Lesbók Morgunblaðsins - 01.02.1953, Síða 1
Guðmundur Þorláksson mag.
í boði BoBidarÉkjastjórnar
STJÓRNARVÖLD Bandaríkjanna
reyna nú meira að kynna öðrum
þjóðum land sitt og fólk, en áður
hefur verið títt. Fjárhagsleg af-
koma almennings hér er betri en
í flestum öðrum löndum veraldar
og eins og títt er, þá þakka Banda-
ríkjamenn þetta stjórn landsins.
Öruggasta leiðin til þess að
hindra útbreiðslu kommúnisma
telja menn hér vera þá að auka
fjárhagslega velmegun almennings
og auka menntun viðkomandi
þjóðar. Menn, sem líður vel,
langar sjaldan til að gera stór
breytingar á lífi sínu, því þá hafa
þeir eitthvað að missa. Það eru
„öreigar“ og „undirokaðir“, sem
oftast hafa verið kjarni stórbylt-
inga.
Þess vegna er gott að bjóða út-
lendingum „heim“ til Bandaríkj-
anna, og sýna þeim svart á hvítu,
að almenningi hér líður yfirleitt
vel og er mjög ánægður með kjör
sín — og þykir svo vænt um frelsi
sitt, að hann er reiðubúinn að
leggja allt í sölurnar fyrir það.
Þess vegna er þúsundum útlend-
inga boðið hingað árlega nú. Sum-
Guðmundur Þorláksson
ir gestanna ferðast um landið og
hafa aðfeins skamma dvöl í hverj-
um stað. Aðrir eru lengri eða
skemmri tíma við menntastofnanir,
verksmiðjur o. s. frv. og kynnast
þannig menntun og tækni Banda-
ríkjamanna. Sökum þess, hve áhrif
kennarastéttarinnar eru, mikil í
flestum löndum, þá hefur verið
boðið hingað miklum fjölda kenn-
ara og prófessora frá öllum lönd-
um utan „járntjaldsins“.
Ég var svo heppinn að verða
fyrir valinu, þegar einum ísl- kenn-
ara var gefinn kostur á að fara
vestur um haf og dvelja þar í sex
mánuði.
★
Um 300 kennarar og skólastjórar
komu víðsvegar að til Washington
í ágúst í ár í slík heimboð. Fyrst
dvaldi flokkur þessi mánaðar tíma
í Washington. Þar voru þeir kynnt-
ir menntastofnunum höfuðstaðart
ins, og sér í lagi var reynt að æfa
þá í enskri tungu, sem þess þörfn-
uðust.
Af sérstökum ástæðum kom ég
ekki fyrr en um miðjan septem-
ber, en um það leyti var farið að
senda menn þessa „út um sveitir
landsins“ til dvalar við mennta-
stofnanir. Ég ásamt 23 öðruni
skólamönnum var sendur til há-
skólans í Sýracuse, sem er í miðju
New York ríki.
Aðrir flokkar, sumir stærri, aðr-
ir minni, voru sendir til annara
háskóla víðsvegar um landið.
Félagar mínir eru frá ýmsum
þjóðum í Evrópu, Asíu, Afríku og
Suður- og Mið-Ameríku.
\