Lesbók Morgunblaðsins - 30.01.1955, Blaðsíða 1
Þjóðskáldið hyllt
Davíð Stefánsson
sextugur
FÖSTUDAGINN 21. þ. mán. átti þjóð-
skáldið Davíð Stefánsson frá Fagra-
skógi sextugsafmæli. Yar hann boðinn
til höfuðborgarinnar, að halda afmæl-
ið þar, og þar var honum margs konar
sómi sýndur. Á afmælisdaginn hafði
Þjóðleikhúsið sýningu á „Gullna hlið-
inu“ og þar var skáldið óspart hyllt
af leikhúsgestum, en þeir Guðlaugur
Rósinkranz þjóðleikhússtjóri og Vil-
hjálmur Þ. Gíslason útvarpsstjóri héldu
ræður.
Daginn eftir var skáldinu svo haldin
fjölmenn veizla í Sjálfstæðishúsinu.
Þar tilkynnti Þorsteinn M. Jónsson for-
seti bæarstjórnar á Akureyri, að Akur-
eyrarbær hefði kosið skáldið heiðurs-
borgara sinn, en Þóroddur Guðmunds-
son frá Sandi, formaður Félags ís-
lenzkra rithöfunda, tilkynnti að skáld-
ið hefði verið kosið heiðursfélagi þess
félags. í hófinu voru haldnar þrjár
ræður fyrir minni heiðursgestsins og
voru ræðumenn þeir Bjarni Bene-
diktsson menntamálaráðherra, Þórar-
inn Björnsson skólameistari á Akur-
eyri og Steingrímur J. Þorsteinsson
háskólaprófessor. Fara ræður þeirra
hér á eftir.