Lesbók Morgunblaðsins - 18.04.1957, Blaðsíða 12
232
LESBÓK MORGUNBLAÐSINS
FRAMKVÆMDIR
Alþingi hefir veitt Flugfélagi ís-
lands ábyrgð á láni til kaupa á tveim-
ur millilandaflugvélum (2.)
Lokið var endurnýun á gömlu sjálf-
virku símastöðinni í Reykjavik (2.)
Tveimur nýum bátum, 57 lesta, var
hieypt af stokkunum í Keflavík. Þeir
verða gerðir út í Sandgerði (6.)
Bæarstjórn Reykjavíkur hefir ákveð-
ið að hefja í vor byggingu 220 íbúða
hverfis skammt frá Kleppi (6.)
Kirkjan í Patreksfirði fekk gagn-
gera viðgerð og síðan var sett nýtt
pípuorgel í hana (7.)
Reykjavíkurbær hefir sótt um leyfi
til þess að reisa fjögur ný skólahús
(7.)
Ákveðin hefir verið hækkun á burð-
argjaldi bréfa innanlands um 25 aura
og símagjöld í Reykjavík verða hækk-
uð um 25 kr. á mánuði (9.)
Á fjáröflunardegi Rauða Krossins í
Reykjavik söfnuðust 125.000 kr. (9.)
Menntamálaráð hefir úthlutað
styrkjum og lánum handa 270 náms-
mönnum erlendis. Styrkirnir eru sam-
tals 943.000 kr. (9.)
Héraðsbókasafn Dalasýslu hefir ver-
ið opnað í Búðardal (13.)
Ferðaskrifstofan Orlof opnaði minja-
gripaverslun í Reykjavík (14.)
Flugmálastjórnin hefir fengið til um-
ráða flugstöðvarbyggingu á Keflavík-
urflugvelli, sem setuliðið hafði áður
(19.)
Tilraunir, sem gerðar hafa verið á
Grænavatni í Mývatnssveit og Gunn-
arsholti á Rangárvöllum, um að bera
tilbúinn áburð á óræktaða mela, hafa
gefið góða raun (22.)
Mjólkurbú Flóamanna er nú að
reisa annað stærsta mjólkurbú á Norð-
urlöndum. Er ætlazt til að það geti
tekið við 180.000 lítrum mjólkur á
dag. Árið sem leið tók búið á móti
25 Vz millj. kg. af mjólk og er það
6,25% aukning frá fyrra ári. Félags-
menn fengu 2.94 kr. fyrir hvern lítra,
en niðurstöður á rekstrarrreikningi
voru 90.631.070 kr. (22.)
Nýtt pípuorgel hefir verið sett í
kirkjuna í Stykkishólmi (24.)
Templarar í Reykjavík hafa opnað
bindindisbókasafn, sem verður opið
fyrir almenning (28.)
Sölutækni fekk liingað útlendan
mann til þess að hafa námskeið um
skrevtingu búðarglugga (29.)
Eimskipafélagið hefir ákveðið að
selja Brúarfoss og mun hafa fengið
Yngsti Akureyringurirn (3 ára)
sem gekk 4 km á skiðuin
tilboíi í hann frá Danmörk. — Félagið
hefir samið um smíði tveggja nýrra
skipa við skipasmíðastöð í Álaborg
(30.)
Flugfélag íslands mun fjölga mjög
ferðum til útlanda í sumar, þegar það
hefir fengið hinar tvær nýu Viscount
flugvélar. Er gert ráð fyrir 6 ferðum
á viku í júní og 9 ferðum á viku eftir
það (31.)
LISTIR
Bæarráð Reykjavíkur hefir sam-
þykkt að kaupa höggmyndina Bjarn-
arhúnar af Guðmundi Einarssyni frá
Miðdal (7.)
Eggert Guðmundsson listmálari hafði
sýningu í Reykjavík (22.)
Morgunblaðið hafði allan þennan
mánuð sýningar í gluggum sínum á
mynaum eftir ýmsa innlenda málara.
ÝMISLEGT
Áfengisneyzla landsmanna nam
1,281 litra af hreinum vínanda á mann
árið sem leið og er það 169 gr. minna
en 1955 (2.)
Um nýár voru 16.911 bílar í notk-
un hér á landi, þar af helmingurinn
í Reykjavík (5.)
Belgiski togarinn, sem flugvél tók
í landhelgi og sektaður var, áfrýaði
þeim dómi. Nú fell dómur í Hæsta-
rétti og var togarinn sekur fundinn
og undirréttardómurinn staðfestur (9.)
Kom út ný skáldsaga, Brekkukots-
annáll, eftir Halldór Kiljan Laxness
(14.)
Vaxandi brögð eru að því að tog-
arar fái tundurdufl í vörpur sínar, og
er það vegna þess að þeir fiska nú
á nýum slóðum þar sem áður voru
tundurduflasvæði. Þessir togarar fenga
tundurdufl í vörpur sínar í mánuðin-
urn: Bjarni riddari, út af Malarrifi;
Gerpir út af Norðurlandi (22.) og
Harðbakur á Sléttugrunni (28.) Öll
voru duflin virk, en sem betur fór ollu
þau ekki slysum.
Snarpir jarðskjáltakippir fundust
víða um Suðvesturland, en mestir í
Krýsivík. Þar gengu jarðhræringar
með stuttu millbiii allt upp undir
sólarhring. Upptök þeirra munu hafa
verið í grennd við Krýsivík (26.)
Hæstiréttur dæmdi leynivínsala á
ísafirði í 30 daga fangelsi og 10 þús.
kr. sekt, en ef sektin er eigi greidd
innan 4 vikna, skyldi koma 50 daga
fangelsi (27.)
Stúdentaráð Háskólans hefur slitið
sambandi við kommúniska stúdenta-
sambandið I. U. S. í Prag (30. og
31.)
Kynning var haldin á vísindastörf-
um dr. Helga Pjeturss í Háskólanum
að tilhlután Stúdentaráðs Háskólans
(31.).
(Svigatölur tákna dagsetningar
Morgunblaðsins, þar sem nánari
fregna er að leita).
<L-^S®®®G^J>
Lifstiðaratvinna
VERIÐ er að reisa eina af stærstu raf-
stöðvum heimsins hjá Zambesi-fljót-
inu í Rhodesíu í Suður Afríku. Verða
lagðar þaðan leiðslur um landið þvert
og endilangt. En til þess að hægt sé
að koma leiðslum þessum fyrir, verður
að ryðja brautir í gegn um skógar-
þykkni mjög víða og verða þessar skóg-
arbrautir mörg hundruð km. langar.
Nú er mönnum í Englandi jg Afríku
boðin lífstíðaratvinna við þetta skóg-
arhögg. Það er ekki nóg að ryðja braut-
irnar upphaflega. Skógurinn leitar
jafnharðan á og verður að ryðja braut-
imar að nýu á 2—3 ára fresti. Þarna
er því um að ræða verk, sem aldrei
verður fullgert og verður um alla
framtíð að hafa þar fjölda manna íiZ
þess að halda skógarbrautunum við.