Vísir - 11.09.1975, Blaðsíða 6
6
Vísir. Fimmtudagur 11. september 1975.
VÍSIR
Útgefandi: Reykjaprent hf.
Ritstjóri og ábm: Þorsteinn Pálsson
Ritstjórifrétta: Arni Gunnarsson
Fréttastjóri eri. frétta: Guömundur Pétursson
Auglýsingastjóri: Skúli G. Jóhannesson
Auglýsingar: Hverfisgötu 44. Simar 11660 86611
Afgreiðsla: Hverfisgötu 44. Simi 86611
Ritstjórn: Síöumúla 14. Simi 86611. 7 Hnur
Askriftargjald 800 kr. á mánuöi innanlands.
t lausasölu 40 kr. eintakiö. Blaðaprent hf.
Afgreiðslubann
Alþýðusambandsins
Viðræður við fulltrúa brezku rikisstjórnarinnar
um hugsanlegt bráðabirgðasamkomulag i land-
helgisdeilunni eru nú að hefjast hér i Reykjavik.
Á sama tima hafa Vestur-Þjóðverjar ögrað ís-
lendingum með mjög furðulegu framferði á mið-
unum umhverfis landið að undanförnu. íhlutun
þýzku efti'rlitsskipanna i löggæzlu islenzkra varð-
skipa er svo ruddalegt athæfi að íslendingar
hljóta að gripa til alvarlegra mótaðgerða.
Vestur-Þjóðverjar hafa nánast gert að engu
möguleika á bráðabirgðasamkomulagi með
þessu háttalagi. Það kemur ekki til álita að gera
samkomulag af nokkru tagi um veiðiheimildir
fyrir Breta ef ekki næst samhliða samkomulag
við aðrar þjóðir Efnahagsbandalagsins sem hér
eiga hlut að máli. Með öllu er þvi útilokað að
samningaviðræðurnar, sem hefjast i dag, geti
borið árangur að svo stöddu.
Miðstjórn Alþýðusambandsins hefur nú sett af-
greiðslubann á vestur-þýzku eftirlitsskipin. Jafn-
framt þvi sem þeim tilmælum er beint til félags-
manna innan Alþýðusambandsins að afgreiða
ekki þýzku eftirlitsskipin nema i neyðartilvikum,
hefur sömu áskorun verið beint til annarra sem
séð hafa um afgreiðslu þessara skipa.
Hér er um sjálfsögð og eðlileg viðbrögð að ræða
og forysta Alþýðusambandsins á þakkir skildar
fyrir skjót viðbrögð i þessu máli. Rikisstjómin á
að veita Alþýðusambandinu nauðsynlegt liðsinni
til þess að fylgja þessu banni fram.
Að sjálfsögðu hefði komið til álita að rikis-
stjórnin lýsti með formlegum hætti yfir hafn-
banni gagnvart þýzku eftirlitsskipunum. Form-
lega séð er þar um mun harkalegri aðgerðir að
ræða en það afgreiðslubann sem Alþýðusam-
bandið hefur nú sett. Afleiðingarnar heföu á hinn
bóginn orðið þær sömu. Við heföum ekki náð
meiru fram með þeim hætti.
Að svo stöddu er skynsamlegt að láta sitja við
afgreiðslubann Alþýðusambandsins. Ef Þjóð-
verjar herða hins vegar enn aðgerðir sinar getur
verið eðlilegt að lýsa yfir hafnbanni. Löndunar-
bannið, sem nú er i gildi i Vestur-Þýzkalandi á is-
lenzk skip, er i raun réttri til komið vegna að-
gerða verkalýðssamtaka þar i landi. Löndunar-
bannið hefur á hinn bóginn notið óformlegs stuðn-
ings stjórnvalda.
Meðan ekki er talin ástæða til þess að lýsa yfir
formlegu hafnbanni, á rikisstjórnin að veita
Alþýðusambandinu nauðsynlegan stuðning við
aðgerðir sinar á svipaðan hátt og vestur-þýzka
stjórnin hefur gert þar i landi.
Eðlilegt er og sjálfsagt að halda opnum leiðum
til samkomulags við Vestur-Þjóðverja en siðustu
aðgerðum þeirra verðum við að mæta af fullri
festu. Ljóst er að Þjóðverjar verða að sýna á sér
nýja hlið ef nókkur möguleiki á að vera á sam-
komulagi. Miklu máli skiptir, að við hvikum
hvergi frá þvi meginskilyrði, að veita ekki einni
þjóð Efnahagsbandalagsins veiðiheimildir innan
nýju fiskveiðitakmarkanna nema samkomulag
náist við aðrar þjóðir innan bandalagsins sem við
höfum átt i deilum við. Það verða engir samning-
ar við Breta meðan Þjóðverjar hindra fram-
kvæmd viðskiptasáttmálans við Efnahagsbanda-
lagið.
Indira Gandhi,forsætisráöherra Indlandsrræðir við hermenn frá Punjab. Hún afnain mannréttindi fyrlr
skemmfstu og stjórnar nú samkvæmt einsflokks kerfi, en segir að vfsu aö það sé atíeins til bráðabirgöa.
Hvað veröur, veit enginn.og I raun hefur verið einsflokkskerfi i Indlandi allt frá þvi að iandið varö
sjálfstætt 1957.
Lýðrœðið er á
undanhaldi í
Austurlöndum
Þeir leita I skuggann, þessir Biharbúar, og skeyta ekki hót um kosningaslagoröin á veggnum. Þeirra
áhugamál eru brýnustu llfsnauðsynjar, ekki stjórnskipulagið, og þeir bera vafalaust lftið skynbragö á
fræðileg stjórnmál.
■■
■ ■
■■