Lesbók Morgunblaðsins - 13.09.1953, Qupperneq 1

Þrír brautryðjendur
Páll Briem
Stefán Stefánsson

Sigurður Sigurðsson
Þeir hrundu vorum hag á leið með heillar aldar taki.
RÆKTUNARFÉLAG Norðuriands minntist 50 ára afmælis síns,
á Akureyri 20. júní 1953. Við það tækifæri voru blómsveigar lagðir
að minnismerkjum þeirra Stefáns Stefánssonar við Menntaskólann
og Páls Briem og Sigurðar Sigurðssonar í Gróðrarstöðinni. Þar
minntist formaður félagsins Steindór Steindórsson, þessara þriggja
brautryðjenda félagsins með eftirfarandi ræðu.
VÉR höfum komið saman hér í dag
til þess að heiðra minningu þriggja
ágætismanna, sem fyrir hálfri öld
tóku höndum saman um stofnun
Ræktunarfélags Norðurlands. —
Manna, sem unnu ómetanlegt
brautryðjendastarf til heilla og
hagsbóta íslenzkum landbúnaði og
íslenzkri menningu.
Örlögum manna og hæfileikum
er misskipt. Sumir eru gæddir
þeirri náðargáfu, að hvar sem þeir
fara, og hvar sem þeir leggja hör.d
að verki grær eitthvað eftir þá.
Umhverfis þá er síffellt meiri birta
og gróandi en aðra menn, og þeim
er líkt og gefið það innsæi að finna
hverju sinni, hvar þörfin er mest
á starfskröftum þeirra, og þeim
gefast tækifærin til að beita þeim
þar. Því miður eru slíkir menn