Það má kannski segja, að
þetta líti illa út. Ég reyni auð-
vitað að gera mitt bezta. Þetta
er mikið „puð“, og reynir á út-
haldið I svo löngu og ströngu
móti.
Ég hef verið I leyfi til þess að
beina huganum að þessu nýja
verkefni.
„Nógu sterkt
fyrir meist-
aiatiliJ*'
— segir Guðmundur Sigurjónsson
uðmundur Sigurjónsson seg-
ist fara utan annan október.
Mótið er frá 4. október til 5.
nóvember I Austurríki, rétt
sunnan við Vín. Keppendur eru
22.
Einhver býsn af stórmeistur-
um?
— Það eru sjö stórmeistarar
og fjórir, sem ég held að hafi
alþjóölegan meistaratitil og 10
eða 11 ekki með titla.
— Hverjir eru frægastir?
-i- Þarna verður stórmeist-
arinn Portisch, Ungverjalandi,
sennilega þekktastur og beztur.
Frá Júgóslavíu em Ivkov og
Matanovic, Georgiju frá Rúm-
eníu. Hinn frægi Filip frá Tékkó
slóvakíu. Barscky frá Ungverja
landi og Uhlmann frá Austur-
Þýzkalandi. Þetta em allt stór-
meistarar.
Hinir eru flestir ungir menn,
sem eru á uppleið.
— Þetta er nógu sterkt mót
fyrir þig til að fá seinni helm-
inginn af alþjóðlegum meistara-
titli.
— Já, það nægir. Ég veit ekki
alveg, hversu marga vinninga
ég þyrfti að fá til þess að
hreppa titilinn, því aö reglurnar
eru mjög flóknar á þessum mót-
um.
— Hvaða Noröurlandabúar
verða þarna?
— Ég veit ekki hvaða skák-
menn verða frá Norðurlöndun-
um, en þarna veröa tveir Svíar,
tveir Finnar og einn Norðmaður
og ég.
— Hvað komast margir upp
I millisvæðamótið?
— Þrír efstu fara áfram í
millisvæðamótið, sex komast
þaöan að viðbættum Petrosjan
og Korstnoj frá Sovétríkjunum
I úrslitakeppnina.
Já, þetta á sér langan aðdrag-
anda og þessi fyrsti hluti heims-
meistarakeppninnar er rétt að
byrja. Líklegt er, að ísland verði
sem fyrr stolt af skákmeistur-
um sínum á alþjóðlegum vett-
vangi.
Guðmundur Sigurjónsson.
>_\ȃ
9
msm-
Haldið þér, að sýningar
á glæpamyndum í sjón-
varpinu örvi fólk til af-
brota?
Sigurður Haukur Guðjónsson,
sóknarprestur:
„Þær geta bæði orðið sem
viðvörun og æst líka.“
Eiríkur Guðjón Ragnarsson,
skrifstofumaður:
„Já, ég held það, og þá sér-
staklega ungt fólk.“
Sigrún Eyjólfsdóttir,
bankastarfsmær:
„Ég álít það. Sérstaklega
fólk, sem hefur einhverjar slík-
ar hneigðir.“
Eyjólfur Brynjólfsson,
verkamaður:
„Ég býst frekar við því, að
slíkt hafi örvandi áhrif.“
Ásta ísberg,
skrifstofumær:
„Ég horfi bara alls ekki á
svoleiöis myndir. Ég hreint og
beint bara nenni þvi ekki.“
Þórdís Jónsdóttir,
skrifstofumær:
„Það hlýtur að vera mismun-
andi. Ég gæti trúað, að það
hefði örvandi áhrif á fólk, sem
þegar hefði ákveðið að fremja
glæp.“