Lesbók Morgunblaðsins - 10.02.1957, Blaðsíða 15
LESBÓK MORGUNBLAÐSINS
91
nokkrum dýrategundum, sem
hvergi finnast annars staðar á
jörðinni.
Það væri villandi að halda því
fram að fækkun dýranna í Afríku
stafi eingöngu af óleyfilegum veið-
um. Þar hafa verið farnar sérstakar
herferðir gegn dýrunum og þús-
undir þeirra drepnar niður misk-
unnarlaust til þess að reyna að af-
stýra því að þau breiddu út svefn-
sýki í mönnum og „nagana“ í hús-
dýrum. Þessum veikindum veldur
„tse-tse“-flugan, en bit hennar er
ekki banvænt nema því aðeins að
hún hafi áður bitið sýkt dýr. Menn
héldu því að mikil hætta stafaði af
hjörðum villidýranna, og eina ráð-
ið var talið að útrýma þeim í
námunda við mannabyggðir.
Dýrafræðingum um allan heim
þykir. útlitið ískyggilegt eins og nú
horfir, og þeir krefjast þess að
eitthvað sé gert til þess að varna
því að ýmsar tegundir dýra verði
aldauða. Þeir fara ekki fram á að
heft sé framsókn mannanna um að
leggja ný og ný lönd undir rækt-
un, en þeir krefjast þess að betra
eftirlit sé haft með öllum frið-
löndum dýra.
t^D®®®G>^J
LEDDRÉTTING
í KVÆÐI mínu „Faxi“ er birtist í 2.
tbl. Lesbókar eru tvær meinlegar
prentvillur, sem hafa eflaust raskað
heildarsvip kvæðisins. Fyrstu fjórar
ljóðlínurnar eru þannig rétt með
farnar:
Þaut í lofti þokusúgur
þungur niður barst frá ánni.
Drungalegur myrkramúgur
markaði spor á harðri gljánni,
o. s. frv.
Ef þið, kæru lesendur, berið saman
fyrsta og síðasta erindi, verðið þið
varla lengi að sjá hvað er rétt.
Ólafur Þ. Ingvarsson.
Nýungar
SKIPSSKRÚFA ÚR NÆLON
Loftbólur þær, sem myndast
þegar skipsskrúfa snýst, mæða á
henni og slíta henni með tímanum
svo að 'hún missir nokkuð af afli
sínu. Nú hefir danskt verkfræð-
ingafirma fundið upp á því að gera
skipsskrúfu úr nælon, og er því
haldið fram að loftbólumar hafi
engin áhrif á hana, og svo hafi
hún þann mikla kost að vera mörg-
um sinnum léttari en aðrar skrúf-
ur. Og til þess að ganga úr skugga
um styrkleika hennar, verður hún
reynd á skipi í ísnum við Græn-
land.
DEIGHRÆRIVÉL
Á matvælasýningu, sem haldin
var í París fyrir skemmstu, var
til sýnis ensk deighrærivél, er tek-
ur fram eldri hrærivélum. Hún er
knúin með þrýstilofti og getur á
3—5 mínútum hrært brauðdeig,
sem venjulegar vélar væri hálfa
klukkustund að hræra.
ÖRYGGISFATNAÐUR
í Heidelberg á Þýzkalandi hafa
menn fundið upp öryggisfatnað,
sem á að geta varið menn fyrir
kjarnageislum, sýklahernaði og allt
að 1000 stiga hita. Klæðnaður
þessi er úr trefjugleri, fóðraður
með plastik. Áfastir eru hanzkar
og sokkar og súrefnisgeymir er þar
til þess að menn geti dregið and-
ann. Þrjár gerðir verða af þess-
um klæðnaði, ein fyrir verksmiðju-
fólk, önnur fyrir hermenn og hin
þriðja fyrir almenning og kostar
sá klæðnaður um 800 mörk.
RANNSÓKN Á LUNGUM
Á alþjóða læknaráðstefnu, sem
haldin var í Köln, var sýnt áhald
til þess að rannsaka skemmdir í
lungum. Það er kallað „Isotope-
Thoraxograph" og dælir geisla-
virku xenon-gasi niður í lungun,
en 16 hámákvæmir Geigermælar
fylgjast með ferðum gassins um
lungnahólfin og kemur það fram
á sjálfritandi tæki. Sérfræðingar
segja, að sjúklingurinn andi aftur
frá sér öllu gasinu, svo ekkert verði
eftir af því í lungunum. Xenon-
gasið er fengið hjá kjarnorkustöð
Breta í Harwell, en það eru margir
þýzkir eðlisfræðingar og læknár,
sem fundið hafa upp áhaldið, og
hafa þeir unnið að því í 5 ár. For-
ystu þeirra hafði H. W. Knipping
prófessor við háskólann í Köln. —
Talið er að áhald þetta muni kosta
150.000 marka.
SKRAFSKJÓÐA
Gestir, sem nú koma í ameríska
náttúrugripasafnið í New York, fá
afhent ofurlítið hylki, sem þeir
hengja um öxl sér og kallað er
„Guide-a-phone“, en mætti vel
kallast skrafskjóða á íslenzku.
Þetta er sem sé móttökutæki og
með því geta gestir hlustað á fræð-
andi fyrirlestra, sem útvarpað er
frá öðrum sal í húsinu. Þessir fyrir-
lestrar eru ýmist um dýr, fugla
eða annað markvert sem er að sjá
í safninu.
XEROGRAPHY
nefnist ný aðferð við ljósmynd-
un, og hafa tvö stór firmu í Bret-
landi og Bandaríkjunum slegið sér
saman um hana. Myndirnar eru
teknar á rafmagnaðar plötur og
þarf hvorki að „baða“ þær né nota
sérstakan Ijósnæman pappír til að
framkalla myndirnar. Þær fram-
kallast tafarlaust á venjulegan
pappír. Með þessu móti verður
fljótlegpa. að gera myndir og kostn-
aður er talinn minni en við venju-
legar myndir.