Lesbók Morgunblaðsins - 24.04.1955, Blaðsíða 8

Lesbók Morgunblaðsins - 24.04.1955, Blaðsíða 8
228 LESBÓK MORGUNBLADSINS Kapphlaup um úraníum HÖFUNDUR þessarar greinar, Robert D. Nininger, er jarðfræðingur að menntun, en hefir lengi verið einn af fremstu mönnum í kjarn- orku-rannsóknarnefnd Bandaríkjaffina. Hann hefir íyrir nokkru gefið út bók, sem heitir „Minerals for Atomic Energy." IjAD ERU ekki nema 15 ár síðan Albert Einstein varaði Frank- lin D. Roosevelt forseta við því, að Þjóðverjar kynni þegar að veva byrjaðir á því að framleiða kjarn- orku-vopn. Þá höfðu fáir heyrt minnst á úraníum. Það var mjög lítið notað, og helzt í glerung á leirvörur og gerfitennur. En nú er úraníum hið eftirsótt- asta efni á þessari jörð, vegna þess að það er undirstaðan að fram- leiðslu kjarnorkuvopna, og það er undirstaðan að því, að kjarnorkan geti orðið almenningseign, öllu mannkyni til hagsbóta. ORKUGJAFI FRAMTÍÐARINNAR Um allan heim er nú unnið að því að hinu mesta kappi að finna nýar úraníum námur, finna nóg af þessu merkilega efni, sem verður orkugjafi framtíðarinnar. Hér er um stórkostlegri leit að ræða held- ur en nokkur dæmi eru til um áður. Þegar seinni heimsstyrjöldm hófst var ég foringi í verkfræðinga- sveit bandaríska hersins, og þá tók ég þátt í leitinni að því úraníum, sem notað var í fyrstu kjarna- sprengjurnar. Og nú nýlega hefi ég ferðast víða um þar sem leitað er að úraníum, og hefi því kynnzt þessu af eigin reynd. Síðan seinni heimsstyrjöldinm lauk, hafa þúsundir manna, bæði fróðir og ófróðir, flykkzt til af- skekktra héraða í Bandaríkjunum, Kanada og Ástralíu til þess að leita að þessu geislavirka eini. Fólks- straumurinn til Saskatchewan 1952 minnti á gullæðið í Kaliforníu einni öld áður, og þegar úraníum fannst í Utah árið 1953, þá minnti fólksstraumurinn þangað á gull- æðið í Klondike árið 1897. Kúrekar, fjárhirðar, Indíánar, rakarar, múr- arar, lögregluþjónar, skátar, kenn- arar, prófessorar og alls konar menntamenn, streymdu þangað í stórhópum og eyddu sumarleyfi sínu í það að finna úraníum. Ýmsir hafa haft heppnina með sér og hafa orðið ríkir, því að Bandaríkjastjórn launar vel þeim sem finna úraníumnámur sem hægt er að starfrækja. Kjarnorka- nefndin greiðir 33.000 dollara verð- laun fyrir fund hverrar slíkrar námu, en svo fá þeir, sem finna, auk þess hlutdeild í ágóðanum af námunni. Og að margar slíkar námur hafi fundizt, sést á því, að nefndin hefir nú þegar greitt rúm- Námaborg ris upp á auðninni í norðanverðu Kanada.

x

Lesbók Morgunblaðsins

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Lesbók Morgunblaðsins
https://timarit.is/publication/288

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.