Vísir - 19.04.1972, Blaðsíða 3

VÍSIR. Miðvikudagur 19. april 1972.
3
Sigmar fer ekki með
Sigtún í Skeifuna 6
Margur unglingurinn hefur
sennilega bundið nokkrar vonir
við þann skemmtistað, sem sagt
var frá i fréttum, að Sigmar i
Sigtúni hyggðist koma á fót i
Skeifunni 6. Þær vonir hafa nú
orðið að engu og sami húsnæðis-
skorturinn blasir við poppurum.
„Það má vera, að einhver fótur
kunni að hafa verið fyrir þeim
fréttum, að ég væri að ráðast I
að innrétta skemmtistað þarna i
Skeifunni, en ég er alla vega
ekki á þeim buxunum núna,”
sagði Sigmar i viðtali við Visi I
morgun.
■ Og þegar Visir hafði samband
við eigendur prjónastofunnar,
sem á hæðina i Skeifunni 6, var
þau svör að fá, að það hafi aldr-
ei staðið til, að skemmtistaður
yrði innréttaður þar á hæðinni.
„Við ætlum að flytja þangað
prjónastofuna innan skamms,”
bættu þeir eigendur við.
En það breytir engu um það,
að Sigmar verður að yfirgefa
Sigtúnið sitt við Austurvöll um
næstu áramót. Hvert ætlar hann
þá með það fokdýra diskótek,
sem hann setti upp i Sigtúni fyr-
ir siðustu páska?
„Það get ég ekkert sagt um,”
svaraði hann. „Ég er hættur að
hugsa svo langt fram i timann.
Læt bara hverjum degi nægja
sina þjáningu” — ÞJM

##
Ósköp venjuleg dimission
seqir rektor — „ungt og leikur sér,#, segir lögreglan
##
„Þetta fór allt fram i vinsemd
og var vel skipulagt hjá mennta-
skólanemunum I gær,” sagði
Óskar ólason, yfirlögregluþjónn,
„við urðum reyndar að stöðva
dráttarvélaaksturinn um bæinn,
en það var bara vegna tveggja
óhappa sem urðu. Stúlka stökk
niður úr heyvagni og lenti á
jeppabil. Að öðru leyti fór þetta
vcl fram. Nemendurnir voru
kurteisir og komu vel fram við
lögregluna. Fólk má nú ekki gera
of mikið úr þvi, þótt
mennttingarnir sletti svolitið úr
klaufunum með ærslalátum.
Þetta er ungt og leikur sér”.
Og Guðni Guðmundsson, rektor
Menntaskólans i Reykjavik, tók
mjög i sama streng og Óskar:
,, Þetta var ósköp venjuleg
dimissjón núna. Svona eins og
þær eru farnar að gerast. Hreint
ekki til sóma, og kannski ekki sú
bezta sem verið hefur, en heldur
ekki neitt voðaleg. Menn verða
lika að gæta að þvi að þetta var
stærsti hópurinn sem við höfum
þannig hleypt út — yfir 300
manns. Ég hef ekkert heyrt um
nein óhöpp hjá þeim, nema þetta
með stúlkuna. Og ég held að hún
hafi ekki verið i sjötta bekk, held-
ur aðvifandi þarna.”
—GG
Smuga í aukastarf opnuð
— fyrir prófessorana í Hóskólanum
Stjórn Félags háskólakennara
hefur eindregið mótmælt sam-
þykkt Háskólaráðs um breyt-
ingar á háskólalögum um
kennaraembætti. Lýsir stjórnin
vanþóknum sinni á þvi, að svo
umdeilt mál skuli hafa verið af-
greitt i Háskólaráði án þess að á
undan færu fram viðtækar um-
ræður fyrir opnum tjöldum á
öllum stigum þess.
Stjórnin telur hvort tveggja
mjög varhugaverða stefnu að
skipa kennara með takmörkuðum
skyldum við Háskólann, og að
fara aftur inn á þá braut að skipa
timabundinni skipun.
Stjórnin telur að stefna beri
markvisst að þvi, að rannsóknir
háskólakennara fari fram á
vegum Háskólans, og stuðli að
eflingu Háskólans sem visinda-
legrar rannsóknarstofnunar.
Telur stjórnin, að rannsóknar-
starfsemi á vegum Háskólans sé
og forsenda þess, að Háskólinn
geti gegnt hlutverki sinu sem vis-
indaleg fræðslustofnun, saman-
ber fyrstu grein laga um
Háskóla íslands.
Sé ekki unnt um stundarsakir
að koma upp við Háskólann
rannsóknaraðstöðu i ákveðinni
kennslugrein telur stjórnin eðli-
legt, að samningar séu gerðir við
rannsóknarstofnanir utan Há-
skólans um rannsóknaraðstöðu
fyrir fastráðna háskólakennara i
greininni. Tryggtverði þó'hverju
einstöku tilviki, að Háskólinn
hafi fullar nytjar af þeim rann-
sóknum, sem unnar eru af há-
skólakennurum.
Visir hafði samband við Jóna-
tan Þórmundsson formann Fél-
ags háskólakennara, sem sagði
að rikisstjórnin væri búin að
leggja fram frumvarp til breyt-
inga á Háskólalögum, sem feli
m.a. i sér viðtækar heimildir
fyrir þvi, að fastir kennarar viö
Háskólann geti haft fastar
stöður utan Háskólans og einnig
væri gert ráð fyrir þvi að taka upp
timabundna ráðningu lektora og
dósenta og að þeir geti haft stöðu
utan Háskólans. Viki þetta frá
þeirri stefnu, sem mótuö ■ var
1969, Þegar lektorar og dósentar
voru gerðir að fastráðnum
starfskröftum með rannsóknar-
skyldu eins og prófessorar.
— Við gagnrýnum það atriði,
að ekki er nægilega gengið frá
þvi, að þau störf, sem unnin eru
utan Háskólans séu i þágu hans
og unnin á vegum hans. Við
teljum, að fastráðnir háskóla-
kennarar eigi að vinna að rann-
sóknarstörfum samkvæmt þvi
sem kjarasamningur segir til um
þ.e. að 40-60% af starfi hvers há-
skólakennara felist i þeim. Við
höfum sterkan grun um að með
nýrri lagasetningu sé verið að
heimila háskólakennurum að
fara fram hjá kjarasamningum
og veita þeim tækifæri til að hafa
tvöföld laun. Með þvi skapast
hætta á mismuni á launum há-
skólakennara.
Viö teljum að þessi atriði séu
m.a. til komin vegna lækna.sem
hafa löngum haft sérstöðu innan
Háskólans. Þeir höfðu áður en
kjarasamningarnir gengu i gildi
hálf önnur prófessorslaun.
Prófessorar i læknisfræði eru
yfirleitt jafnframt yfirlæknar.
Hinsvegar má geta þess, að við
höfum bent á leiðir til að bæta
stöðu þeirra manna, sem ekki
hafa föst laun við Háskólann,
m.a. með þvi að benda á það
hversu laun stundakennara eru
hraksmánarlega léleg.
Tilgangurinn með mót-
mælunum er ekki eingöngu sá að
mótmæla heldur að veita yfir-
völdum Háskóla og mennta-
mála aðhald um að nota þessar
heimildir i hófi, ef að lögum
verða.
Við i félaginu teljum, að
heildarendurskoðun á Háskóla-
lögunum sé bæði æskileg og
timabær og eðlilegra hefði verið,
að þessi mál væru skoðuð i heild.
Við telium að bað skorti mark-
vissa stefnu i þessum kennara-
málum, i stofnun kennara-
embætta.
—SB—
Stolið staf
gamals manns
— var að leggja peninga í banka og lagði
stafinn fró sér andartak
„Flest geta menn nú latið hafa
sig út i,” varð einhverjum að orði
i Búnaðarbankanum i fyrradag.
Þar var eldri maður að
leggja inn peninga og var hann að
skrifa viðeigandi nótur við eitt
borðanna i salnum. Þegar hann
hcfur lokið þessu, ætlar hann að
gripa til stafs sins með silfur-
handfangi, máðu nokkuð, en
stafurinn var þá ekki við hlið
borðsins, þar sem hann hafði lagt
hann.
„Þetta er forláta stafur”,
sagði maðurinn, sem ræddi við
lögreglu um málið. „Á hand-
fanginu er silfur og stafurinn
merktur fyrri eiganda, honum
Baldvin Einarssyni, söðlasmið,
sem vará Laugaveginum i gamla
daga.”
Nú vita áreiðanlega einhverjir
lesendur um stafinn góða, og ættu
þeir að láta ritstjórn Visis. vita,
og mun hún koma honum til rétts
eiganda, sem þarf á honum að
halda eftir umferðarslys sem
hann varö fyrir.
-JBP-

<j4p 4 \

Á morgun er fyrsti sumardagur og vonandi fer I hönd fallegt og gott
sumar. Þessi piltur var að leik I góða veðrinu vestur við Ægissfðu þegar
ljósmyndarann bar að garði og tók þessa skemmtilegu mynd ljóss og
skugga af honum.